Atre 19:38 - Tĩrtũm kapẽr ã kagà nyw

³⁸ —Kwa kê Temẽt mẽ hkwỳjaja kãm tanhmã wa ho kapẽr to hprãm nẽ ma pahihti hwỳr wa o tẽ nẽ kumã mãn tanhmã wa ho kapẽr to. Mẽmoj tã axpẽn mã mẽ kapẽr xà hã arĩgrota ãã.

Atre 19:38 ပူးပေါင်းရင်းမြစ်များ

Wam Korĩt 6:1

Nẽ na ka xep htem Kris kôt atõ rỳ atõxjê hõ mẽ ka wa tanhmã axpẽn tomnuj to nẽ axtem nẽ juisti hwỳr axpẽn to mra. Mẽ apyrà nẽ kêp Kris kwỳ hkêt tã ka htem ma hwỳr amnhĩ to mra nhũm war axpẽn tã war ama nẽ tanhmã war ajarẽnh to. Kwa mon ka htem axtem nẽ ã Kris kwỳ hkêt xwỳnhjê hwỳr mẽ amnhĩ to amrar anẽ? Kêt mẽ Kris kôt anhĩõ hwỳr mãn kêt mẽ amnhĩ to mra nẽ kumã mãn amnhĩ jarẽ kê axpẽn tã war ama nẽ axpẽn tã tanhmã war amã kapẽr to.

Atre 18:14

Hãmri nhũm ra Pawre kot Garti mã amnhĩ jarẽnh mã tã nhũm Garti amnhĩ to wa nẽ hã mẽ kãm kapẽr nẽ mẽ kãm: —Tk. Kwa kot tanhmã amnhĩ tomnuj tore hã. Kot tanhmã amnhĩ tomnuj to nhũm mẽ ate inhmã harẽnh ronhỹx pa arĩ mẽ ama nẽ tanhmã mẽ amã hipêx to.

Atre 13:12

Hãmri nhũm hkràmnhwỳ pahihtija tee ri ja hã omu nẽ amnhĩ kaxyw Jejus kôt hamaxpẽr nẽ hkôt amnhĩ xãm kurê kumrẽx. Hãmri nẽ Pawre mẽ Panãpe wa kot tanhmã Tĩrtũm kapẽr jarẽnh to hã wa kuma nẽ hamaxpẽr o: —Hêxta waa nẽ. Aa ixte ã mẽhõ kapẽr kot anhỹr mar kêt tã pa jarãhã kuma. Nà ãm hãmri na Jejus jarẽnhja. Anẽ.

Atre 19:24

Na prem amnhĩ kaxyw Tĩrtũm kôt hamaxpẽr kêt nẽ. Na prem axtem sãnti ho mẽ hpãm nẽ amnhĩ to hwỳr pê hã hpijaàm nẽ kãm mex o mex ã harẽnh o pa. Mẽ õ sãntija ni Xiãnre na pre. Nhũm mẽ kãm ixkre nhĩpêx nẽ kamã hkarõ nhĩpêx xãm. Hãmri nẽ hwỳr akuprõ nẽ hã hkĩnh nẽ hkarõ hã hpijaàm nẽ kãm mex o mex ã harẽ. Nhũm pre hte Temẽtja Xiãnre nhõrkwỹ karõ hkryre hkwỳ nhĩpêx nẽ mẽ kãm ho wẽnê ho pa. Prat o hipêx nẽ ho wẽnê ho pa. Jao ra hã mẽ àpênh xwỳnhjê mẽ nhũm mẽ kot haprôr xwỳnhjê kukwak ri kàxpore jamỳnh rũnh o pa.

Atre 19:39

Rỳ ka mẽ amã mẽmoj jarẽnh prãm nẽ arĩgroja ã mãn rĩ kormã mẽmoj jarẽ.