Juãw 19:41 - Tĩrtũm kapẽr ã kagà nyw

⁴¹ Nhũm ra mẽ kot pĩ kahpa hã nhôr xà tã mẽ kot mẽmo pĩ ho pa nẽ hkre xwỳnh kwỳ kuhê. Nẽ kamã kẽn kre nyw. Kormã mẽ kot kamã mẽ htykjê hõ jaxàr kêt xwỳnhta.

Juãw 19:41 ပူးပေါင်းရင်းမြစ်များ

Rukre 23:53

Hãmri nhũm kuma nẽ kãm kugõ nhũm ma o tẽ nẽ haxà. Kaxyw kupẽxê hõ py nẽ ho hkupu nẽ ma o tẽ nẽ kẽn kre kaprỳ kamã haxà. Mẽ kot kormã kamã mẽhõ jaxàr kêt nhũm mẽ kamã Jejus jaxà.

Matêwre 27:60

nẽ ma o tẽ nẽ õ kẽn kre kamã haxà. Na pre htyk kukamã kẽn kre kakwỳ nhũm mẽ kot kormã kamã mẽhõ jaxàr kêt tã kamã na pre Jejus jaxà. Hãmri nẽ hã kẽn rax õ xãm nẽ ho hitom nẽ ma akupỹm tẽ.

Juãw 20:15

Hãmri nhũm kãm: —Kwa mon ka ri amỳr o xa? Mẽhõ na ka ri hapêr arĩt pê amỳr o xa? Anẽ. Hãmri nhũm kuma nẽ htỳx ho pĩ hkre jamãr xwỳnh ã hkamnhĩx nẽ kãm: —Xê xà ka na ka mẽ ixpê mẽ inhõ Pahihti ho ahkĩ nẽ ma o tẽ nẽ nhỹri axi mê? Xê ka japêr nẽ akatàt kôt inhmã harẽ. Nhỹri inhmã nõr xà jarẽ pa ma hwỳr tẽ nẽ kumỳ nẽ man akupỹn o tẽ nẽ akupỹm kẽn kre kamã kuxi. Anẽ.

Juãw 19:42

Jakamã nhũm wa omu nẽ axpẽn mã: —E kwa pu hwỳr Jejus o tẽ nẽ kamã mãn tokyx haxà. Kêr pu kormã sap kêt ri ra tanhmã amnhĩ to hpa. Anẽ. Hãmri nẽ hwỳr kumỳ nẽ o tẽ nẽ kamã haxà nẽ hã hitom pa hãmri nẽ ma akupỹm krĩm wa tẽ.