Juãw 5:41 - Tĩrtũm kapẽr ã kagà nyw

⁴¹ Nom mẽ ate inhmex ã ijarẽnh kêt tã ja ixpê tanhmã kute hkêt. Ãm Inhĩpêêxà pix kot inhmex ã ijarẽnhja na inhmã hprãm.

Juãw 5:41 ပူးပေါင်းရင်းမြစ်များ

Juãw 7:18

Amnhĩ krã hkôt mẽ kãm kapẽr o ri mẽ pa xwỳnhjaja na htem mẽ kot mẽ mar nẽ mẽ hã hpijaàm pix kaxyw tanhmã mẽ kãm kapẽr to ho ri pa. No kêt pa na mẽ ate ixkapẽr mar nẽ kot mẽ awỳr inhmẽnh xwỳnhta ã apijaàm pix kaxyw na pa hte tanhmã mẽ amã ixkapẽr to ho ri ixpa. Jakamã ãm hãmri na pa hte mẽ amã ixkapẽr o ri ixpa.

Wam Tesarõn 2:6

Rỳ xà mẽ ate mẽ inhmex ã mẽ ixto jarkrar kaxyw na pa prem mẽ awỳr mõ? Nà mããnẽn ja kaxyw kêt. Ã mẽ ate mẽ ijarẽnh anhỹr prãm xàj na pa htem Tĩrtũm kapẽr o mẽ ajahkre ho ri ixpa hkêt nẽ.

Juãw 8:50

Na pa hte amnhĩ krã hkôt mẽ piitã mẽ kot ixtã hpijaàm prãm xàj tanhmã mẽ kãm ixkapẽr to hkêt nẽ. No mẽ piitã mẽ kot ixtã hpijaàm o paja na Inhĩpêêxà kãm hprãm. Tã koja nhỹrmã amnhĩ nê ixtã mẽ hpijaàm kêt xwỳnhjaja mẽ kot amnhĩ xà htỳx kamã hamak tũm xàta wỳr mẽ rẽnh pa.

Juãw 5:34

No mẽ apê pika nhõ xwỳnhjaja mẽ ate axpẽn mã tanhmã ijarẽnh toja na ixpê tanhmã kute hkêt. Koja mẽhõ tanhmã ixto kapẽr punuj to rỳ tanhmã ijarẽnh mex to pa amnhĩ jarẽnh ma nẽ tee ri amnhĩ kukamã ijamaxpẽr o ixkaprĩ hkêt nẽ. Tã nom Juãw Paxis kapẽrja mẽ amã mex jakamã na pa ã mẽ amã harẽnh anẽ. Ka mẽ ra kot tanhmã ijarẽnh toja ma nẽ amnhĩ kaxyw ixkôt ajamaxpẽr nẽ ixkôt amnhĩ xunhwỳ nẽ nhỹrmã ty nẽ ma mẽ kot amnhĩ xà htỳx kamã hamak tũm xàta wỳr apa hkêt nẽ.

Juãw 8:54

Hãmri nhũm mẽ kuma nẽ mẽ kãm: —Nà na pa hte amnhĩ krã hkôt mẽ ate ixtã apijaàm hprãm xàj tanhmã mẽ amã ixkapẽr to hkêt nẽ. Kot paj anẽ nẽ ãm ixtỳx ã amnhĩ nhĩpêx anhỹr kaprỳ. No Inhĩpêêxà tãm kãm mẽ apiitã mẽ ate ixtã apijaàm o apaja nhũm kãm hprãm. Mẽ ate Tĩrtũm kôt amnhĩ nhĩpêx o apa hã amnhĩ to axêx xwỳnhta tãm na kãm mẽ ate ixtã apijaàmja nhũm kãm hprãm. Tã ka htem ã amnhĩ nhĩpêx anhỹr kêt nẽ. Na ka htem ixkuk pumu nẽ axtem nẽ ixte Satanasti nhỹ hã mẽ amã ixêx o ri ixpa hã ijarẽ.

Juãw 6:15

Kwa pu mẽ kãm pakapẽr kãm paxihtỳx nẽ ma akupỹm amnhĩ kôt o mõ nẽ amnhĩ kaxyw ãm kê mẽ pahto amnhĩptàr o pa. Anẽ. Hãmri nhũm Jejus amnhĩ tã mẽ kapẽr ma nhũm ja kêp omnuj nẽ. Jakamã nhũm mẽ kêp kato nẽ ma hpãnhã ahte nhỹri hixêt õ hwỳr tẽ.

Juãw 5:44

—Ãm pika nhõ xwỳnh pixjaja kot mẽ amex ã mẽ ajarẽnhja na mẽ amã hprãm. No Tĩrtũm kot amnhĩm mẽ amex ã mẽ ajarẽnhja mẽ amã hprãm ã mẽ ate amnhĩ jarẽnh tã mẽ amã ja prãm kêt. Jakamã na ka htem ixkaga kumrẽx.

Sikũn Pêtre 1:17

Amnepê mã kormã ixkwỳjê mẽ mẽ ixte arĩ hkôt ixpa ri pa prem hkôt hixêt prêk nhĩmõk wỳr api. Pa nẽ kaxyw Xiakre nẽ Juãw mẽ pa mẽ hkôt ixpimrààtã hixêt ã api nẽ himõk ã ixkuhê. Hãmri nhũm Tĩrtũm tanhmã Jejus to nhũm hirã htỳx kãm xa. Hãmri nhũm Mẽpahpãm Tĩrtũmja mẽ inhmã kapẽr. Kaxkwa kamã hirã htỳx rax rũm mẽ inhmã kapẽr o: —E ota Ixkrata xa. Inhmã hapê ho inhmã hapê. Anẽ. Tã ra ixte mar xà hkôt pa amnhĩ xô ri mẽ amã harẽ nẽ hã kagà.

Wam Pêtre 2:21

Amnepêm na pre mẽ pahte hkôt amnhĩ xunhwỳr xwỳnhjaja Kris pyrà nẽ mẽ paxà htỳx kamã pajamak o papa hkukamã ja hã mẽ pahpumunh mex. Na pre Kris mẽ pakaxyw amnhĩ xà htỳx kãm hamak tỳx tã amnhĩ to htỳx nẽ mẽ kãm xa. Tã kêr pu amnhĩ xà htỳx kamã pajamak tã ỹ hã uràk nẽ amnhĩ to htỳx nẽ papa.

Juãw 5:40

Nhũm Jejus arĩ mẽ kêp Ijaew nhõ pahijê mã kapẽr nẽ mẽ kãm: —Nẽ pa na ixte Inhĩpêêxà mẽ wa ixri ixte mẽ ho mẽ htĩr tũm nẽ mẽ pa mã xwỳnh ã mẽ harẽnh tã ka mẽ amnhĩ kaxyw ixkôt ajamaxpẽr kêt nẽ.

Juãw 5:42

Ra ixte mẽ apumunh mex. Mẽ amã Tĩrtũm kĩnh kêt.

Juãw 12:43

Na prem hamaxpẽr o: —Nà kot paj ja hã amnhĩ to amnhĩrĩt nhũm mẽ amnhĩ nê ixtomnuj nẽ. Hãmri nẽ amnhĩ pyrà nẽ axpẽn mã inhmex ã ijarẽnh kêt nẽ. Anhỹr o mẽ umaj amnhĩ kukamã hamaxpẽr o pa. Nom Tĩrtũm tãm kot amnhĩm mẽ mex ã mẽ harẽnhja nhũm mẽ hkukamã hamaxpẽr kêt nẽ.