Epes 2:22 - Tĩrtũm kapẽr ã kagà nyw

²² Na htem amnhĩm õrkwỹ nhĩpêx nẽ hipêx pa nẽ hwỳr agjê nẽ kamã pa ho pa. Ja pyrà nẽ na hte Tĩrtũm Karõja mẽ pahpê hkrajê karõ mã agjê nẽ mẽ pakamã pa ho pa. Te mẽ pahpê Tĩrtũm nhõrkwỹ pyràk. Mẽ ixpê Ijaew nẽ mẽ apê Ijaew kêt xwỳnhjaja Tĩrtũm mã te mẽ pahpê õrkwỹ pyràk.

Epes 2:22 ပူးပေါင်းရင်းမြစ်များ

Wam Korĩt 3:16

E pa mẽ amã mẽmoj jarẽ. Ra mẽ ate mar tã mãn ka mẽ ra tanhmã amnhĩ to nẽ hã ano hkêt rỳ ko. Nà te mẽ pahpê Tĩrtũm nhõrkwỹ pyràk. Tĩrtũm nhõrkwỹja õ na. Tã mẽ pahpê hkra nhũm Karõ kot mẽ pakaxwỳnh mã gjêx jakamã te mẽ pahpê õrkwỹ pyràk. Jakamã mẽ kot kapẽr kwỳm ri mẽ ajahkre o ri mẽ pa xwỳnhjaja te mẽ kot Tĩrtũm nhõrkwỹ grành xwỳnh pyràk. Koja mẽ nhỹrmã amnhĩ xà htỳx kamã hamak o pa.

Wam Korĩt 6:19

Mẽ panhĩ kamã na hte Tĩrtũm Karõ agjê nẽ kamã hkrĩ. Tĩrtũm na pre mẽ pahwỳr kurẽ nhũm mẽ pahkarõ mã agjê pu mẽ te mẽ pahpê õrkwỹ pyràk. Jakamã na pu htem amnhĩ krã hkôt pahtỳx ri mẽmoj tanhmã ho ho papa hkêt nẽ. Ãm Tĩrtũm jamaxpẽr xà hkôt pix mã na pu htem tanhmã mẽmoj nhĩpêx to ho papa.

Sikũn Korĩt 6:16

Na pu htem Tĩrtũm mã amnhĩ jarẽnh xà hã ixkre kamã sãnti xunhwỳr nẽ amnhĩ to hwỳr pê kãm mex o mex ã harẽnh kêt nẽ. Axtem na sãntija. Mẽ panhõ Tĩrtũmja sãnti rom htĩr tũm rãhã nẽ pa ho pa xwỳnh. Nẽ mẽ papajaja te mẽ pahpê Tĩrtũm nhõrkwỹ pyràk. Kapẽr ã kagà htũm kot ja jarẽnh kot: Ixkrajaja te kêp inhõrkwỹ nhũm ixpê õ dõn pyràk. Te ixpê inhõrkwỹ kamã ixpa xwỳnh pyràk jakamã kot paj ixkrajê kamã ri ixpa ho ixpa. Ixpê Mẽhpãm na pa. Anẽ.

Epes 3:17

—Nẽ kê mẽ amnhĩ kaxyw Kris kôt hamaxpẽr tỳx o pa. Te mẽmo pĩ hpàr jarê kot pika kaxwỳnh kãm pimành nẽ pika jamỳnh tỳxta pyràk. Nhũm kôk xàpêr tỳx tã tee kot kãm mẽnh prãmta pyràk. Kê mẽ pĩ hpàr jarê kot pika jamỳnh pyrà nẽ kãm axpẽn kĩnh o pa. Jao mẽmoj to axpẽn kutã nojarêt rãhã ho pa.

Wam Juãw 3:24

Jakamã kot puj mẽ kapẽr xà hkôt axpẽn nhĩpêx o papa nẽ te ixkre tipxi kamã mẽ pahte axpẽn kôt Tĩrtũm kôt ri papa pyràk. Ra kot mẽ pahwỳr Karõ rẽnh nhũm kot mẽ pahkarõ mã gjêx jakamã na hte mẽ pahkôt pa ho pa hã amnhĩ to amnhĩrĩt.

Wam Juãw 4:13

Na pre mẽ pahwỳr Karõ rẽ nhũm mẽ pahkarõ mã agjê pu mẽ ỹ hã kot amnhĩ nhĩpêx o amnhĩ nhĩpêx o papa.

Wam Juãw 4:16

Na pu mẽ ra pahprĩ hã Tĩrtũm kãm mẽ pajapê hã amnhĩ tã omu. Kãm mẽ pajapê htỳx kumrẽx ã amnhĩ tã omu. Jakamã kot puj mẽ uràk nẽ ỹ hã pamã mẽ piitã mẽ hkĩnh o papa. Tĩrtũm mẽ mẽ pahtipxi nẽ ri papa kênã.