DALEK TERABA NON JISAS KRAES JON TEULU 20:17 - Gospels of Mark and John in Apma

¹⁷ Jisas bep mini nuhu, “Kon ba wuhte nanan, gonani nat bado samul nga ben Tadat, ba ko van ben kisak ni bi nebep rotvi mini ni nuhu nam samul ngama ben Tadat niah bi Temami, bi nok God bi nomi God.”

DALEK TERABA NON JISAS KRAES JON TEULU 20:17 ပူးပေါင်းရင်းမြစ်များ

DALEK TERABA NON JISAS KRAES MAK TEULU 12:26

U halan mas bamulan dini mete vale masan, ba katbado wulkite apma nga ah Moses teulu? Mase vehuran u kaba ah tempa leran biri bujuka? Teulan iginan nagoah God tevep mini Moses nuhu, ‘Nana nambi God non Abraham, bi God non Aesak, bi nambi God non Jekob.’

DALEK TERABA NON JISAS KRAES MAK TEULU 16:19

Limalen goah Subu Jisas, tedoptop sera mini ni bi God mwelep bamula mwesak mere le bini. Nanong ba mwesadok li maun God ah mwiji.

DALEK TERABA NON JISAS KRAES JON TEULU 13:1

Rennan kanleutnan Pasova tei tedi bwelwel. Jisas teililngi goah non to tei tepma sasari u goah batelngi ut li uruu bi mwesamul ben Teman. Te mwegololo ras i non tarutni niah ratti li uruu, tei temwegololo i ni bi telngi li mulngan.

DALEK TERABA NON JISAS KRAES JON TEULU 13:3

Jisas teililngi goah Teman teskani moan rowok tegol mini, tei teililngi nuhu tesipma ben God bi man samul ben God.

DALEK TERABA NON JISAS KRAES JON TEULU 14:2

Ut halkawu lengleng leiman Tadat, ba namu ban neleli ut u gimi. Nambat ba vep nga mini gimi tigoah bat baite mwetaknga nga.

DALEK TERABA NON JISAS KRAES JON TEULU 14:28

Kat rongo goah natvep mini gimi nuhu, ‘Nanelngi gimi, ba manei limalen ba nan mulma mwetak bemi.’ Tigoah kabat mwegololo i nana ba rongnan nokomi bat kabis gonani namban ben Tadat niah bi ni kawu ngate vali nana.

DALEK TERABA NON JISAS KRAES JON TEULU 14:6

Jisas balu ini bep nuhu, “Nana nante ah nambi hal, bi nambi mwetaknga, bi nambi masan. Aji man ba van nga ben Tadat tigoah man bapma bawo tenga bek.

DALEK TERABA NON JISAS KRAES JON TEULU 16:28

Nat sipma dini Tadat bi nesipma vali uruu bi namalngi ut li uruu bi nam samul bamul ben Tadat.”

DALEK TERABA NON JISAS KRAES JON TEULU 17:11

Nanong nam mapma bem nat bamdi nga temrap li uruu, ba ni randi li uruu. Tadat niah kobi sangbakan, ko rarei ni li rowok tetkol ah le ham, le ih ah kot teskani mini nana. Metan goah rabat tei bwaleh tedapmak goah tamrui bwaleh.

DALEK TERABA NON JISAS KRAES JON TEULU 17:25

Tadat niah kobi woswosan! Tarut at li uruu rat baililngi kik nga, ba goni rahe ram maililngi nuhu kot tesro nana.

DALEK TERABA NON JISAS KRAES JON TEULU 17:5

Nanong Tadat! Ko skani meresan nanong mini nana le nom ut. Mersan niah tei nok entorah nat tok bem bawo ba uruu mwega lelan.

DALEK TERABA NON JISAS KRAES JON TEULU 20:27

Bep mini Tomas nuhu, “Ko kita ngak nahe. Kolngi warungum dokah, bi ko sangruhwani ngam bi kom malngi le mwarik. Kawute nagoah nom vihni mwetakngaan behbeh, ba ko vihni mwetaknga.”

DALEK TERABA NON JISAS KRAES JON TEULU 7:33

Jisas bep nuhu, “Nan bamdi nga bemi temrap, ba nan mul ben aji ah tesro nana.