Eprêw 10:37 - Tĩrtũm kapẽr ã kagà nyw

³⁷ Tĩrtũm kapẽr ã kagà htũm kot Jejus jarẽnh kot: Koja mẽ pahwỳr wrỳk mã xwỳnhta tokyx wrỳ. Na ra wrỳk kaxyw nojarêt. Anẽ.

Eprêw 10:37 ပူးပေါင်းရင်းမြစ်များ

Matêwre 11:3

nẽ hwỳr wa kumẽ nẽ wa kãm: —Kwa wa ma Jejus wỳr tẽ nẽ hkukja nẽ kãm: “Xà ka na pre Tĩrtũm mẽ ixwỳr amẽ nà? Xà kormã axtem mẽhõ na pa mẽ ri hamãr o ri ixpa?” Anhỹr o hkukja hãmri nẽ tanhmã kot amnhĩ jarẽnh to hã ama nẽ man akupỹn ixwỳr tẽ nẽ inhmã harẽ. Anẽ.

Piripos 4:5

Pahihti Jejus ra akupỹn mẽ pahwỳr nojarêt jakamã kêr ka mẽ kutêp mẽ piitã ri mẽ ho mex o ri mẽ hkôt apa.

Eprêw 10:25

Na pre ra mẽ pahkwỳjaja tanhmã hamaxpẽr to nẽ axte mẽ pahkôt pikuprõnh nẽ Tĩrtũm kapẽr mar o hkrĩ hkêt nẽ. No kêr pu mẽ ho mẽ uràk kêt nẽ. Kêr pu mẽ arĩ xatã axpẽn wỳr akuprõ nẽ mẽ pahte tee ri amnhĩ kukamã pajamaxpẽr nê axpẽn mã pakapẽr o papa. Kêt mẽ panhõ Pahihtija ra akupỹn mẽ pahwỳr wrỳk kaxyw jakamã kwa kêr pu mẽ kutêp arĩ axpẽn mã pajamaxpẽr mex nhõr pê tãm axpẽn nhĩpêx mex rãhã ho i papa.

Sikũn Pêtre 3:8

Nẽ amgrà pê 1.000ja mẽ pamã amgrà xohtô rax kumrẽx no Tĩrtũm mã te arĩgro pixire pyràk.

Sikũn Pêtre 3:9

Tã ra kot mẽ pamã tokyx Jejus akupỹn wrỳk ã harẽnh tã nhũm kormã wrỳk kêt jakamã nhũm htem tõhã tee ri hamãr o pa nẽ hamaxpẽr o: —Hêxta waa nẽ. Tĩrtũm kot tokyx akupỹn mẽ pahwỳr Jejus mẽnh ã amnhĩ jarẽnh tã tokyx mẽnh kêt nẽ. Anhỹr o harẽnh tã no ãm kot anhỹr kêt. Na kormã amnhĩ tã mẽ kot amnhĩ tomnuj xwỳnhjê jamãr o pa. Mẽ kot amnhĩ tomnuj kaga nẽ hkôt amnhĩ xunhwỳr prãm xàj kormã amnhĩ tã mẽ hamã. Kãm mẽ kot amnhĩ xà htỳx kamã hamak tũm xàta wỳr mẽhõ ho pixire nẽ mõr prãm kêt jakamã na kormã amnhĩ tã mẽ hamã.

Apokarip 22:20

E Jejus kot inhmã mẽmoj kukamã tanhmã ujarẽnh to xwỳnhta na pre inhmã amnhĩ jarẽnh o: “Kot paj tokyx akupỹn mẽ awỳr wrỳ.” Anẽ. Ãm hãmri na pre ã amnhĩ jarẽnh anẽ. Koja tokyx akupỹn mẽ pahwỳr wrỳ hãmri nhũm mẽmoj piitã mex o mex. Jakamã kwa kêr ka amnhĩm anojarêt nẽ tokyx akupỹn mẽ ixwỳr wrỳ Pahihti Jejus.