Matêwre 21:30 - Tĩrtũm kapẽr ã kagà nyw

³⁰ Hãmri nhũm wa hipêêxàja hpãnhã hkra kot hapu hwỳr tẽ nẽ mã kãm kapẽr anẽ nẽ kãm: “E kêr ka ajaxwỳja atõ hkôt tẽ nẽ wa inhmã apê.” Anẽ nhũm kuma nẽ kãm: “Tôe. Nà kot paj ma tẽ.” Anhỹr tã no ãm hõta kĩnhã htẽm kêt nẽ.

Matêwre 21:30 ပူးပေါင်းရင်းမြစ်များ

Matêwre 21:29

Hãmri nhũm kuma nẽ pur mã htẽm kaga nẽ hitõt nẽ. Tãã no ãm hã ahtũmre nẽ tanhmã hamaxpẽr to hãmri nẽ ma hwỳr tẽ nẽ kamã àpênh o xa.

Matêwre 21:31

—Jakamã e. Nhỹ hkra na pre hipêêxà kapẽr ma nẽ hkôt amnhĩ nhĩpêx nẽ kapẽr nhĩrôp ãm kêt nẽ? Xà kot waja nà? Xà kot haputa? E mẽ atõ tanhmã inhmã wa harẽnh to. Anẽ. Hãmri nhũm mẽ kuma nẽ kãm: —Nà kot wata. Kot wata na hitõt tã tanhmã hamaxpẽr to nẽ ma tẽ nẽ kãm apê. Anẽ. Hãmri nhũm mẽ kãm: —Tỳ ãm hãmri na ka harẽ. No mẽ kajaja te mẽ ate hkra kot haputa kot amnhĩ nhĩpêx pyràk. Mẽ ate Tĩrtũm kapẽr kôt amnhĩ nhĩpêx o apa hã amnhĩ jarẽnh tã hkwỳm ri amnhĩ nhĩpêx o apa. Te mẽ ate kot hapu kot hipêêxà mã àpênh ã amnhĩ jarẽnh tã kãm àpênh kêêta pyràk. No kêt mẽ kot amnhĩ tomnuj o mẽ pa xwỳnh kwỳjaja na mẽ arom Tĩrtũm kapẽr ma nẽ hkôt amnhĩ nhĩpêx. Jao ra tãm amnhĩ nhĩpêx o pa. Jakamã mẽ arom ma kaxkwa hwỳr pa kaxyw ra tãm nẽ. Ãm hãmri na pa mẽ amã ixkapẽr.

Matêwre 23:3

Jakamã kêr ka mẽ mar tỳx nẽ mẽ kot ho mẽ ajahkre kôt amnhĩ nhĩpêx. No mẽ kot amnhĩ nhĩpêxja kêr ka mẽ hkôt amnhĩ nhĩpêx kêt nẽ. Mẽ kot Tĩrtũm kapẽr tũm o mẽ ajahkre htã hkôt amnhĩ nhĩpêx kêt nẽ.

Xitre 1:16

Nẽ mẽ kêp Tĩrtũm kra hã amnhĩ jarẽnh tã amnhĩ tomnuj pix o pa. Jao kêp hkra hã amnhĩ jarẽnh o hêx nẽ kapẽr kwỳm ri amnhĩ nhĩpêx pix o pa. Nhũm Tĩrtũm tee ri ja hã mẽ omu nẽ kãm mẽ hkĩnh kêt nẽ. Tĩrtũm mã mẽ kot amnhĩ to mex kwỳ mẽ hã jêt kêt kumrẽx.