Matêwre 23:20 - Tĩrtũm kapẽr ã kagà nyw

²⁰ Nom Tĩrtũm mã mêsti mẽ mẽ kot hã kãm mẽmoj nhõrta te kot axpẽn pyràk jakamã kot kaj mẽ mêstija jarẽnh kôt mẽmoj tã amnhĩ jarẽ nẽ mããnẽn mẽ ate hã Tĩrtũm mã mẽmoj xirja jarẽnh kôt amnhĩ jarẽ. Hamẽ wa kot axpẽn pyràk jakamã hamẽ wa harẽnh pê amnhĩ to axêx kêt nẽ. Jakamã kêr ka mẽ mẽmoj tã amnhĩ jarẽnh kaxyw nẽ hamẽ wa harẽnh kôt ãm hãmri mẽmoj tã amnhĩ jarẽ nẽ ho axêx kêt nẽ.

Matêwre 23:20 ပူးပေါင်းရင်းမြစ်များ

Matêwre 23:19

Mẽ ajamaxpẽr kêt xwỳnh na ka mẽ. Tĩrtũm mã mẽmoj nhõr xà hã mêstija na mex o mẽ kot hã kãm mẽmoj nhõrta jakrenh. Tã na ka htem axtem nẽ mẽ kot hã kãm mẽmoj nhõrta mex o mêsti jakrenh ã harẽ.

Matêwre 23:21

Tã kot kaj mẽ ãm hãmri amnhĩ jarẽnh ã mẽmoj tã amnhĩ jarẽnh kaxyw nẽ Tĩrtũm mã amnhĩ jarẽnh xà hã ixkre hkôt hã amnhĩ jarẽ nẽ mããnẽn Tĩrtũm kêp ixkre hpãm kôt hã amnhĩ jarẽ. Jakamã kêr ka mẽ hamẽ wa harẽnh pê amnhĩ to axêx kêt nẽ.

Eprêw 6:16

No pika ja kamã na htem ã amnhĩ jarẽnh anhỹr kêt nẽ. Na htem mẽhõ mã tanhmã mẽmoj tã amnhĩ jarẽnh to kaxyw nẽ mẽhõ hihtỳx o kot hakrenh xwỳnh nhĩxi jarẽnh kôt amnhĩ jarẽ. Nẽ amnhĩ jarẽnh o: —Nà ixte jahti noo mã ã amã amnhĩ jarẽnh anhỹr jakamã ãm hãmri na pa ã amnhĩ jarẽnh anẽ. Anẽ. Kot hã amnhĩ to hêx nhũm hihtỳx o kot hakrenh xwỳnhta kot hã harẽnh mar nẽ hã tanhmã homnuj to pymaj na htem ã mẽ hixi jarẽnh kôt mẽmoj tã amnhĩ jarẽnh anẽ. Hãmri nẽ kot tanhmã hã ho pymaj ra kot amnhĩ jarẽnh xà hkôt tanhmã mẽmoj nhĩpêx to.