Eprêw 4:5 - Tĩrtũm kapẽr ã kagà nyw

⁵ Nẽ mẽ kot kapẽr mar nẽ ãm mar xwỳnhjê jarẽnh kot: Kot kaj mẽ aa ixkukwak ri axàmnhĩx nẽ ajamakêtkati nẽ apa hkêt nẽ. Anẽ.

Eprêw 4:5 ပူးပေါင်းရင်းမြစ်များ

Eprêw 3:11

Hãmri nẽ mẽ kãm: “E mẽ inhma. Ã mẽ ate amnhĩ nhĩpêx anhỹrja mỳrapê kot kaj mẽ ma ixte mẽ amã pika mex nhõr mã xwỳnhta wỳr apa hkêt nẽ.” Anhỹr o mẽ kãm kapẽr. Anẽ. Ã mẽhõja Tĩrtũm Karõ nhỹ hã te Tĩrtũm tãm kot mẽ kãm kapẽr pyràk o mẽ harẽnh anẽ.

Eprêw 4:3

ãm mẽ kot amnhĩ kaxyw Kris mã hamaxpẽr xwỳnh pixjaja na htem kukwak ri hamakêtkati nẽ ri pa ho pa. Amnepê mã mẽmoj piitã hkêt ri na pre Tĩrtũm mẽmoj piitã ho kator pa hãmri nhũm apkati nhũm axte mẽmoj tã àpênh kêt nẽ. Ãm õ krĩ kamã arĩ hamakêtkati nẽ hkôkôt o hkrĩ. Tã mẽ pahte uràk nẽ pajamakêtkati nẽ papa ho papaja na kãm hprãm. No wam ri mẽ pa xwỳnhjaja mẽ kot amnhĩ tomnuj mỳrapê na pre Tĩrtũm mẽ kot urà nẽ hamakêtkati nẽ paja nê mẽ hkurê. Kapẽr ã kagà htũm kot harẽnh kot: Na pre Tĩrtũm tee ri amnhĩ tã mẽ kot hipêx ã mẽ omu nhũm ja kêp omnuj nẽ. Hãmri nhũm mẽ kãm: “Nà kot kaj mẽ ixkukwak ri axàmnhĩx ajamakêtkati nẽ apa hkêt nẽ.” Anẽ.