Matêwre 19:5 - Tĩrtũm kapẽr ã kagà nyw

⁵ Hãmri nẽ wa hkukamã tanhmã wa kot amnhĩ nhĩpêx to hã wa harẽ nẽ wa harẽnh o: Koja mẽmyjaja hprõ kaxyw hãmri nẽ gryk ã katorxà mẽ hipêêxà wa hkaga nẽ ãm hprõ kôt pix mã pa ho pa. Te wa tipxi nẽ ri wa pa pyràk o amnhĩ nhĩpêx. Anẽ. —Na pre ã Mojes Tĩrtũm nhỹ hã mẽ kãm ja jarẽnh anẽ.

Matêwre 19:5 ပူးပေါင်းရင်းမြစ်များ

Matêwre 19:6

Jakamã koja te wa tipxi nẽ ri wa pa pyràk o axpẽn nhĩpêx o pa. Tĩrtũm tãm kot axpẽn mã wa õr kênã kot kêt wa axtem nẽ ri htỳx ri hamaxpẽr nẽ axpẽn kaga. Anẽ.

Rõmãn 12:9

Nẽ kêr ka mẽ apiitã amã axpẽn kĩnh kãm axpẽn to mex rãhã ho ri apa nẽ ri axêx rom amã axpẽn kĩnh ã amnhĩ jarẽnh o ri apa hkêt nẽ. Nẽ mẽ kot amnhĩ tomnuj xà piitã hkaga hpa nẽ hpãnhã mẽ kot amnhĩ to mex xà pix pyr tỳx nẽ hkôt amnhĩ nhĩpêx rãhã ho ri apa.

Wam Korĩt 6:16

Tĩrtũm kapẽr ã kagà htũm kot ja jarẽnh kot: Kot ka mẽ atõ mẽnijê hõ ho aprõ nhũm kêp aprõ kumrẽx. Hãmri nẽ te ra war atipxi pyràk o axpẽn nhĩpêx. Anẽ. Ã kot aprõ mẽ wa ajarẽnh anhỹr jakamã kwa kêr ka mẽ atỳx ri nhãm mẽ hkuprỳjê hwỳr apa hkêt nẽ. Kot kaj mẽ ã amnhĩ nhĩpêx anẽ nẽ Tĩrtũm noo mã te ate aprõ kuhpa hã hkuprỳta o aprõ pyràk. Te wam aprõta kuhpa hã war atipxi pyràk.

Wam Korĩt 7:2

Na htem tõhã kãm hprõ hprãm kêt nẽ ri pa nẽ gaa nẽ mẽ hkuprỳjê hõ pumu rỳ mẽ kêp mẽ hprõjê hõ pumu nẽ kamã hpijaàm kêt o ri pa. Ja pymaj kêr ka mẽ amyjaja mãmrĩ aprõ nẽ mẽ anijaja mãmrĩ amjên.

Wam Korĩt 7:4

Ãm ka amã tanhmã amnhĩ nhĩpêx to hprãm xà hkôt pix mã amnhĩ nhĩpêx kêt nẽ. Mããnẽn amã aprõ kot kãm tanhmã amnhĩ nhĩpêx to hprãm xà hkôt mããnẽn hkôt kãm amnhĩ nhĩpêx.

Epes 5:31

Tĩrtũm kapẽr ã kagà htũm kot ja jarẽnh kot: Koja mẽmyjê hõ hprõ kaxyw hãmri nẽ hipêêxà nẽ katorxà wa õrkwỹ kaga nẽ ãm hprõ kôt pix mã hpãnhã ri pa ho pa. Te wa tipxi nẽ ri pa pyràk o wa axpẽn nhĩpêx o pa. Anẽ.