Juãw 13:7 - Tĩrtũm kapẽr ã kagà nyw

⁷ Hãmri nhũm kãm: —Kwa nà. Kormã ate ja hã amnhĩ tã ixpumunh mex kêt. Nom kot kaj nhỹrmã aprĩ hã amnhĩ tã ixpumu. Anẽ.

Juãw 13:7 ပူးပေါင်းရင်းမြစ်များ

Juãw 12:16

No Jejus kôt mẽ ixpa ho mẽ ixpa xwỳnhjaja pa mẽ ã kot amnhĩ nhĩpêx anhỹrja ã omu nẽ tee ri hkukamã ijamaxpẽr nẽ axpẽn mã: —Kwa mo na ri ã amnhĩ nhĩpêx anẽ nẽ jumẽnre hã nhỹ nẽ mẽ hkôt mõ? Anẽ. Tã nhũm arĩgro hõ hã ty nẽ akupỹm kaxkwa hwỳr api pa prem hã omu hãmri nẽ kormã Tĩrtũm kapẽr ã kagà htũm kot hkukamã ã harẽnh kot anhỹrja mã ijamaxpẽr kurê kumrẽx. Hãmri nẽ axpẽn mã harẽnh o: —Kwa ãm hãmri na Tĩrtũm kapẽr ã kagà htũm kot ra ã Kraja jumẽnre hã ỹr nẽ mẽ hkôt mõr ã hkukamã kot harẽnh anhỹrta. Anẽ.

Juãw 14:26

Tã koja Inhĩpêêxà ixpãnhã mẽ awỳr wa Ixkarõ rẽ. Ixte hã mẽ amã ixàhwỳr xà hkôt. Hãmri nhũm man mẽ awỳr wrỳ nẽ mẽ akaxwỳnh mã agjê nẽ mẽ akôt ri tanhmã mẽ ato ajuta hto ho pa. Nẽ ra ixte ã mẽ amã ixkapẽr anhỹrja koja hprĩ hã mẽ amã ho amnhĩrĩt mex nẽ. Ka mẽ amnhĩ krã kamã kãm ajamaxpẽr nẽ hã ano htỳx nẽ ho apa. Anẽ.

Juãw 13:36

Nhũm Jejus ã kot mẽ ixrer nẽ ma nhỹhỹm mõr ã amnhĩ jarẽnh anẽ hãmri nhũm Simãw Pêtre tee ri kot amnhĩ jarẽnh ma nẽ kãm: —Kwa Pahihti. Nhỹhỹm kot kaj kêt mõ pa mẽ akôt ixpa hkêt nẽ? Anẽ. Hãmri nhũm kãm: —Nà ma inhmõr xàta wỳr kot kaj mẽ kormã ma ixkôt apa hkêt nẽ. Nom kot kaj mẽ nhỹrmã ma ixkôt apa. Anẽ.

Juãw 13:6

à mẽ inhĩpêx anhỹr o mõ. Pê ra hpãnhã Simãw Pêtre hpar kuhõnh kaxyw nhũm tee ri amnhĩ tã omu nẽ kãm: —Tk. Kwa apê inhmã axàpênh xwỳnh kêt kênã kot ka kêt ri axtem nẽ ixpar kuhõ Pahihti. Apê mẽ inhõ Pahi kênã kot ka kêt ã mẽ inhĩpêx anẽ. Anẽ.