Matêwre 25:8 - Tĩrtũm kapẽr ã kagà nyw

⁸ Nom nhũm mẽ hkwỳjê hkĩnhã õ kanê kaxyw orti ho pa hkêt xwỳnhjaja ra mẽ kêp mẽ kanêja hkaprỳ hpa nhũm mẽ tee ri kot hpôk kaxyw. Hãmri nẽ orti hkwỳ hã hkwỳjê hwỳ nẽ mẽ kãm: “Xê mẽ inhmã orti ho inhõ kanê go.” Anẽ.

Matêwre 25:8 ပူးပေါင်းရင်းမြစ်များ

Rukre 12:35

Nhũm pre Jejus arĩ mẽ ahkre nẽ mẽ kãm: —E na pa pre ra mẽ apê ixkôt mẽ apa ho apa xwỳnhjê mã tanhmã amnhĩ kukamã amnhĩ jarẽnh to. Ixtyk nẽ akupỹm ixtĩr nẽ ma akupỹm ixàpir hãmri nẽ mẽmo arĩgro hã akupỹn mẽ awỳr ixwrỳkja na pa pre ra mẽ amã ja hã amnhĩ jarẽ. Tã kwa kêr ka mẽ ixwakre kamã ixte mẽ amã ã amnhĩ jarẽnh anhỹrja mã ajamaxpẽr tỳx pê ixkôt amnhĩ nhĩpêx rãhã ho ri apa.

Eprêw 4:1

Mẽ pahte Tĩrtũm kukwak ri pajamakêtkati nẽ ri papa ho papaja Tĩrtũm kãm hprãm jakamã kwa kêr pu mẽ amnhĩ pumunh mex o papa. Nẽ wam mẽ panhĩgêt rom Tĩrtũm kapẽr mar tỳx nẽ hkôt mãn kêt ri amnhĩ nhĩpêx mex rãhã nẽ. Kêr pu mẽ kurom mẽ pajamak kãm amnhĩ krit xà hã pika mexta wỳr pôj.

Apokarip 3:9

Nẽ mẽ anhõ krĩ kamã mẽ akwỳjaja na prem ra Satanasti hkôt amnhĩ xunhwỳ nẽ hêx rom mẽ amã amnhĩ to hêx nẽ mẽ amã: “E mẽ ixpê Ijaew mex jakamã kwa mẽ ixkapẽr ma nẽ mẽ ixkôt amnhĩ nhĩpêx.” Anhỹr o mẽ amã karõ htã no ãm mẽ kot Satanasti hkôt amnhĩ nhĩpêx xwỳnh na mẽ. Tã kot paj nhỹrmã tanhmã mẽ homnuj to nhũm mẽ tee ri amnhĩ pumu nẽ akupỹm mẽ awỳr mra nẽ mẽ akutã hkõnkrã ho rôrôk nẽ hkrĩ nẽ mẽ amã: “Nà mẽ kajaja na ka pẽr mẽ ixrom Jejus kôt amnhĩ nhĩpêx. Mãn kãm mẽ ajapêê.” Anẽ.

Rukre 16:24

Hãmri nhũm tee ri wa omu nẽ Apraãw mã akapẽr nẽ kãm: “Kwa Apraãw. Kwa we ixkamã axukaprĩ nẽ ixwỳr Rajare mẽ kê ixwỳr tẽ nẽ ĩhkrakrã ho gô htok nẽ ho inhõhto jakry. Na pa kuwy kamã amnhĩ xà htỳx kãm ijamak tỳx kumrẽx.” Anẽ.

Rukre 8:18

Jakamã kêr ka mẽ ixkapẽr mar tỳx nẽ hkôt ajamaxpẽr rãhã ho ri apa. Jao ixkapẽr piitã mar tỳx nẽ. Nom kot ka mẽ mar tỳx kêt nẽ hã ano hkêt pa nẽ axte kãm ajamaxpẽr o apa hkêt nẽ. Anẽ.

Matêwre 3:9

Na ka htem atỳx ri ajamaxpẽr o: “Mẽ ixpê finat Apraãw kanrẽhã htàmnhwỳ hkwỳ na pa mẽ. Jakamã koja Tĩrtũm ja hã mẽ ixpumu hãmri nẽ mẽ ixte amnhĩ tomnuj o ixpa tã nhũm ja hã tanhmã mẽ ixto hkêt nẽ. Koja mẽ ixto mex nẽ.” Anhỹr o atỳx ri amnhĩ kukamã ajamaxpẽr. Nom ja kot anhỹr kêt. Mẽ apê Apraãw kanrẽhã htàmnhwỳ htã mẽ ate uràk nẽ tãm amnhĩ nhĩpêxre hã. Kot kaj mẽ apê htàmnhwỳ htã amnhĩ tomnuj o ri apa hãmri nẽ Tĩrtũm noo mã te mẽ apê pikap kẽnre nhĩkwỹ pix pyràk.

Atre 8:24

Hãmri nhũm tee ri amnhĩ tã kuma nẽ hkaprĩ nẽ wa kãm: —Kwa xà wehe? Tô tokyx ixto Tĩrtũm wỳ kê ã ijamaxpẽr anhỹrja mỳrapê hwỳr inhmẽnh kêt nẽ. Anẽ.

Matêwre 25:1

Nhũm Jejus arĩ mẽ inhmã kapẽr nẽ mẽ inhmã: —Nẽ mẽ ate Tĩrtũm kôt amnhĩ nhĩpêx o mẽ apa xwỳnhjaja kêr ka mẽ akupỹn amnhĩ wỳr ixkãm ajamak rom nẽ ri apa. Nom mẽ kêp Tĩrtũm prãm nõkati xwỳnhjaja koja mẽ akĩnhã ãm htỳx tanhmã amnhĩ to pix kukamã hamaxpẽr o pa. Te kormã mẽ mjên kêt xwỳnhjaja kot amnhĩ nhĩpêxta pyràk. E pa mẽ amã tanhmã mẽ harẽnh to ka mẽ inhma. Koja kormã mẽ mjên kêt xwỳnh kêp 10jaja ma hkràmnhwỳ mjên mã xwỳnh kutã pry hã mra. Amnhĩ kôt kanê jamỳ nẽ o mra nẽ kutêp pry nhĩkrep hkrĩ.

Matêwre 25:7

Hãmri nhũm mẽ hkrã hapôj nẽ kanê hpôk.

Matêwre 25:9

Nom nhũm mẽ kêp nê nẽ mẽ kãm: “Ma mẽ inhõ kanê kamã orti grire kênã kot pa kêt mẽ amã ho go. Xê mẽ tokyx ma mra nẽ nhỹri amnhĩm hkwỳ japrô mê.” Anẽ.