Matêwre 5:31 - Tĩrtũm kapẽr ã kagà nyw

³¹ Nhũm Jejus arĩ mẽ kãm kapẽr nẽ mẽ kãm: —Nẽ na pre finat Mojes mẽ panhĩgêtjê mã Tĩrtũm kapẽr tũm kwỳ jarẽ nẽ mẽ kãm: “Kot kaj mẽ atõ aprõ kaga kaxyw hãmri nẽ ate hkaga hã amnhĩ jarẽnh ã kagà nhĩpêx nẽ kãm agõ nẽ rĩ kormã hkaga.” Anẽ. Ãm hãmri na pre ã mẽ kãm Tĩrtũm kapẽr tũm jarẽnh anẽ.

Matêwre 5:31 ပူးပေါင်းရင်းမြစ်များ

Matêwre 19:3

Hãmri nhũm Parijew nhõ xwỳnh kwỳjaja hwỳr mra. Hêx rom kot kamã hamak nẽ tanhmã ho kapẽr punuj to kaxyw hwỳr mra nẽ kãm: —Pa? Kwa mẽ inhmã mẽmoj jarẽ. Tanhmã na pre amnepêm finat Mojesja mẽ pahte mẽ pahprõ kaga hã mẽ panhĩgêtjê mã karõ hto? Xà kot mẽ pahprõ pahkwỳm ri tanhmã amnhĩ nhĩpêx to pu mẽ hkaga nhũm ja Tĩrtũm mã mex nẽ nà? Anẽ.

Matêwre 19:7

Hãmri nhũm mẽ kuma nẽ kãm: —Tỳ. Nom finat Mojes na pre mẽ pakukamã mẽ panhĩgêtjê mã ã ja hã karõ anẽ nẽ mẽ kãm: Kot kaj mẽ aprõ kaga kaxyw hãmri nẽ ra kêp aprõ hkêt ã hã kagà nhĩpêx nẽ kãm agõ nẽ amnhĩ nê hano kê ma tẽ. —Anhỹr o na pre mẽ kãm hã karõ. Tã ka na ka mẽ ixte axpẽn kaga hkêt ã mẽ inhmã karõ. Anẽ.