Matêwre 23:25 - Tĩrtũm kapẽr ã kagà nyw

²⁵ —Hêxta waa nẽ. Mẽ apê Parijew nhõ xwỳnh mẽ mẽ apê Tĩrtũm kapẽr tũm o mẽ ahkre xwỳnhjaja kot kaj mẽ amex kêt nẽ. Mẽ ate mẽ no kupyr xwỳnh na ka mẽ. Nà mẽ apê Parijew nhõ xwỳnhjaja te mẽ ate mẽ kot apkur kaxyw prat kre kuhõnh punuj tã mex ã harẽnh nẽ kamã apkur pyràk o na ka mẽ. Jao ãm mẽ akrãhkà rũm pix mã mẽ amex. Nẽ mẽ noo mã te mẽ amex pyràk no mẽ anhõxàhkre kaxwỳnh kãm mẽ ajamaxpẽrja mex kêt. Mẽ akapẽr prãm nẽ mẽ axàhkurê nẽ mẽ anhõxỳỳ.

Matêwre 23:25 ပူးပေါင်းရင်းမြစ်များ

Matêwre 14:8

Hãmri nhũm kuma nẽ kãm: —Ma Juãw Paxis krã na pa inhmã hprãm. Inhmã hkrã krãhta nẽ pasiiti kamã axà nẽ ixwỳr o tẽ nẽ inhmã agõ. Anẽ. Ra katorxà kot kaxyw kãm karõ jakamã nhũm ã hã hwỳr anẽ.

Piripos 2:6

Kêp Tĩrtũm Kra kumrẽx jakamã te uràk tã xà na pre ja hã amnhĩ pumu nẽ amnhĩ pix kukamã ã hamaxpẽr anẽ nẽ hamaxpẽr o: Te ixte Tĩrtũm pyràk jakamã mẽmoj piitã inhõ na. Jakamã kot paj jar kaxkwa kamã inhmex nẽ ixkĩnh nẽ ixpa ho ixpa nẽ aa rer nẽ nhỹhỹm inhmõr kêt kumrẽx. Anhỹr o na pre hamaxpẽr? Nà na pre ã hamaxpẽr anhỹr kêt nẽ.