Apokarip 21:22 - Tĩrtũm kapẽr ã kagà nyw

²² Pa pre tee ri krĩ kamã Tĩrtũm mã amnhĩ jarẽnh xà hã ixkre japêr nhũm amrakati. Mo kaxyw koja mẽ axte ixkreja hwỳr mra? Ra Pahi Maati Tĩrtũm xihtỳx xwỳnh mẽ mẽ pahte amnhĩ tomnuj pãnhã amnhĩrer xwỳnhta ra hkrajê kamã pa ho pa kênã kot kêt mẽ axte ri ixkreta o presija. Koja mẽ kãm wa mex ã wa kãm harẽnh prãm nẽ nhỹri tãm wa hwỳr mra nẽ ã wa kãm kapẽr anẽ. Te mẽ pahte pahi hwỳr pamrar nẽ kãm pakapẽrta pyrà nẽ wa hwỳr mra nẽ wa kãm kapẽr.

Apokarip 21:22 ပူးပေါင်းရင်းမြစ်များ

Matêwre 24:2

—Tỳ mex nom koja nhỹrmã mẽ kãm Tĩrtũm kurê xwỳnhjaja grành pa. Koja arĩ kẽn õ axkrutre nẽ axpẽn mỳnh nẽ nõr kêt nẽ. Koja piitã anhgrà nẽ ahpỹnhã ri hikwỹ. Anẽ.

Juãw 4:21

Hãmri nhũm Jejus kãm: —Nà kot kaj mẽ nhỹrmã ãm Jerujarẽ pix kãm rỳ hixêt mũj nhĩmõk pix ã axpẽn wỳr akuprõ nẽ Tĩrtũm mã amnhĩ jarẽnh kêt nẽ.

Juãw 4:23

Tã koja mẽ piitã Mẽpahpãm Tĩrtũm mã mex o mex ã harẽnh kaxyw nhỹhỹm pa hkêt nẽ. Koja mẽ nhỹri pa xà kamã mẽ õpinh xà kaxwỳnh kãm ã kãm amnhĩ jarẽnh anhỹr o pa. Ja na Tĩrtũm kãm hprãm. No nhỹhỹm mrar nẽ nhỹri kuhê xà pix kamã kãm amnhĩ jarẽnhja nhũm kãm hprãm kêt nẽ.

Korosẽ 1:19

Nẽ na pre Tĩrtũm ã hamaxpẽr anẽ nẽ hamaxpẽr o: “Nà Ixkra mẽ wa ixte amnhĩ nhĩpêxja te kot axpẽn pyràk. Nẽ wa ixihtỳx mããnẽn te kot axpẽn pyràk. Nẽ wa inhmex xà mẽ wa ixàhpumunhja te kot axpẽn pyràk. Ã wa ixte amnhĩ nhĩpêx kot anhỹr. Wa ixte amnhĩ nhĩpêxja na mex kumrẽx.” Anẽ.

Korosẽ 2:9

Nẽ Kris mẽ Tĩrtũm wa kot amnhĩ nhĩpêx kot axpẽn pyràk. Nẽ wa hamaxpẽr kot axpẽn pyràk.

Apokarip 1:8

Nẽ Tĩrtũm na hihtỳx o hihtỳx nẽ àhpumunh o àhpumunh. Nẽ aa kot mẽhõ ni rũm kator kêt. Na hte amnhĩ jarẽnh o: —Ixrãhã ixpa xwỳnh na pa. Amnepê mã kormã mẽmoj piitã hkêt ri pa pre ra ixrãhã ri ixpa ho ixpa. Nẽ koja nhỹrmã mẽmoj akupỹm hapêx tã pa arĩ ixrãhãã. Anẽ.

Apokarip 11:17

Pa Pahi Maati Tĩrtũm. Nà ãm hãmri mẽ ixrom axàhpumunh o axàhpumunh nẽ axihtỳx o axihtỳx. Amnepê mã kormã mẽmoj kêt ri na ka pre arãhã apa ho apa. Tã arĩ arãhã apa ho apa. Ãm hãmri apê mẽ ixpiitã mẽ ixto amnhĩptàr xwỳnh. Nà ãm hãmri amex o amex.

Apokarip 14:4

Na prem tãm amnhĩ nhĩpêx nẽ Tĩrtũm kôt amnhĩ nhĩpêx rãhã ho pa. Te mẽ kot amnhĩ prõ pix tãnopxar rãhã ho pata pyràk. Nẽ ri tanhmã hêx to rỳ tanhmã ri amnhĩ tomnuj to ho pa hkêt nẽ. Ãm tãm ri amnhĩ nhĩpêx mex o pa. Mẽ kêp Tĩrtũm mẽ mẽ pahte amnhĩ tomnuj pãnhã amnhĩrer xwỳnh kwỳ jakamã na prem mẽ pahte amnhĩ tomnuj pãnhã amnhĩrer xwỳnhta kôt pix mã amnhĩ nhĩpêx o pa. Jakamã na prem mrymnuti kutã rôrôk nẽ kãm mex o mex ã harẽnh kêt nẽ. Tã mẽ kumrẽxjaja Tĩrtũm mẽ Kra wa kuri wa kãm grer o kuhê.

Apokarip 15:3

Hãmri nẽ Tĩrtũm mã tanhmã amnhĩ to ho pa xwỳnh pê Mojes mẽ mẽ pahte amnhĩ tomnuj pãnhã amnhĩrer xwỳnhta wa kot Tĩrtũm mã grerta nhũm mẽ Tĩrtũm mã ho grer o kuhê nẽ grer o: E Pahi Maati Tĩrtũm. Na pa mẽ ra inhmex pê awỳr ixàpir pa. Ãm hãmri na ka hte tanhmã amnhĩ nhĩpêx to ho ri apa. Aa tanhmã axêx to hkêt. Nẽ mẽ ixrom axihtỳx o axihtỳx. Nẽ mẽ ixrom axàhpumunh o axàhpumunh. Jakamã na ka hte mẽ inhmã aa mẽ ixte mẽmoj pumunh kêt kwỳ ho anhỹr o apa. Pika piitã hkôt ahpỹnhã mẽ ho amnhĩptàr xwỳnhjê nhõ Pahi Maati na ka. Nẽ ate tãm amnhĩ nhĩpêx xwỳnh na ka.

Apokarip 16:14

Jakamã na prem pika piitã hkôt mẽ kot aa mẽmoj pumunh kêt kwỳ ho anhỹr o hêx rom mẽ no kupyr o mẽ hkôt pa. Tã pika piitã hkôt mẽ ho amnhĩptàr xwỳnhjê mẽ ho pikuprõnh kaxyw mẽ hapêr o pa. Mẽ kot Tĩrtũm xihtỳx o hihtỳx kurê kaxàr kaxyw mẽ pijapu xà hã arĩgro kukamã mẽ ho pikuprõnh o pa.

Apokarip 16:7

Hãmri nhũm mẽ kot Tĩrtũm mã mẽmoj nhõr xà hã mêsti hpar pê hkrĩ xwỳnhjê hõja kuma nẽ kãm: Nà ãm hãmri na ã ajarẽnh anẽ Tĩrtũm. Ãm hãmri na ka ã akrajê hã mẽ hipêx anẽ. Ra ate mẽ hã amnhĩ jarẽnh xà hkôt na ka hte tanhmã mẽ hipêx to. Nà apê mẽ inhõ Tĩrtũm Maati na ka. Mẽ ixrom axihtỳx o axihtỳx nẽ axàhpumunh o axàhpumunh. Anẽ.

Apokarip 4:8

Nẽ piitã hara kêp 6. Nẽ ĩ piitã kamã no. Nhũm prem Tĩrtũm mã mex o mex ã grer rãhã ho kuhê nẽ aa pinhkrênh kêt nẽ. Nẽ kãm grer o: Amex o amex Tĩrtũm. Nẽ axihtỳx o axihtỳx. Nẽ aa ate amnhĩ tomnuj kêt kumrẽx. Amnepê mã kormã mẽmoj kêt ri ka ra arãhã ri apa. Tã arĩ arãhã ri apa xwỳnh na ka. Kot kaj aa ajapêx kêt nẽ. ãm hãmri na ka hte mẽ ixto mex rãhã ho apa. Nẽ amex o amex Tĩrtũm. Anẽ.

Apokarip 5:6

Hãmri pa kuma nẽ hwỳr rĩt nẽ Jejusja pumu. Kot mẽ pahte amnhĩ tomnuj pãnhã amnhĩrer xwỳnhta mẽ ho amnhĩptàr o hkrĩ xà maati kapem xa. Mẽmoj htĩr pê kwat mẽ àptàr tũm pê 24jê nhĩpôk ri xa. Mẽ kãm hkurê xwỳnhjaja kot hpĩr nhũm ra akupỹm htĩr nẽ xa. Nom ra axtem nẽ xa. àhpumunh tỳxja te kot pahi xàhpumunh pyràk. Nẽ hpàr kêp 7. Nẽ no mããnẽn kêp 7. Noja te Tĩrtũm Karõ pyrà nẽ kêp pika piitã hkôt pa xwỳnh. Ã Jejusja axtem nẽ ãm anẽ pa omu.

Apokarip 7:15

Nẽ Tĩrtũm kot mẽ pahto amnhĩptàr ã hkrĩ xà maati kutã kãm mex o mex ã harẽnh rãhã ho kuhê. Na hte mẽ ho mex rãhã ho pa. Mẽ hkôt pa ho pa jakamã koja mẽmoj tanhmã kêp mẽ ho hkêt nẽ.