Juãw 11:5 - Tĩrtũm kapẽr ã kagà nyw

⁵ Na pre Jejus kãm Rajare mẽ htõx wa mẽ hapê nẽ.

Juãw 11:5 ပူးပေါင်းရင်းမြစ်များ

Juãw 17:26

Na pa ra ixprĩ hã mẽ kãm akapẽr o amnhĩrĩt o ri ixpa. Tã kot paj axte mẽ kãm akapẽr kwỳ jarẽ. Amã ijapêta pyrà nẽ mẽ kãm axpẽn kĩnh ã axpẽn to pa kaxyw na pa mẽ kãm hã karõ. Kot paj inhĩ hã mẽ hkôt ixpa hkêt tã koja Pahkarõja mẽ hwỳr wrỳ nẽ mẽ hkarõ mã agjê nẽ te pa mẽ hkôt ixpa pyràk o mẽ hipêx. Ja na pa inhmã hprãm. Tã koja anẽ. Jakamã na pa ã mẽ ho awỳr anẽ. Tã ãm ja pix Papaj.” Anẽ. Nhũm pre ã Jejus õ Papaj mã mẽ inhnoo mã amnhĩ jarẽnh anẽ pa mẽ ixpiitã hã kuma.

Juãw 16:27

—Na ka mẽ ra amã ijapê nẽ. Nẽ ixte Inhĩpêêxà rũm mẽ awỳr ixwrỳk ã ixpumu. Jakamã nhũm Inhĩpêêxàja ixtã mããnẽn kãm mẽ ajapê nẽ. Tã kot kaj mẽ kamjaja mẽmoj tã amnhĩ to hwỳr o apa nhũm mẽ ama nẽ kãm mẽ ajapê htỳx kãm mẽ amã mẽmoj gõ.

Juãw 11:36

nhũm mẽ ja hã omu nẽ axpẽn mã: —Kwa mãn kãm hapê htỳx. Hã na ho ama nẽ hwỳr mỳr o tẽ. Anẽ.

Juãw 11:8

Hãmri pa mẽ tee ri ja hã kuma nẽ kãm: —Kwa ham mẽ panhõ pahijaja kot kẽn o atak o apĩr mã tã ka ra akupỹm mẽ hwỳr akrà. Kwa pu mẽ hwỳr pamõr kêt nẽ nà? Anẽ.

Rukre 10:38

Tã nhũm Jejus krĩ rũm kato hãmri nẽ hkôt mẽ pa ho mẽ pa xwỳnhjê mẽ mẽ ma nhãm krĩ hõ hwỳr mõ. Mõõ nẽ hwỳr pôj. Hãmri nhũm Matre mẽ omu nẽ amnhĩ nhõrkwỹ hwỳr mẽ kuwỳ nhũm mẽ ma hwỳr mõ nẽ õrkwỹ hwỳr pôj.

Rukre 10:40

Hãmri nhũm Matre mẽ hwỳr axà nẽ omu. Nẽ tee ri àpênh rax kukamã hamaxpẽr nẽ Jejus wỳr tẽ nẽ kãm: —Xê ma Pahihti. Kormã ixàpênh rax tã nhũm Marir ixto ajuta hkêt nẽ. Ãm akapẽr pix mar gryk ã ixkôt htẽm nẽ ixto ajuta hkêt nẽ. Pa ahte mẽ panhõ hã ixàpênh o xa. Xà amã ja mex? Xê kãm anẽ kê tokyx ixkôt tẽ pa wa hã axkrut nẽ mẽ panhõ hã ixàpênh tokyx anẽ. Anẽ.

Rukre 10:41

Hãmri nhũm tee ri kuma nẽ kãm: —Kwa Matre. Na ka ãm mẽ panhõ pix kukamã ri ajamaxpẽr nẽ gryk ã tee ri amnhĩ nhĩpêx.

Juãw 11:1

Rôm nhũm krĩ pê Petãn kamã mẽhõ my pê Rajareja ra à htỳx nẽ nõ. Na pre htõx wa hamẽxkrut. Hõ kêp Matre nhũm hõ kêp Marir.

Juãw 11:3

Hãmri nhũm wa tee ri hkukamã hamaxpẽr nẽ ma krĩ hõ hwỳr Jejus wỳr mẽhõ mẽ nhũm ma hwỳr tẽ. Nẽ hwỳr pôj nẽ omu nẽ kãm: —Pa Pahihti. E ot pa awỳr tẽ. Na ra amã akràmnhwỳ japê htỳx xwỳnhta à htỳx nẽ nõ nhũm htõx wa tee ri hkukamã hamaxpẽr nẽ awỳr inhmẽ pa tẽ. Kwa tokyx pu ma hwỳr tẽ ka akupỹm wa kãm ho mex nà? Anẽ.

Juãw 11:6

Tã à htỳx ã harẽnh ma nẽ hwỳr mõr tokyx anhỹr kêt nẽ. Pa mẽ arĩ amnhĩm hikranh xà kamã ri ixpaja o ixtã axte apkati axkrut.