Matêwre 22:37 - Tĩrtũm kapẽr ã kagà nyw

³⁷ Hãmri nhũm kuma nẽ mẽ kãm: —Nà kot mẽ pamã hã karõ kot: Kêr ka mẽ anhĩ piitã ho amã Tĩrtũm kĩnh tỳx o apa. Mẽ amã hkĩnh tỳx o mẽmoj piitã hakrenh par o apa.

Matêwre 22:37 ပူးပေါင်းရင်းမြစ်များ

Rukre 10:27

Hãmri nhũm kãm: —Nà harẽnh kot: Kêr ka mẽ anhĩ piitã ho amã Tĩrtũm kĩnh o ri apa. Mẽ amã hkĩnh tỳx o mẽmoj piitã hakrenh par o ri apa. Nẽ kêr ka mẽ amã mẽ piitã hã ma ho te ka amã amnhĩ tã ma pyràk o mẽ hipêx o ri apa. Jao tãm mẽ hipêx o ri apa. Anẽ. Ã Tĩrtũm kapẽr ã kagà htũm kamã ja jarẽnh kot anhỹr. Anẽ.

Makre 12:33

Amnepêm na pre htem kãm amnhĩ jarẽnh kaxyw nẽ kãm mẽmoj gõ nẽ rĩ kormã tanhmã kãm amnhĩ jarẽnh to. Tã nom kot puj mẽ ã ate harẽnhta kôt amnhĩ nhĩpêx anhỹr o papa jao mẽ panhĩ piitã pamã Tĩrtũm kĩnh. Nẽ mẽ pamã hkĩnh o mẽmoj piitã hakrenh pa. Nẽ nhãm mẽ hipêx o te mẽ papamjaja pamã amnhĩ tã ma pyràk o mẽ hipêx. Jao tãm mẽ hipêx rãhã ho ri papa. Kot puj mẽ ã amnhĩ nhĩpêx anẽ nhũm Tĩrtũm kãm ja mex o mẽ pahte kãm mẽmoj nhõrta jakre. Anhỹr o kãm kapẽr.

Rõmãn 8:7

Nẽ mẽ kot amnhĩ krã hkôt ri amnhĩ nhĩpêx xwỳnhjaja kãm Tĩrtũm kĩnh kêt. Nẽ kãm kapẽr mar prãm kêt jakamã tanhmã kot mẽ amnhĩ to nẽ hkôt amnhĩ nhĩpêx?

Matêwre 22:36

—Kwa Jejus. Ot pa mẽ awỳr mra. Kwa mẽ inhmã mẽmoj jarẽ. Na pre Tĩrtũm ahpỹnhã mẽmoj to 10 nẽ hã mẽ pamã karõ. Mẽ pahte hkôt amnhĩ nhĩpêx kaxyw hã mẽ pamã karõ. Tã nhỹ kapẽr na mex o kot hkwỳ jakrenh wehe? Anẽ.

Matêwre 22:38

E Tĩrtũm kot mẽ pamã hã karõ ja na mex o piitã hakrenh par.

Wam Juãw 4:21

Na pre Tĩrtũm mẽ pamã kapẽr o amnhĩrĩt o: Kot kaj mẽ amã ixkĩnh hã kot kaj mẽ mããnẽn amã akwỳjê hkĩnh o mẽ ho mex o ri apa. Anẽ.