Juãw 4:39 - Tĩrtũm kapẽr ã kagà nyw

³⁹ Rôm nhũm Samar nhõ xwỳnh kwỳjaja nija kot mẽ kãm amnhĩ jarẽnh ma hãmri nẽ uràk nẽ amnhĩ kaxyw Jejus kôt hamaxpẽr. Na pre ra amnhĩ tã tanhmã mẽ kãm Jejus jarẽnh to nẽ mẽ kãm harẽnh o: —Ma aa kot nhỹri ixpumunh kêt tã ra kot hprĩ hã ixpumunh par. Ixte tanhmã amnhĩ nhĩpêx to hã ixpumunh par. Anhỹr jakamã nhũm mẽ kuma nẽ uràk nẽ amnhĩ kaxyw hkôt hamaxpẽr kurê kumrẽx.

Juãw 4:39 ပူးပေါင်းရင်းမြစ်များ

Juãw 4:29

Nẽ mẽ kãm: —Xê mẽ tokyx ma ixkôt gôm kakwỳnh wỳr mra nẽ mỳ ri mẽhõ my mũj pumu. Tĩrtũm kot mẽ pahwỳr mẽnh mã xwỳnhta na. Aa kot nhỹri ixpumunh kêt tã kot hprĩ hã ixpumunh par. Ixte tanhmã amnhĩ nhĩpêx to hã ixpumunh par. Xê mẽ ma ixkôt mra nẽ ixpyrà nẽ kapẽr ã ama. Anẽ.

Juãw 4:5

Hãmri nẽ krĩ pê Sika hwỳr ixpôx o mõ. Amnepêm finat Jako kot hkra Juje mã pyka nhõr xwỳnh tã krĩja xa pa mẽ ra hwỳr ixpôx o mõ.

Juãw 11:45

Hãmri nhũm mẽ kot Marir mẽ Matre wa hwỳr mrar xwỳnh kwỳjaja ã Jejus kot Rajare nhĩpêx anhỹr ã omu nẽ amnhĩ kaxyw hkôt hamaxpẽr nẽ hkôt amnhĩ xunhwỳr kurê kumrẽx.

Juãw 4:42

Hãmri nẽ nita wỳr mra nẽ kãm: —E nà ãm hãmri. Akumrẽx na ka mẽ inhmã Jejus o amnhĩrĩt. Pa mẽ akôt ma hwỳr mra nẽ mẽ pam omu nẽ kapẽr ã kuma. Jao apyrà nẽ amnhĩ kaxyw hkôt ijamaxpẽr nẽ hkôt amnhĩ xunhwỳ. Pẽr ãm hãmri kêp pyka piitã hkôt mẽ pahte amnhĩ tomnuj pãnhã amnhĩrer mã xwỳnhta na. Anẽ.

Matêwre 10:5

Hãmri nhũm Jejus mẽ ixrênh pa nẽ ma mẽ hwỳr mẽ ixrẽnh kaxyw tanhmã mẽ inhmã kapẽr to nẽ mẽ inhmã: —E. Kêr ka mẽ ma mẽ piitã mẽ kãm ri ijarẽnh o apa. No ãm kormã mẽ kêp Ijaew kêt xwỳnhjê nhõ pika hwỳr apa hkêt nẽ. Rỳ mẽ kêp Samar nhõ krĩ hwỳr ka mẽ apa hkêt nẽ.

Juãw 4:30

Hãmri nhũm mẽ kuma nẽ ma hkôt Jejus wỳr mrar kurê kumrẽx.

Juãw 4:38

Na pa pre ra ma mẽ hwỳr mẽ arẽ. Mẽ ate aprĩ hã mẽ kãm ijarẽnh nhũm mẽ kot mẽ amar nẽ amnhĩ kaxyw ixkôt hamaxpẽr nẽ ixkôt amnhĩ xunhwỳr kaxyw. Nom mẽ kajaja na ka prem akumrẽx mẽ hwỳr amrar nẽ mẽ kãm ijarẽnh kêt nẽ. Tĩrtũm kapẽr jarẽnh o mẽ pa xwỳnhjaja na prem kumrẽx mẽ hwỳr mra nẽ ixkukamã mẽ kãm ijarẽnh o ri mẽ hkôt pa. Te mẽ kot hpur kãm ahkre ho pata pyràk. Tã kot kaj mẽ hpãnhã mẽ kot amnhĩ kaxyw ixkôt amnhĩ xunhwỳr kaxyw aprĩ hã mẽ kãm ijarẽnh o apa. Jakamã te mẽ ate mẽ hpur kãm mẽõ jamỳnh xwỳnh kot amnhĩ nhĩpêxta pyràk. Anẽ.

Juãw 4:40

Hãmri nẽ man mẽ ixwỳr mra nẽ Jejus pumu nẽ amnhĩ wỳr kuwỳ nẽ kãm: —Pa. E kwa mẽ tokyx anojarêt kêt nẽ. Mẽ ma mẽ ixkôt mẽ inhõ krĩ hwỳr mõ nẽ mẽ ixkôt ri apa grire nẽ arĩ ma mõ. Anẽ. Hãmri nhũm mẽ kuma nẽ mẽ kãm: —Tôe. Nà kot paj mẽ anẽ. Anẽ. Hãmri pa mẽ ma mẽ hkôt mõ nẽ mẽ õ krĩ kamã mẽ hkôt ri ixpa hã apkati axkrut.

Juãw 1:37

Hãmri nhũm wa kuma nẽ omu nẽ ma hkôt tẽ nẽ hã ajêt.