DALEK TERABA NON JISAS KRAES JON TEULU 7:28 - Gospels of Mark and John in Apma

²⁸ Entorah Jisas tedi neseserak le koron valin God, ba mwenga rini bep nuhu, “Kam mililngi dihi ut ah nat tepma iginan? Nat bapma tenga li nok, ba aji ah tesro nana ba ni mwetaknga, ba gimi kat baililngi nga.

DALEK TERABA NON JISAS KRAES JON TEULU 7:28 ပူးပေါင်းရင်းမြစ်များ

DALEK TERABA NON JISAS KRAES JON TEULU 1:46

Nataniel muhleli ini nuhu, “Te apma tekabis mapma tete Nasaret?” Pilip balu ubu bep nuhu, “Kopma negita.”

DALEK TERABA NON JISAS KRAES JON TEULU 10:36

Ba mini nana ba Tadat te kit ulu nana, bi tesro nana vali uruu. U apma na goah ka bep nuhu nam git riani God, na u goah nam bep nuhu nana ba nambi Nujun God?

DALEK TERABA NON JISAS KRAES JON TEULU 12:49

Mwetaknga u gonani nat ba dotop tenga nokok ba Tadat niah tesro nana telngi mini nana nuhu nam sipma ne doptop mini gimi.

DALEK TERABA NON JISAS KRAES JON TEULU 14:10

Ko vihni mwetaknganan, Pilip, nagoah namdok le Tadat bi Tadat modok le nana. Dalekte ah nambep mini gimi ba tebaite dalekt nga ba dalen Tadat niah modok le nana, niah mweleli non uman.

DALEK TERABA NON JISAS KRAES JON TEULU 14:31

ba namleli nuhu tarut at li uruu ramaililngi nuhu namwegololo i Tadat. Bi bujun nanong nagoah namlel sera leutnae niah telngi mini nana. “Karudumre ba taba dini utahe.”

DALEK TERABA NON JISAS KRAES JON TEULU 16:3

Ran leli leut nanong mini gimi u gonani rat baililngi Tadat nga io nana.

DALEK TERABA NON JISAS KRAES JON TEULU 17:25

Tadat niah kobi woswosan! Tarut at li uruu rat baililngi kik nga, ba goni rahe ram maililngi nuhu kot tesro nana.

DALEK TERABA NON JISAS KRAES JON TEULU 17:3

Bi masradaan nahe, niah tarutni rabat teililngi nuhu kik nante niah kobi mamjin God, bi neililngi Jisas Kraes niah kot tesro.

DALEK TERABA NON JISAS KRAES JON TEULU 3:2

Mapma ben Jisas bung bi bep mini nuhu, “Subu, kam maililngi nuhu kobi sesesrakan niah God tesro kik. Aji bat ba leli ililnan rowok tegol nga niah kom leli tigoah God bat ba beji tenga.”

DALEK TERABA NON JISAS KRAES JON TEULU 3:33

Aji ah mwelep gogo non toptowan ba mwe sesra nuhu God ba bi mwetaknga.

DALEK TERABA NON JISAS KRAES JON TEULU 5:32

Ba aji watnede mwi di ah mo doptop nokok uman, bi nam maililngi nuhu toptowan ah bep u nana ba mwetaknga.

DALEK TERABA NON JISAS KRAES JON TEULU 5:43

Nat sipma mini rowok tegol non Tadat ba kat ba lep gogote nana nga. Ba aji watnende mwe gamupma ma le han ba kamlep gololo.

DALEK TERABA NON JISAS KRAES JON TEULU 6:42

Ra bep nuhu, “Jisas ahe ba tegai nujun Josep nge niah tam maililngi. Tam maililngi teman nuru dajin. Nan nga ba mwega bep nuhu te sipma mere le bini?”

DALEK TERABA NON JISAS KRAES JON TEULU 7:14

Tevan navalolok nan kanleutan ba Jisas ban le koron valin God bi bawo mwe sesesrak.

DALEK TERABA NON JISAS KRAES JON TEULU 8:14

Jisas balu ini bep nuhu, “Tebu masen a nam bat roptop bamul ma nokok ba apma ah nam bep ba metaknga u gonani nam maililngi ut ah nat tepma iginan bi nam maililngi ut ah nan ban iginan. Ba gimi ba kat baililngi ut nga ah nat tepma iginan bi kat bililngi ut nga ah nam ban iginan.

DALEK TERABA NON JISAS KRAES JON TEULU 8:16

Tigoah nam bat leli veveikan ba nok veveikan batei mwetaknga u gonani nat baite nihkek nga ba Tadat niah tesro nana ba mwidi bek.

DALEK TERABA NON JISAS KRAES JON TEULU 8:19

Ram uhleli ini nuhu, “Temam nimbeh?” Ba Jisas balu ini bep nuhu, “Kat baililngi nana nga, bi kat bililngi Tadat nga. Tigoah kabat telilngi nana, ba kabat teililngi Tadat tedapmak.”

DALEK TERABA NON JISAS KRAES JON TEULU 8:26

Apma hal kawu lengleng ngama niah nam batmu bep mini gimi niah batei kavep bamte nami. Aji ah tesro nana ba ni mwetaknga, ni nam bep apma nge mini tarut nan ut li uruu niah te vep mini nana.”

DALEK TERABA NON JISAS KRAES JON TEULU 8:42

Jisas bep mini ni nuhu, “Tigoah God batei temami na ngate ba kabat mwegololo i nana. Gonani goi namdi ahe ba nat sipma ben God, nat ba sipma tenga li nok tonian, ba tesro nana.

DALEK TERABA NON JISAS KRAES JON TEULU 9:29

Kam maililngi nuhu God te dotop mini Moses, ba u aji nong ba kat bililngi nga bi kat bililngi ut nga ah tepma iginan!”