Juãw 6:29 - Tĩrtũm kapẽr ã kagà nyw

²⁹ Hãmri nhũm mẽ kuma nẽ axte mẽ kãm amnhĩ jarẽ nẽ mẽ kãm: —Nà kot kaj mẽ amnhĩ kaxyw pa Tĩrtũm kot mẽ awỳr inhmẽnh xwỳnh kôt ajamaxpẽr hãmri nhũm ixtã mẽ apumu nẽ tanhmã mẽ akrã hto ka mẽ ajamakêtkati nẽ axàmnhĩx akĩnh nẽ tanhmã amnhĩ nhĩpêx to ho ri apa. Anẽ.

Juãw 6:29 ပူးပေါင်းရင်းမြစ်များ

Wam Juãw 3:23

Nẽ tanhmã mẽ pahte amnhĩ nhĩpêx to ho papa hã na hte Tĩrtũm mẽ pamã karõ? Nà mẽ pahte amnhĩ kaxyw Kra Jejus Kris kôt pajamaxpẽr nẽ hkôt amnhĩ nhĩpêx o papa hã na hte mẽ pamã karõ. Nẽ kapẽr xà hkôt pamã axpẽn kĩnh o mẽmoj to axpẽn kutã panojarêt o papa hã na hte mẽ pamã karõ. Na hte ã mẽ pahte amnhĩ nhĩpêx anhỹr ã mẽ pamã karõ anẽ.

Atre 16:31

Hãmri nhũm wa kãm: —Nà kot kaj amnhĩ kaxyw Jejus Kris kôt ajamaxpẽr nẽ hkôt amnhĩ xãm nhũm Tĩrtũm ja hã apumu nẽ amnhĩ katut kôt ate amnhĩ tomnuj piitã rẽnh pa. Nhũm anhõrkwỹ kamã akwỳjaja apyrà nẽ Jejus kôt amnhĩ xunhwỳ nhũm ã mẽ hipêx anẽ. Anẽ.

Eprêw 5:9

Na pre amnhĩ xà htỳx kãm hamak o amnhĩ mex o amnhĩ mex ã mẽ kãm amnhĩ to amnhĩrĩt. Jakamã na hte mẽ kot kapẽr kôt ri amnhĩ nhĩpêx o mẽ pa xwỳnhjê mã mẽ kot amnhĩ nhĩpêx nyw jagjê nẽ nhỹrmã Tĩrtũm mẽ wa kuri mẽ htĩr tũm nẽ mẽ pa mã xwỳnhjê hã mẽ harẽ.

Juãw 3:36

Jakamã mẽ kot amnhĩ kaxyw hkôt hamaxpẽr nẽ hkôt amnhĩ xunhwỳr xwỳnhjaja koja mẽ nhỹrmã wa kuri htĩr tũm nẽ mex rãhã nẽ pa ho pa. No mẽ kot hkaga xwỳnhjaja koja mẽ ã amnhĩ nhĩpêx anhỹr kêt nẽ. Koja Tĩrtũm mẽ kot amnhĩ xà htỳx kamã hamak tũm xàta wỳr mẽ rẽnh pa. Anẽ.

Wam Juãw 5:1

Nẽ Tĩrtũm kot mẽ pahwỳr Jejus mẽnh ã harẽnhja. Koja mẽhõ kuma nẽ amnhĩ kaxyw hkôt hamaxpẽr nẽ Jejus kôt amnhĩ xãm hã koja Tĩrtũm ja hã omu nẽ ho hkra. Nẽ koja mẽhõ kãm Tĩrtũm kĩnh hã koja mããnẽn kãm hkwỳjê hkĩnh o pa.

Makre 16:16

Nẽ mẽ kot mẽ akapẽr mar nẽ amnhĩ kaxyw ixkôt hamaxpẽr xwỳnhjaja kêr ka mẽ hkrã kumrã nhũm mẽ nhỹrmã Tĩrtũm mẽ wa ixri htĩr tũm nẽ mex rãhã nẽ pa ho pa. No mẽ kot amnhĩ kaxyw ixkôt hamaxpẽr kêt xwỳnhjaja koja Tĩrtũm nhỹrmã amnhĩ nê mẽ hano nhũm mẽ ma kuwy hwỳr pa.

Juãw 5:39

—Nẽ Tĩrtũm kapẽr ã kagà htũm haxwỳja kot tanhmã ijarẽnh to. Ka htem wa ixri atĩr tũm nẽ apa ho apa hprãm xàj kamã harẽnh rãhã ho ri apa. Nẽ kot tanhmã pa ijarẽnh to htã ka mẽ ixkapẽr ma nẽ amnhĩ kaxyw ixkôt ajamaxpẽr kêt nẽ. Anẽ.

Matêwre 17:5

Hãmri nẽ kormã ã kãm kapẽr anhỹr rôm nhũm ra kakrã jaka htỳxja wrỳ nẽ wa mẽ hkunor pa nhũm wa mẽ kamã kuhê. Nhũm kakrã kamã Tĩrtũm mẽ kãm kapẽr nẽ mẽ kãm: —E ota Ixkra xa. Inhmã hapê ho inhmã hapê. E kêr ka mẽ kapẽr mar tỳx rãhã ho ri apa. Anẽ.

Juãw 6:28

Hãmri nhũm mẽ kuma nẽ kãm: —Kwa tanhmã kot paj wem amnhĩ nhĩpêx to nhũm Tĩrtũm hã mẽ ixpumu nẽ mẽ ixto mex nẽ? Anẽ.

Juãw 6:38

—Nẽ ixte amnhĩ krã hkôt kaxkwa rũm ixwrỳk nẽ inhmã hprãm xà hkôt tanhmã amnhĩ nhĩpêx to ho ixpa kaxyw na pa pre ixwrỳk kêt nẽ. Inhĩpêêxà kot mẽ awỳr inhmẽnh jakamã kãm hprãm xà hkôt pix mã na pa hte tanhmã amnhĩ nhĩpêx to ho ri ixpa.

Juãw 6:57

Inhĩpêêxà kot mẽ awỳr inhmẽnh xwỳnhta kukwak ri na pa hte ixtĩr tũm nẽ ixpa ho ixpa. Tã ja pyrà nẽ kot kaj mẽ inhĩ hkwỳ hkrẽ hãmri nẽ ixkukwak ri wa ixri atĩr tũm nẽ apa ho apa mã xwỳnh.

Xiakre 2:22

Ra kot amnhĩ kaxyw hkôt hamaxpẽr nẽ hkôt amnhĩ xãm jakamã mããnẽn hkôt amnhĩ nhĩpêx nẽ ra kot kãm hkra nhõr kaxyw Tĩrtũm amnhĩ tã omu nẽ amnhĩm mex ã harẽ. Na pre ã finat Apraãw Tĩrtũm kapẽr kôt amnhĩ nhĩpêx mex anhỹr o pa. Jao amnhĩ kaxyw hkôt hamaxpẽr mex ã amnhĩ to amnhĩrĩt.

Apokarip 2:26

Nẽ kot kaj mẽ ate amnhĩ tomnuj nê amnhĩ to htỳx nẽ arĩ inhmã hprãm xà hkôt amnhĩ nhĩpêx rãhã ty. Hãmri pa ja hã mẽ apumu nẽ nhỹrmã mẽ ate krĩ hkwỳ hkôt mẽ pa xwỳnhjê ho amnhĩptàr o apa kaxyw mẽ axunhwỳ. Ka mẽ apê mẽ õ pahihti nẽ inhmã mẽ ho amnhĩptàr o ri apa.