Piripos 2:4 - Tĩrtũm kapẽr ã kagà nyw

⁴ Jao Jejus pyrà nẽ mẽmoj to axpẽn kutã anojarêt o ri apa. No ri amnhĩ pix kukamã ajamaxpẽr o apa hkêt nẽ.

Piripos 2:4 ပူးပေါင်းရင်းမြစ်များ

Matêwre 18:6

Nhũm Jejus arĩ mẽ inhmã mẽhprĩ jarẽ nẽ mẽ inhmã: —Nẽ mẽhprĩre na htem amnhĩ kaxyw ixkôt hamaxpẽr o pa. Tã koja mẽhõ inhnê tanhmã mẽ kãm kapẽr to. Mẽ kot tanhmã amnhĩ tomnuj to hprãm xàj tanhmã mẽ kãm kapẽr to ho pa. Hãmri nhũm mẽ kuma nẽ mẽ kapẽr xà hkôt tanhmã amnhĩ tomnuj to. Hã koja Tĩrtũm ja hã omu hãmri nẽ kot inhnê tanhmã kãm kapẽr to xwỳnhta pumu nẽ homnuj tỳx nẽ. Te mẽ kot mẽhõ pynênh nẽ mut ã kẽn pytĩ hõ nhôr nẽ ma o htẽm nẽ gô xupỳm kãm mẽnh pyràk o hipêx. Te ho ja pyràk no ãm homnuj tỳx o hakre.

Rõmãn 12:15

Nẽ koja akwỳjê hõ mẽmoj tã hkĩnh nẽ. Ka omu nẽ uràk nẽ ỹ hã akĩnh nẽ. No koja mẽmoj tã hkaprĩ nẽ mỳr o nhỹ ka omu nẽ ra uràk nẽ ỹ hã akaprĩ nẽ.

Rõmãn 15:1

Nẽ kêr pu mẽ pahte ra Jejus kôt amnhĩ xunhwỳr tỳx xwỳnhjaja amnhĩ kôt kormã mẽ kot Jejus kôt amnhĩ xunhwỳr totuj janhỹr xwỳnhjê jamãr mex nẽ. Jao mẽ kamã pagryk tokyx anhỹr kêt nẽ. Ãm mẽ kutã panojarêt pix o papa. Jao ra amnhĩ pix kukamã pajamaxpẽr kêt nẽ.

Wam Korĩt 10:24

Jakamã kwa kêr pu mẽ amnhĩ pix kukamã pajamaxpẽr pê tanhmã amnhĩ nhĩpêx to ho papa hkêt nẽ. Mããnẽn amnhĩ kwỳjê hkukamã pajamaxpẽr pê tanhmã mẽ ho mex to ho ri papa pê tãm ri amnhĩ nhĩpêx o papa.

Sikũn Korĩt 11:29

Nẽ na hte mẽhõ Tĩrtũm kapẽr nhĩrôp xa nẽ tanhmã amnhĩ tomnuj to pa tee ri omu nẽ ixkaprĩ htỳx kumrẽx. Koja mẽhõ tanhmã Tĩrtũm nê mẽhõ mã kapẽr to nhũm kuma nẽ Tĩrtũm kôt amnhĩ nhĩpêx kêt pa tee ri ja hã omu nẽ nê kêp àmnàr xwỳnhta kamã inhgryk tỳx kumrẽx.

Sikũn Korĩt 6:3

Nẽ mẽ kot Tĩrtũm kapẽr mar nẽ hã ixtomnuj tã pa hte amnhĩ katut kôt mẽ kot tanhmã ixtomnuj toja rẽ nẽ ho ijamakêtkati tokyx anẽ. Nẽ arĩ mẽ kãm kapẽr jarẽnh rãhã ho ri mẽ hkôt ixpa. Mẽ kot mar nẽ ãm mar nẽ hkaga pymaj na pa hte ã amnhĩ nhĩpêx anhỹr rãhã nẽ. Mẽ kot ja hã inhĩpêx punuj tã pa arĩ mẽ kãm harẽnh o ri mẽ hkôt ixpa.

Piripos 2:21

Nom jar mẽ piitã Ximotre kĩnhã amnhĩ mex pix kukamã hamaxpẽr o pa nẽ kãm Jejus Kris kôt tanhmã amnhĩ nhĩpêx to ho pa hprãm kêt nẽ.

Xiakre 2:8

Tĩrtũm kapẽr ã kagà htũm kot ja jarẽnh kot: Kêr ka mẽ piitã mẽ hipêx o te ka amã amnhĩ tã ma pyràk. Anẽ. Ã kot mẽ pamã karõ kot anhỹr. Kapẽrja mex kumrẽx. Kot puj mẽ ã axpẽn nhĩpêx anhỹr jao Tĩrtũm kãm hprãm xà hkôt amnhĩ nhĩpêx mex nẽ.