Atre 26:1 - Tĩrtũm kapẽr ã kagà nyw

¹ Hãmri nhũm Akrip Pos Pesti kot tanhmã Pawre jarẽnh toja ma nẽ Pawre mã kãm: —E mãmrĩ mẽ inhmã amnhĩ jarẽ pa mẽ ama. Anẽ. Hãmri nhũm kuma nẽ kãm amnhĩ jarẽnh kaxyw kànhmã kãm ĩhkra pẽ nẽ kãm:

Atre 26:1 ပူးပေါင်းရင်းမြစ်များ

Juãw 7:51

—Tk. Kwa kormã mẽ pahte pahprĩ hã kapẽr mar nẽ tanhmã kot amnhĩ nhĩpêx to hã omunhre hã. Na pre finat Mojesja Tĩrtũm nhỹ hã mẽ panhĩgêtjê mã ja jarẽnh o: Kêr ka mẽ aprĩ hã mẽ kapẽr ã mẽ ama nẽ mẽ kot amnhĩ nhĩpêx ã mẽ omu nẽ rĩ kormã tanhmã mẽ harẽnh to. Anhỹr tã ka mẽ kormã aprĩ hã Jejus kot amnhĩ nhĩpêx ã omunh kêt tã ra kot amnhĩ tomnuj xwỳnh ã harẽ. Anẽ.

Atre 22:1

Nhũm Pawre amnhĩ kwỳ Ijaew kapẽr o mẽ kãm kapẽr nẽ mẽ kãm: —E ixkwỳjaja. Pa mẽ amã amnhĩ jarẽ ka mẽ inhma. Anẽ. Hãmri nhũm kot mẽ kapẽr o kapẽr ma nẽ hpinhkrênh pa nẽ akryk mar o kuhê nhũm mẽ kãm:

Atre 25:16

Nom pa mẽ kêp ja kaga nẽ mẽ kãm: “Nà mẽ ixpê Rõm nhõ xwỳnhjaja na pa htem ã mẽ hipêx anhỹr kêt nẽ. Na pa htem mẽ kot ho kapẽr xwỳnh noo mã tanhmã hkukjêr to nhũm tanhmã amnhĩ tã àprãr to pa htem kuma nẽ rĩ kormã tanhmã mẽ ho. No na pa htem kormã mẽ kot tanhmã amnhĩ jarẽnh to hkêt ri tanhmã mẽ ho hkêt nẽ.” Anẽ.

Atre 26:2

—Hêxta waa nẽ. Nà na pa amã amnhĩ jarẽnh kaxyw nẽ ixkĩnh nẽ pahi Akrip. Ra ate mẽ ixpê Ijaew kot amnhĩ nhĩpêx ã mẽ ixpumunh mex. Nẽ mẽ ixte tanhmã amnhĩ nhĩpêx to hã mẽ ixte axpẽn kukjêrta ate hã mẽ ixpumunh mex. Jakamã na pa amã amnhĩ jarẽnh kaxyw nẽ ixkĩnh nẽ. E tokyx anojarêt kêt nẽ inhma. Pa amã ixujarẽnh jatur xàm kumẽ ka aprĩ hã inhma.

Atre 9:15

Nhũm Jejus kãm: —Nà mamrĩ ma hwỳr tẽ. Ra ixte amnhĩ kaxyw ãm kênã. Jakamã koja ã mẽ anhĩpêx anhỹrta hpãnhã ma mẽ piitã mẽ kãm ixkapẽr jarẽnh o pa. Mẽ apê Ijaew mã nẽ mẽ anhõ pahi hkwỳjê mã nẽ mẽ kêp Ijaew kêt xwỳnhjê mã. Koja mẽ piitã mẽ kãm ixkapẽr jarẽnh mex o ri mẽ hkôt pa.

Rõmãn 10:21

à Ijaew kêt xwỳnhjê jarẽnh kot anhỹr. Nẽ axte mã tanhmã Ijaewjê jarẽnh to kot: Te mẽ katorxà kot tanhmã hkrajê ho mex to kaxyw tee ri amnhĩ wỳr mẽ kãm àkjêr pyràk o na hte Tĩrtũm Ijaewjê nhĩpêx o pa. Jao tee ri kãm tanhmã mẽ ho mẽ mex to hprãm tã no nhũm mẽ amnhĩ tã kuma nẽ ãm kuma nẽ hkôt amnhĩ nhĩpêx kêt nẽ. Anẽ.