Matêwre 26:21 - Tĩrtũm kapẽr ã kagà nyw

²¹ Hãmri nhũm Jejus tanhmã mẽ inhĩõ jarẽnh to nẽ mẽ inhmã: —E pa mẽ amã mẽmoj jarẽ ka mẽ inhma. Kot kaj mẽ atõ mẽ kãm ixkurê xwỳnhjê nhĩhkram ijaxà. Anẽ.

Matêwre 26:21 ပူးပေါင်းရင်းမြစ်များ

Matêwre 26:2

—E kot puj mẽ axte pahtã apkati axkrut hãmri nhũm arĩgro pê Pas kato. Jakamã koja mẽ piitã amnepêm Tĩrtũm kot Ejit nhõ xwỳnhjê pê mẽ pakukamã mẽ panhĩgêtjê kator mã hamaxpẽr nẽ hã hkĩnh kaxyw Jerujarẽ hwỳr akuprõ. Kamã koja mẽ ixpynê nẽ pĩ kahpa hã inhô nẽ ixpĩ. Koja mẽ tokyx ã inhĩpêx anẽ. Anẽ. Nhũm pre ã amnhĩ kukamã mẽ inhmã amnhĩ jarẽnh anẽ.

Matêwre 26:22

Hãmri pa mẽ tee ri kuma nẽ ixkaprĩ htỳx nẽ. Hãmri nẽ axpẽn pãnhã amnhĩ tã hkukja nẽ kãm: —Kwa xà pa? Nà pa hkêt. Kot paj ã anhĩpêx anhỹr kêt kumrẽx Pahihti. Anhỹr o axpẽn pãnhã kãm amnhĩ tã aprã.

Juãw 13:18

Nhũm Jejus arĩ mẽ inhmã kapẽr nẽ mẽ inhmã: —Kot kaj mẽ apiitã mẽ akĩnh nẽ apa hkêt nẽ. Ixte mẽ arênh xwỳnhjaja mẽ apiitã mẽ apumunh mex. Jakamã na pa Tĩrtũm kot mẽ apiitã mẽ ate amnhĩ tomnuj o hapêx par kêt ã mẽ anhĩõja jarẽ. Tĩrtũm kapẽr ã kagà htũm kot harẽnh kot: Ixkutã apkur o ỹr xwỳnhjê hõ koja axtem nẽ mẽ kot kãm ixkurê xwỳnhjê nhĩhkram ijaxà. Kêp ixkôt pa ho pa xwỳnh tã koja axtem nẽ ã inhĩpêx anẽ. Anhỹr o kot harẽnh. Tã koja tokyx ã inhĩpêx anẽ.

Juãw 13:21

Nhũm pre ã Jejus mẽ inhmã kapẽr anẽ. Hãmri nẽ tee ri amnhĩ kukamã hamaxpẽr nẽ hkaprĩ nẽ mẽ inhmã: —Hêxta waa nẽ. Nà kot kaj mẽ atõ mẽ kot kãm ixkurê xwỳnhjê nhĩhkram ijaxà. Kwa mẽ amnhĩ krã kamã ixkapẽrja mã ajamaxpẽr tỳx nẽ. Anẽ.

Juãw 13:22

Hãmri pa mẽ amnhĩ tã kuma nẽ tee ri axpẽn pumunh o ixkrĩ.

Eprêw 4:13

Nẽ na htem Tĩrtũm pê mẽmoj to pimxur kêt nẽ. Na hte hprĩ hã mẽmoj piitã omunh pa. Nẽ mẽ pajamaxpẽr kôt mẽ pahpumunh pa. Na pu htem ã kot mẽmoj piitã omunh par anhỹr xwỳnhja noo mã tanhmã amnhĩ nhĩpêx to rãhã ho papa.

Apokarip 2:23

Nẽ nitita kot paj kêp hkrajê nhĩmex pa. Ka mẽ apê ixkrajaja ja hã ixpumu nẽ ixte mẽ apiitã ahpỹnhã tanhmã mẽ ajamaxpẽr to hkôt mẽ apumunh ã ixpumu. Nẽ ixte ahpỹnhã mẽ apiitã tanhmã mẽ ate amnhĩ nhĩpêx to ho apa hã mẽ apumunh xà hkôt tanhmã mẽ anhĩpêx to hã ixpumu.