Eprêw 1:12 - Tĩrtũm kapẽr ã kagà nyw

¹² Kot kaj wa hipêx o te mẽ kot ixkre nê pô htũm mã hikranh par nẽ hpãnhã hã nyw janhôr pyràk. Jao pika nẽ kaxkwa htũm o ajapêx pa nẽ hpãnhã nyw nhĩpêx. Kaxkwa nyw nhĩpêx nẽ pika nyw nhĩpêx. Nom kot kaj pika nẽ kaxkwa tũmta pyrà nẽ aa awej nẽ axirerek kêt nẽ. Kot kaj arĩ anyw nẽ axihtỳx rãhã apa ho apa nẽ aa ajapêx kêt nẽ. Arãhã atĩr tũm nẽ apa ho apa xwỳnh na ka.

Eprêw 1:12 ပူးပေါင်းရင်းမြစ်များ

Juãw 8:58

Hãmri nhũm Jejus mẽ kãm: —Nà ixêx kêt. Ãm hãmri na pa ã mẽ amã amnhĩ jarẽnh anẽ. Amnepêm kormã Apraãw kator kêt ri na pa pre ixrãhã ho ixrãhã ixpa na pa. Ixrãhã ho ixrãhã ixpa xwỳnh jakamã na pa pre hte inhno ho Apraãw pumunh mex o ri ixpa. Kwa mẽ ixkapẽr ma nẽ amnhĩ krã him haxàr tỳx nẽ. Anẽ.

Eprêw 13:8

Nẽ Jejus Krisja arĩ rãhãã. Nẽ amnepê mã kot amnhĩ nhĩpêxja mããnẽn arĩ rãhãã. Aa kot amnhĩ nhĩpêxja nhĩjuk ri axtem tanhmã amnhĩ nhĩpêx to hkêt.

Xiakre 1:17

Na hte mẽ pahto mex pix o pa. Na pre myyti ho kato. Kapẽr pix o ho kato. Nẽ mytwrỳre ho kato. Nẽ kanhêti ho kato. Ja piitã ho kato nhũm mẽ pamã hirã mex o harir. Na hte mytwrỳre tõhã hirã mex o pa. Nẽ gaa nẽ nyw kaxyw nẽ kamàt kô. Nẽ gaa nẽ nyw mẽ nhũm akupỹm hirã. Ã na hte amnhĩ nhĩpêx anhỹr o pa. No Tĩrtũmja ã kot anhỹr kêt. Kot amnhĩ nhĩpêxja ãm rãhã ho rãhã. Na hte mẽ pahto mex pix o pa. No tõhã tanhmã mẽ pahto mex to nhũm jãã nhũm tanhmã mẽ pahtomnuj to hkêt nẽ.