Epes 4:19 - Tĩrtũm kapẽr ã kagà nyw

¹⁹ Na htem tanhmã amnhĩ tomnuj to htã amnhĩ kamã hpijaàm kêt nẽ pa. Nẽ axpẽn kamã hpijaàm kêt rãhã ho pa. Ãm amnhĩ pix kukamã hamaxpẽr nẽ tanhmã amnhĩ tomnuj to ho ri pa.

Epes 4:19 ပူးပေါင်းရင်းမြစ်များ

Wam Ximotre 4:2

Nẽ Satanasti nhỹ hã mẽ kãm mẽmoj to hêx xwỳnhjaja ãm Satanasti pix mar o pa jakamã koja mẽ hamaxpẽr mex kêt nẽ. Koja mẽ mẽmoj punuj pumu nẽ htỳx mex ã hkamnhĩx.

Korosẽ 3:5

Jakamã kwa kêr ka mẽ axte ate amnhĩ nhĩpêx tũm kôt amnhĩ nhĩpêx kêt nẽ. Te ra mẽ apê htyk nẽ hapêx par pyrà nẽ axte kãm ajamaxpẽr kêt nẽ. Jakamã axte ri axpẽn mjên rỳ axpẽn prõ ho amnhĩkati hkêt nẽ. Nẽ nhãm ri mẽmyjê hõ rỳ mẽnijê hõ ho amnhĩkati hkêt nẽ. Nẽ mẽ amã tanhmã amnhĩ tomnuj to hprãm kêt nẽ. Nẽ mẽ amã akukrêx rax prãm kêt nẽ. Kot ka mẽ ã amnhĩ nhĩpêx anẽ nẽ gaa nẽ akukrêx rax gryk ã axte Tĩrtũm mã ajamaxpẽr kêt nẽ.

Apokarip 18:3

Krĩ nhõ xwỳnhjaja na htem Tĩrtũm kapẽr kôt amnhĩ nhĩpêx kêt nẽ amnhĩ krã hkôt kãm prãm xà hkôt pix mã tanhmã amnhĩ tomnuj to ho pa. Te mẽhõ pipãnh nẽ htỳx ri amnhĩ nhĩpêx o pa pyràk. Nhũm krĩ piitã hkôt mẽ ho amnhĩptàr xwỳnhjaja mẽ hwỳr mra nẽ mẽnijê ho amnhĩkati ho pa. Nẽ krĩ nhõ xwỳnhjaja mẽmoj pumu nẽ kãm hkĩnh nẽ haprôr kurê kumrẽx o pa nẽ aa ujaprôr o hapêx kêt nẽ. Jakamã na hte krĩ hkwỳ nhõ xwỳnhjaja mẽ hwỳr mẽmoj to pa nẽ xatã mẽ kãm ho wẽnê nẽ mẽ kukwak ri mẽ hikàxpore rũnh nẽ pa. Anhỹr o kapẽr.

Sikũn Pêtre 2:22

Mẽ kot ã mẽ kot amnhĩ nhĩpêx anhỹr ã mẽ harẽnh kot: Rop na hte õjaĩr nẽ akupỹm õjaĩrta ku. Nẽ hagrô na htem unê nẽ hkumrã nhũm muxre. Tã nhũm mẽ kãm ure nhũm akupỹm hprõt nẽ mra nẽ akupỹm gyw o amnhĩ tomnu pa. Anẽ. Tã mẽ kot Tĩrtũm kapẽr o mẽ hêx xwỳnhjê mar nẽ mẽ hkôt amnhĩ nhĩpêx xwỳnhjaja te mẽ kot rop mẽ hagrô wa kot amnhĩ nhĩpêxta pyrà nẽ Tĩrtũm kapẽr kaga nẽ akupỹm mẽ kot amnhĩ nhĩpêx tũm o awjanã nẽ htỳx ri amnhĩ nhĩpêx o pa.

Wam Pêtre 4:3

Amnepêm kormã mẽ pahte Jejus kôt amnhĩ xunhwỳr kêt ri na pu prem mẽ kêp Tĩrtũm kra hkêt xwỳnhjê hkôt amnhĩ nhĩpêx. Jao nhãm mẽnijê pumu nẽ mẽ kamã pahpijaàm kêt hprãm. Nẽ pahpipãnh o ri papa. Nẽ mẽ pahpipãnh kaxyw axpẽn wỳr akuprõ nẽ mẽnijê kamã pahpijaàm kêt. Nẽ sãnti hwỳr pahkõnkrã ho pahkrĩ nẽ kãm amnhĩ jagrer.

Epes 4:17

E kot paj Pahihti nhỹ hã mẽ amã mẽmoj jarẽ nẽ nê mẽ amã ixkapẽr kãm ixihtỳx nẽ ka mẽ inhma. Nà kêr ka mẽ axte mẽ kêp Tĩrtũm kra hkêt xwỳnhjê kot amnhĩ nhĩpêx o amnhĩ nhĩpêx o ri apa hkêt nẽ. Na htem htỳx ri tanhmã hamaxpẽr punuj to ho ri amnhĩ tomnuj o pa.