Hãmri nhũm kagãmnuti tee ri ma kot kêp o mõr ã omu nẽ hpãnhã nita o apkjê nẽ kot tanhmã ho kaxyw nhũm amnhĩ tã omu nẽ umaj hprõt nẽ ma tẽ nẽ nhỹri kapôt ã amũxu. Ra Tĩrtũm kot hkukamã kãm hpimxur xà nhĩpêx xà hwỳr hprõt nẽ ma tẽ nẽ kamã kêp amũxu. Nhũm Tĩrtũmja nê kagã pumunh mex nhũm kêp hpimxur mex ã amgrà axkrunẽpxi nẽ hkôt hã mytwrỳ kêp 6.
Apokarip 12:14 - Tĩrtũm kapẽr ã kagà nyw14-16 Hãmri nhũm Tĩrtũm kapẽr o mẽ wrỳk xwỳnhjê hõja omu nẽ nija mã àànhàhti jara gõ. Kot kagãmnuti pê ho htor nẽ ma nhỹri hpimxur xà wỳr htẽm kaxyw. Nẽ kormã htor kaxyw nhũm kagãmnuti omu nẽ kot gô ho hanhir kaxyw hkôt hakwa rũm gô kapĩ nhũm hpikapĩr rax kumrẽx. Te pyhti hprõt tỳx pyràk. Hãmri nhũm Tĩrtũm omu nẽ nija nê tanhmã pika hto nhũm kãm axkjê nhũm gô hprõt nẽ kamã pikapĩr pa. Jakamã nhũm mex pê àànhàhti jara ho to nẽ ma kapôt ã pimxur xà hwỳr ma tẽ. Nẽ kamã pa hã amgrà axkrunẽpxi nẽ hkôt mytwrỳ kêp 6 nhũm prem hamãr mex rãhã ho pa. အခန်းကိုကြည့်ပါ။ |
Apokarip 12:14
10 ပူးပေါင်းရင်းမြစ်များ
Hãmri nhũm Tĩrtũm Karõ tanhmã ixto nhũm kapẽr o wrỳk xwỳnhja ma kapôt wỳr ixto mõ pa kapôt ã mrymnuti hkrã kêp 7 nẽ kamã hpàr kêp 10 xwỳnhta pumu nhũm hkamrêêti nẽ xa. Nẽ ĩ piitã hã tanhmã Tĩrtũm o kapẽr punuj to hã kagà. Nhũm katut ã mẽhõ ni kuprỳta nhỹ. Mẽ ho amnhĩptàr xwỳnh ã mẽ ê kakrã htyk nẽ hkamrêk o hkukàr jaxà nẽ hã nhỹ. Nẽ ôr o õkrexê. Nẽ ôr o hinwỳỳxê nẽ ĩhkra kamã kàx. Ãm ôr pix o hikukrêx. Nẽ kẽn mex karỳr pix o amnhĩ jamrêx. Nẽ ôr o kopti hõ py nẽ hã nhỹ. Kopti kamã ni kuprỳ kot amnhĩ tomnuj xà. Ãm kot mẽ kêp mẽ mjên o amnhĩkati ho pa xà pix nhũm kupy nẽ o nhỹ.
ကြော်ငြာတွေ