DALEK TERABA NON JISAS KRAES JON TEULU 3:17 - Gospels of Mark and John in Apma

¹⁷ God teba sote Nujun naga mwisipma li uruu nuhu nema sipma ne sasate nokon tarut at li uruu ba tesipma nuhu nema vamwesa ni.

DALEK TERABA NON JISAS KRAES JON TEULU 3:17 ပူးပေါင်းရင်းမြစ်များ

DALEK TERABA NON JISAS KRAES JON TEULU 1:29

Tei le ren go ba Jon mwigita goah Jisas mapma ben bi bep nuhu, “Karu gita, Malu Sipsip na bilan God ahe niah man lep gabrani kapmwaan non tarut at li uruu.

DALEK TERABA NON JISAS KRAES JON TEULU 10:36

Ba mini nana ba Tadat te kit ulu nana, bi tesro nana vali uruu. U apma na goah ka bep nuhu nam git riani God, na u goah nam bep nuhu nana ba nambi Nujun God?

DALEK TERABA NON JISAS KRAES JON TEULU 11:42

Nam maililngi nagoah kom rongtak ras i nana, ba nam bep tedapmak gonani tarutmumu i ram di ahe rama vihni mwetaknga na nuhu kot tesro nana.”

DALEK TERABA NON JISAS KRAES JON TEULU 17:18

Nat tesro ni ban li uruu tedapmak goah kot tesro nana vali uruu.

DALEK TERABA NON JISAS KRAES JON TEULU 17:21

Nam dangro nuhu ni sera ra bat tei bwaleh. Tadat! Tekabis nuhu rat dok le kiduru, tedapmak goah kom dok le nana bi nana nam dok li kik. Tekabis nuhu ran nei bwaleh metan goah tarut at li uruu ran bihni mwetaknga nan nuhu kot tesro nana.

DALEK TERABA NON JISAS KRAES JON TEULU 17:23

Nan dok le ni bi kon dok le nana, metan goah ran nei bwaleh lunluhmwi. Metan goah tarut at li uruu ran neililngi nuhu kot tesro nana bi kom mwegololo i ni tedapmak goah kom mwegololo i nana.

DALEK TERABA NON JISAS KRAES JON TEULU 17:25

Tadat niah kobi woswosan! Tarut at li uruu rat baililngi kik nga, ba goni rahe ram maililngi nuhu kot tesro nana.

DALEK TERABA NON JISAS KRAES JON TEULU 17:3

Bi masradaan nahe, niah tarutni rabat teililngi nuhu kik nante niah kobi mamjin God, bi neililngi Jisas Kraes niah kot tesro.

DALEK TERABA NON JISAS KRAES JON TEULU 17:8

Ugonani nat teskani dalem mini ni niah kot teskani mini nana bi rat lep gogo. Bi ram maililngi mwetaknga nan nuhu nat sipma bem, bi ra bihni mwetaknga nan nuhu kot tesro nan.

DALEK TERABA NON JISAS KRAES JON TEULU 20:21

Jisas bep mwetani mini ni nuhu, “Ut terororong nedi masemi. Tapmak goah Tadat tesro nana, ba nanong nam masro gimi.”

DALEK TERABA NON JISAS KRAES JON TEULU 3:34

Aji ah God tesro ba bep dalen God, bi aji nanong ba te wewe lip i Tabite Kokon.

DALEK TERABA NON JISAS KRAES JON TEULU 5:36

Ba aji tedok ah mo doptop nokok niah non toptowan tesasviri Jon ngate. Topnan nok uman niah Tadat telngi mini nana noh nan leli. Uman ni nanong ba ram doptop nokok, bi ram sesra nuhu, Tadat tesro nana.

DALEK TERABA NON JISAS KRAES JON TEULU 5:38

Gimi, ba dalen teba vaim nga le gimi, u gonani katba vihni mwetaknga nak nga nana niah tesro nana.

DALEK TERABA NON JISAS KRAES JON TEULU 5:45

Kan ba vihni tean nuhu maneite nana niah nan bep sirsisirite gimi mini Tadat, ba manei Moses niah nomi vihnian mwi di nokon niah man bep sirisiri gimi.

DALEK TERABA NON JISAS KRAES JON TEULU 6:29

Jisas balu ini bep nuhu, “Apma naah niah God modoni nuhu kan leli, karu vihni mwetaknga nak niah tesro nana.”

DALEK TERABA NON JISAS KRAES JON TEULU 6:38

Nat ba soran tenga nuhu nan lelte nok tonian goma, ba nat soran nuhu nan leli tonian non aji ah tesro nana.

DALEK TERABA NON JISAS KRAES JON TEULU 6:40

Tonian non Tadat ba modoni nuhu go sera niah ram gita nana niah nambi Nujun bi ra bihni mwetaknga nak, ba ran mas i masradaan, bi nan bamwesa bamula ni le nokon ren.”

DALEK TERABA NON JISAS KRAES JON TEULU 6:57

Nana nam mas tapmak goah Tadat niah tesro, nana mas. Aji ah man gani mamjik ba mas tekeni goah nam mas.

DALEK TERABA NON JISAS KRAES JON TEULU 7:29

Ba nana nam mililngi gonani nat sipma ben, bi tesro nana.”

DALEK TERABA NON JISAS KRAES JON TEULU 8:11

Aji havin balu ini bep nuhu, “Tebu, Subu.” Jisas bep mini nuhu, “Nana bi nan ba skakte illnan nga mini kik, ba kom mul bi kon bam lel mwetakte kapmwaanan.”

DALEK TERABA NON JISAS KRAES JON TEULU 8:42

Jisas bep mini ni nuhu, “Tigoah God batei temami na ngate ba kabat mwegololo i nana. Gonani goi namdi ahe ba nat sipma ben God, nat ba sipma tenga li nok tonian, ba tesro nana.