Juãw 18:7 - Tĩrtũm kapẽr ã kagà nyw

⁷ Hãmri nẽ kànhmã kuhê hpa nhũm Jejus axte mẽ kãm: —Kwa mẽ inhmã amnhĩ jarẽ. Mẽhõ japêr o na ka mẽ apa? Anẽ. Hãmri nhũm mẽ kãm: —Jejus pê Najare nhõ xwỳnhta japêr o na mẽ ri ixpa kênã. Anẽ.

Juãw 18:7 ပူးပေါင်းရင်းမြစ်များ

Juãw 18:4

Hãmri nhũm Jejus amnhĩ wỳr mẽ omu nẽ kànhmã xa nẽ ma mẽ kutã tẽ. Jut Kariot kot mẽ kãm õr kaxyw nhũm amnhĩ tã omunh mex jakamã amnhĩ wỳr mẽ omu nẽ ma mẽ kutã tẽ. Hãmri nẽ mẽ hkaxpa nẽ mẽ omunh o xa nhũm Jut Kariot mẽ kuri xa nhũm Jejus mẽ omu nẽ mẽ kãm: —Pa. Mẽmoj japêr na ka mẽ pô hpôk o ri apa? Anẽ. Hãmri nhũm mẽ kãm: —Nà Jejus pê Najare nhõ xwỳnh japêr o na pa mẽ ri ixpa. Anẽ. Hãmri nhũm mẽ kãm: —Tỳ ot pa xa. Pa na ixpê Jejus. Anẽ.

Matêwre 2:23

Nẽ kamã pôj nẽ krĩ pê Najare hwỳr mõ nẽ kamã amnhĩm õrkwỹ nhĩpêx nẽ kamã wa mẽ pa ho pa. Nhũm pre ra amnepêm Tĩrtũm nhỹ hã kapẽr o mẽ pa xwỳnhjê hõja ra ã mẽ kot amnhĩ nhĩpêx anhỹrja kukamã mẽ panhĩgêtjê mã mẽ harẽ nẽ hã kagà. Nẽ hã kagà kot: Tĩrtũm kot mẽ pahwỳr mẽnh mã xwỳnhta koja kêp Najare nhõ xwỳnh. Anẽ.

Juãw 18:6

Hãmri nhũm mẽ kuma nẽ tee ri axpẽn pumu nẽ umaj katẽ ho axkamẽ nẽ kuhê. Nom katẽ ho pikamẽnh o ra rôrôk pa nẽ hikwỹ.

Juãw 18:8

Hãmri nhũm mẽ kãm: —Kwa ra ixte mẽ amã amnhĩ jarẽnh kênã. Paa. Ijapêr o na ka mẽ ri apa. Jakamã kwa kêr ka mẽ ixkôt ri mẽ pa xwỳnhtaja tanhmã mẽ ho hkêt nẽ. Kê mẽ mãmrĩ anhgrà nẽ ma mra.