Eprêw 5:11 - Tĩrtũm kapẽr ã kagà nyw

¹¹ Nẽ Jejus kêp mẽ pahto Tĩrtũm wỳr xwỳnh maati hã harẽnhja inhmã ixprĩ hã mẽ amã harẽnh par prãm tã ka mẽ kormã inhmar tỳx kêt nẽ. Pa tee ri ixprĩ hã mẽ amã harẽnh kaprỳ. Te mẽ amã mar prãm kêt o amõr pyràk.

Eprêw 5:11 ပူးပေါင်းရင်းမြစ်များ

Makre 8:21

Hãmri nhũm kuma nẽ mẽ kãm: —Tỳ ra ixte mẽ anoo mã ã ja ho anhỹr o axkrut tã ka mẽ ra hã ano hkêt nẽ arĩ axpẽn mã mẽ panhõ pãwti hkêt pix jarẽnh o ixkôt mõ. Kormã mẽ ate ixàhpumunh tỳx ã ixpumunh kêt. Anẽ.

Rukre 24:25

Hãmri nhũm Jejus amnhĩ tã wa kuma nẽ wa kãm tanhmã amnhĩ jarẽnh to nẽ wa kãm: —Hêxta waa nẽ. Pẽr ãm mẽ ate mẽmoj mã ajamaxpẽr tỳx mex kêt kumrẽx. Na pre ra Tĩrtũm nhỹ hã kapẽr jarẽnh xwỳnhjaja Tĩrtũm kapẽr ã kagà htũm kamã ã kot amnhĩ nhĩpêx anhỹrja kukamã hprĩ hã harẽ nẽ hã kagà. Mẽ akukamã mẽ anhĩgêtjê mã harẽ nẽ hã kagà. Tã ka mẽ kormã aprĩ hã mar tỳx kêt nẽ.

Juãw 16:12

—Nẽ na pa kormã mẽ amã mẽmoj piitã ho amnhĩrĩt kêt nẽ. Kormã mẽ ate aprĩ hã mẽmoj pumunh nẽ mar mã tãm kêt.

Juãw 6:6

Ra tãm kot tanhmã mẽ kãm õ hto hã amnhĩ pumunh mex tã ã mẽ hã Firipti kamã hamak kaxyw mẽ hã hkukjêr anẽ.

Eprêw 5:10

Jakamã na pre Tĩrtũm Mekijetek pyrà nẽ kêp patre maati kaxyw ãm.

Eprêw 5:12

Amnepê mã mẽ ate Kris kôt amnhĩ xunhwỳr nẽ kapẽr mar tỳx tã kormã nhãm amnhĩ xô ri ho amnhĩ kwỳjê jahkre ho ri apa hkêt nẽ. Te mẽ ate hã ano hkêt pyràk jakamã na pa hte arĩ mẽ amã kapẽr kot amnhĩrĩt mex xwỳnh kwỳ ho mẽ ajahkre ho pa. No kot amnhĩrĩt mex kêt xwỳnh o mẽ ajahkre hkêt nẽ. Te mẽ hkaràre kot amnhĩ nhĩpêx pyràk o na ka htem amnhĩ nhĩpêx o apa. Na hte mẽ hkaràre mẽõ mex kur kêt nẽ. Ãm kormã katorxà hkà pix kaô. Ja pyrà nẽ ãm Tĩrtũm kapẽr kot amnhĩrĩt mex xwỳnhta pix na ka mẽ mar tỳx o apa nom kapẽr kot amnhĩrĩt mex kêt xwỳnhja ka mẽ mar mex kêt nẽ.

Sikũn Pêtre 3:16

Na hte mẽ pakaxyw kagà nhĩpêx nẽ kamã mẽ pahte Jejus kutêp tãm amnhĩ nhĩpêx o papa hã mẽ pamã karõ. Na hte tõhã mẽmoj tã kagà pu mẽ kamã harẽ nẽ tee ri pahprĩ hã mar mã no ãm mar mex kêt nẽ. Hãmri nhũm Tĩrtũm kapẽr o mẽ hêx o mẽ pa xwỳnhtaja haxwỳja kuma hãmri nẽ amnhĩ krã hkôt hijuk ri tanhmã ho hêx to. Te mẽ kot hprĩ hã mar nẽ harẽnh pyràk nom hprĩ hã mar kêt nẽ. Ã na htem Tĩrtũm kapẽr ã kagà piitã ho hêx o pa anẽ. Mỳrapê koja mẽ nhỹrmã amnhĩ xà kamã hamak tỳx kumrẽx.