Matêwre 13:28 - Tĩrtũm kapẽr ã kagà nyw

²⁸ Hãmri nhũm tee ri mẽ kuma nẽ mẽ kãm: “Nà mẽhõ kãm ixkurê xwỳnh na pre ã inhĩpêx anẽ.” Anẽ hãmri nhũm kãm mẽ àpênh xwỳnhta kãm: “Kwa xà kot paj mẽ tokyx ma hwỳr mra nẽ nê harênh pa nẽ kurẽ nà?” Anẽ.

Matêwre 13:28 ပူးပေါင်းရင်းမြစ်များ

Matêwre 13:27

Nhũm kãm mẽ àpênh xwỳnhjaja tee ri harôj mex kaêx ã harôj kaàkreta pumu nẽ hpur nhõ dõn wỳr tẽ nẽ kãm harẽ nẽ kãm: “Kwa ate harôj mex pix kre htã pẽr hkaêx ã harôj kaàkre mããnẽn kato. Kwa tanhmã na pre amnhĩ to nẽ hkaêx ã kato?” Anẽ.

Matêwre 13:29

Nhũm mẽ kãm: “Nà kot kaj mẽ anẽ nẽ harôj mexta mẽ ho apimrààtã ixpê harênh pa.

Wam Tesarõn 5:14

Nẽ koja Kris kôt mẽ anhĩõ kãm kaga nẽ pa ka mẽ ja hã omu nẽ kãm anẽ kê ã amnhĩ nhĩpêx anhỹr kêt nẽ. Kê hpãnhã amnhĩ xàpkur xà kaxyw àpênh o pa. Nẽ mẽ kãm ma ho mẽ pa xwỳnhjaja ka mẽ kãm mẽ hamaxpẽr o axihtỳx o ri mẽ hkôt apa. Nẽ kormã amnhĩ kaxyw Jejus kôt mẽ hamaxpẽr tohtuj anhỹr xwỳnhjaja ka mẽ tanhmã Jejus kôt mẽ ho mẽ axihtỳx to kê mẽ hkôt amnhĩ nhĩpêx mex o pa. E kêr ka mẽ ã mẽ axpẽn nhĩpêx anhỹr o ri apa nẽ axpẽn kamã agryk tokyx anhỹr kêt nẽ.