Juãw 17:14 - Tĩrtũm kapẽr ã kagà nyw

¹⁴ Na pa pre ra mẽ kãm akapẽr jarẽnh ry nẽ nhũm mẽ ixpyrà nẽ akôt pix mã amnhĩ nhĩpêx o ri pa. Jakamã nhũm hte mẽ kêp ixkwỳ hkêt xwỳnhjaja tee ri ja hã mẽ omu nẽ axtem nẽ kãm mẽ hkurê nẽ. Nom mẽ kêp mẽ hkwỳ hkêt jakamã na htem ã mẽ kamã gryk anẽ.

Juãw 17:14 ပူးပေါင်းရင်းမြစ်များ

Makre 10:39

Hãmri nhũm wa kãm: —Tỳ. Nà kot pa wa ijaxwỳja anẽ nẽ apyrà nẽ amnhĩ xà htỳx kamã ijamak kãm ty. Anẽ. Hãmri nhũm wa kãm: —Nà ãm hãmri na ka wa ja hã amnhĩ jarẽ. War ate ixpyrà nẽ ixkôt amnhĩ xà htỳx kãm ajamak kãm atyk mã kênã.

Juãw 17:16

Mẽ kêp mẽ hkwỳ hkêt. Axtem mẽ kot amnhĩ nhĩpêx. Te mẽ kot mẽ pahte amnhĩ nhĩpêx pyràk jakamã kê mẽ amarĩ mẽ hkôt pa htã mẽ kot amnhĩ nhĩpêx kôt amnhĩ nhĩpêx o pa hkêt nẽ. Ãm pahkôt pix mã amnhĩ nhĩpêx o pa.

Juãw 17:8

Na pa pre hte axô ri mẽ ahkre ho ri ixpa nhũm mẽ amnhĩ kaxyw ixkôt hamaxpẽr mex nẽ. Nẽ ate mẽ hwỳr inhmẽnh nhũm mẽ hwỳr ixwrỳkja ã mẽ kot ixpumunh mex.

Juãw 7:7

Koja mẽ apumu nẽ kãm mẽ akurê hkêt nẽ. Nẽ mẽ akamã gryk kêt ka mẽ ri tanhmã amnhĩ nhĩpêx to ho mẽ hkôt apa. No pa kot paj mẽ hwỳr mõ nẽ mẽ kãm mẽ kot amnhĩ tomnuj o pa hã mẽ harẽnh o ri mẽ hkôt ixpa nhũm mẽ tee ri amnhĩ tã inhma nẽ ixkamã gryk nẽ.

Juãw 8:23

Hãmri nhũm amnhĩ tã mẽ kuma nẽ mẽ kãm: —Nà mẽ kajaja mẽ apê pyka nhõ xwỳnh na ka mẽ. No pa na mẽ arom ixpê kaxkwa nhõ xwỳnh jakamã mẽ pajamaxpẽr kot axpẽn pyràk kêt.

Wam Juãw 3:12

No mẽ ri finat Kaĩ kot amnhĩ nhĩpêx pyràk o amnhĩ nhĩpêx kêt nẽ. Kêp Satanasti hkra jakamã na pre htõja pĩ. Kurom kot tãm amnhĩ nhĩpêx ã omu nẽ kamã gryk nẽ kupĩ.

Wam Juãw 3:13

Tã koja mẽ kêp Tĩrtũm kra hkêt xwỳnhjaja Kaĩ pyrà nẽ kêp mẽ aprãm nõkati nom kêr ka mẽ amnhĩ tã mẽ omu nẽ tee ri amnhĩ kukamã ajamaxpẽr kêt nẽ.