Matêwre 3:15 - Tĩrtũm kapẽr ã kagà nyw

¹⁵ Hãmri nhũm kãm: —Kwa nà. Mãmrĩ ixkrã kumrã Juãw Paxis. Tĩrtũm kãm ja prãm kênã kot ka kêt ri axtem nẽ ixkaga. Kot puj mẽ Tĩrtũm kãm hprãm xà hkôt tanhmã amnhĩ nhĩpêx to ho ri papa. Anẽ. Hãmri nhũm kuma nẽ kãm: —Tôe. Nà kot paj akrã kumrã. Anẽ.

Matêwre 3:15 ပူးပေါင်းရင်းမြစ်များ

Juãw 4:34

Hãmri nhũm mẽ inhma nẽ mẽ inhmã: —Nà mẽhõ kot kêt ri inhmã mẽmoj to mra pa kuku? Kot paj kot mẽ awỳr inhmẽnh xwỳnhta mã tanhmã amnhĩ nhĩpêx to hãmri nẽ te ra ixàpkur mex nẽ hã ixihtỳx mex pyràk o amnhĩ nhĩpêx. Tã kot paj ã kãm amnhĩ nhĩpêx anhỹr o ri ixpa rãhã ho ijapêx pa. Jao te ixàpkur rax pyràk.

Juãw 15:10

Na pa hte ãm Inhĩpêêxà kapẽr kôt pix mã ri amnhĩ nhĩpêx o ri ixpa. Jakamã na pa hte kãm ijapê hã ixkĩnh nẽ ri ixpa. Tã kêr ka mẽ ixpyrà nẽ ixkapẽr kôt pix mã tanhmã amnhĩ nhĩpêx to ho ri apa. Nẽ ixpyrà nẽ inhmã mẽ ajapê hã amnhĩ pumu nẽ akĩnh nẽ ri apa.

Juãw 13:15

Jao amnhĩ kuxwar axpẽn to mex pê mẽmoj to axpẽn kutã anojarêt rãhã ho ri apa.

Wam Juãw 2:6

Jakamã kêr ka mẽ apê Jejus Kris kwỳ hã amnhĩ jarẽnh xwỳnhjaja hkôt pix mã amnhĩ nhĩpêx mex o ri apa.

Rukre 1:6

Nẽ wa hamẽ na pre Tĩrtũm kôt tãm amnhĩ nhĩpêx o wa pa. Ãm Tĩrtũm kapẽr kôt pix mã ri amnhĩ nhĩpêx rãhã ho wa pa.

Juãw 8:29

Ixte kãm hprãm xà hkôt pix mã tanhmã ri amnhĩ nhĩpêx to ho ri ixpa jakamã na hte ixtãnopxar mex o ixkôt pa ho pa. Koja aa ixkaga hkêt nẽ. Anẽ.

Eprêw 7:26

Nẽ ãm hãmri kêp mẽ pahto Tĩrtũm wỳr xwỳnh maati mex na. Mẽ pakurom tãm kot amnhĩ nhĩpêx mex o pa nẽ aa kot tanhmã amnhĩ tomnuj to hkêt. Tã ra Tĩrtũm kot amnhĩ wỳr ho àpir jakamã nhũm ra kuri mẽ pahto hwỳr rãhã ho pa.

Matêwre 3:14

Hãmri nhũm tee ri kuma nẽ kãm: —Kwa nà. Aa ate amnhĩ tomnure hã kot pa kêt ri akrã kumrã. Nà ka kot kaj ixkrã kumrã. Anẽ.