Karatas 4:27 - Tĩrtũm kapẽr ã kagà nyw

²⁷ Tĩrtũm kapẽr ã kagà htũm kot ja jarẽnh kot: E kormã akra hkêt nẽ apa htã kêr ka mãmrĩ akĩnh nẽ ri apa. Nẽ kormã apijagri hkêt tã kêr ka akĩnh tỳx nẽ ri apa. Kormã amjên kot akamã hkra hkêt nẽ te kot akaga pyràk tã kot kaj akra nẽ akanrẽhã atàmnhwỳ xohtô rax nẽ. Mẽ ohtô rax o ra amjên kot nhãm hprõ hõ kamã hkrata jakre. Anẽ. Ã kapẽr kot anhỹr o mẽ kot amnhĩ kaxyw Kris kôt hamaxpẽr xwỳnhjê hkukamã mẽ ohtô hã mẽ harẽ.

Karatas 4:27 ပူးပေါင်းရင်းမြစ်များ

Wam Ximotre 5:5

No koja mẽhõ ni ra wejre nẽ ahte ri pa. Nẽ hkra nẽ htàmnhwỳ hkêt nẽ ri pa. Tã kê ja hã amnhĩ pumu nẽ Tĩrtũm kamnàr rom amnhĩ to hwỳr o pa. Nẽ mẽ piitã mẽ ho hwỳr o pa. Jao tãm hamaxpẽr. Ka mẽ apê Kris kôt hkwỳjaja ja hã omu hãmri nẽ mẽ kam nẽ tanhmã kutã anojarêt to ho ri apa.

Karatas 4:19

Te mẽ apê ixkra pyràk jakamã na pa hte mẽ ate amnhĩ nhĩpêx ã mẽ apumu nẽ tee ri ijamaxpẽr nẽ ixkaprĩ htỳx nẽ. Te nhỹhỹnh ixà htỳx nẽ ixte amnhĩ xà htỳx kamã ijamak o ri ixpaja pyràk. Rỳ te mẽ hpijagri ho mẽ hikwỹ xwỳnh õhy xà htỳxta pyràk. Mẽ ate Kris kôt amnhĩ nhĩpêx mex o apa hprãm xàj na pa hte ã amnhĩ nhĩpêx anhỹr o ri ixpa.