Juãw 1:47 - Tĩrtũm kapẽr ã kagà nyw

⁴⁷ Hãmri nhũm Jejus amnhĩ wỳr wa omu nẽ kuri mẽ kuhê xwỳnhjê mã Natãnaew jarẽnh kurê kumrẽx nẽ harẽnh o: —E onẽj Ijaew õja mẽ pahwỳr hpôx o tẽ. Ãm hãmri na hte tãm amnhĩ nhĩpêx o pa. Na hte higêt finat Jako kurom hêx rom ri tanhmã mẽ kãm amnhĩ to hêx to ho pa hkêt nẽ. Na hte ãm kapẽr mex pix o ri kapẽr o pa. Anẽ.

Juãw 1:47 ပူးပေါင်းရင်းမြစ်များ

Rõmãn 9:4

Mẽ ixpê Ijaew nhĩgêtjaja na pre Tĩrtũm amnepê mã mẽ ho mex rax nẽ. Nẽ kãm mẽ ho hkra hprãm nẽ. Nhũm prem tanhmã kot amnhĩ nhĩpêx mex to hã no ho omunh o pa. Nẽ hirã htỳx kãm ri pa hã omu nhũm mẽ kãm: —E kot kaj mẽ ixkapẽr ma nẽ ixkôt amnhĩ nhĩpêx o ri apa. Hã kot paj mẽ akôt ixpa ho ixpa nẽ mẽ ato mex nẽ ka mẽ axpẽn kanrẽhã axàmnàr rax nẽ. Hãmri pa mẽ amã pika mex gõ ka mẽ kamã ajamakêtkati nẽ axàmnhĩx ri apa ho apa. Anhỹr o mẽ kãm kapẽr. Hãmri nẽ mẽ kaxyw Mojes mã tanhmã kapẽr to nẽ mẽ kaxyw kãm mẽmoj piitã hã karõ. Mẽ kot tanhmã amnhĩ tomnuj to hãmri nẽ tee ri ja hã amnhĩ pumunh nẽ tanhmã amnhĩ to Tĩrtũm wỳr to nhũm kot mẽ mar nẽ mẽ nê ja ho hapêx par kaxyw. Finat Mojes kot amnhĩ xô ri mẽ kãm ujarẽnh nhũm mẽ kot mar nẽ hkôt amnhĩ nhĩpêx mex o ri pa kaxyw.

Rõmãn 9:6

No nhũm kormã Ijaew hwỳr wrỳk kêt ri nhũm Tĩrtũm ra kot mẽ ho hkra kaxyw mẽ hã amnhĩ jarẽ nhũm mẽ hkwỳja kãm ja prãm kêt nẽ hkaga. Tã xà na pre Tĩrtũm kot mẽ ho hkra hã amnhĩ jarẽnh ã amnhĩ to hêx? Nà aa hêx kêt kênã kot kêt ri mẽmoj tã amnhĩ jarẽ nẽ hã amnhĩ to hêx. Jakamã na pre mẽ hkwỳjaja hkwỳjê rom hkaga hkêt nẽ nhũm amnhĩ tã mẽ omu nẽ mẽ ho hkra. Nom mẽ piitã mẽ ho hkra hkêt nẽ. Mẽ hkwỳjaja kot hkaga jakamã nhũm ãm mẽ hkwỳjê pix o hkra.

Juãw 8:31

nhũm amnhĩ tã mẽ omu nẽ mẽ kãm: —Nà ãm hãmri na ka mẽ tã ixkôt ajamaxpẽr. Tã kêr ka mẽ ixkôt amnhĩ xunhwỳ nẽ ixkapẽr kôt pix mã ri amnhĩ nhĩpêx mex o ri apa. Hãmri pa ja hã mẽ apumu nẽ mẽ apê ixkwỳ kumrẽx ã mẽ ajarẽ.

Wam Pêtre 2:22

Krisja aa tanhmã amnhĩ tomnuj to hkêt nẽ pa ho pa. Nẽ aa mẽmoj tã amnhĩ to hêx o pa hkêt.

Wam Pêtre 2:1

Nẽ kwa kêr pu mẽ axte tanhmã amnhĩ tomnuj to ho ri papa hkêt nẽ. Rỳ tanhmã axpẽn mã paxêx to hkêt nẽ. Nẽ paxêx rom tanhmã ri axpẽn nokupyr to hkêt nẽ. Nẽ mẽmoj tã axpẽn kãm pagryk kêt nẽ. Nẽ tanhmã axpẽn japrỳ hto hkêt nẽ. Kêr pu mẽ ã amnhĩ nhĩpêx anhỹr o papa hkêt kumrẽx.

Piripos 3:3

Nom ja kot anhỹr kêt. Mẽ pahte amnhĩ jakàr kôt mẽ pahpê Tĩrtũm kra hkêt. Ã kot anhỹr ronhỹx pu mẽ amnhĩ krã hkôt tanhmã amnhĩ nhĩpêx to ho pahpê hkra. Nom ja kot anhỹr kêt. Mẽ ate amnhĩ jakàr kêt tã mẽ ixpyrà nẽ amnhĩ kaxyw Jejus Kris mã ajamaxpẽr jakamã mẽ ixpyrà nẽ mẽ apê Tĩrtũm kra na ka mẽ. Na ka htem mẽ ixpyrà nẽ Karõ nhỹ hã kãm mex o mex ã harẽnh o ri apa nẽ mẽ ixpyrà nẽ Jejus kukwak ri akĩnh nẽ ri apa. Nom na pu htem pahpê hkra kaxyw amnhĩ jakàr kêt nẽ.

Juãw 8:39

Hãmri nhũm mẽ tee ri amnhĩ tã kuma nẽ kãm: —Tk. Kwa mon ka ã mẽ ijarẽnh anẽ? Mẽ ixte Apraãw kôt amnhĩ nhĩpêx o ri ixpa kênã. Anẽ. Hãmri nhũm mẽ kãm: —Nà. Mẽ ate hkôt ri amnhĩ nhĩpêx o apa ronhỹx ka mẽ uràk nẽ Inhĩpêêxà kapẽr kôt amnhĩ nhĩpêx.

Juãw 2:25

Jejus kot mẽ pahte pahtỳx ri amnhĩ tomnuj o papa hã mẽ pahpumunh par. Nẽ pahtỳx ri pajamaxpẽr punuj o papa hã mẽ pahpumunh par. Jakamã na pre ã mẽ harẽnh anẽ.

Juãw 4:16

Hãmri nhũm kãm: —Tô ma akupỹm krĩm tẽ nẽ amjên japrô nẽ man akupỹn ixwỳr wa tẽ. Anẽ.