DALEK TERABA NON JISAS KRAES JON TEULU 18:37 - Gospels of Mark and John in Apma

³⁷ Paelet mu uhleli ini nuhu, “Bi nanong ba ko bep nuhu kik subu?” Jisas balu ini bep nuhu, “Kik ah ko bep nuhu nana subu. Nana nat sipma nedok li uruu nuhu nan doptop u apma bwaleh, nante ah mwetaknga, bi aji ah bibi non mwetaknga ba mo rongtani nana.”

DALEK TERABA NON JISAS KRAES JON TEULU 18:37 ပူးပေါင်းရင်းမြစ်များ

DALEK TERABA NON JISAS KRAES MAK TEULU 14:62

Jisas balu ini bep nuhu, “Nana nanong. Kan gita nana niah nambi Nujun Aji, nan sadok maun God li maun ngan ah mwiji, entorah man supmulam le bini mini rowon.”

DALEK TERABA NON JISAS KRAES MAK TEULU 15:2

Paelet muhleli vehuran ini bep nuhu, “Kik ba kobi subunan Jiusni?” Jisas balu ini bep nuhu, “Nana nanong go kobep.”

DALEK TERABA NON JISAS KRAES JON TEULU 1:14

Vehuran nanong tegamu dok i aji mwetak bi tedok sosok masede. Tat kita non meresan, gonani tewewe lip i kabisan bi mwetaknga. Non meresan niah teskak mini, gonani tei ni nante niah tei Teman ah God.

DALEK TERABA NON JISAS KRAES JON TEULU 1:17

God teskani Temwat mini gema li Moses ba kabisan bi mwetaknga ba tepma li Jisas Kraes.

DALEK TERABA NON JISAS KRAES JON TEULU 14:6

Jisas balu ini bep nuhu, “Nana nante ah nambi hal, bi nambi mwetaknga, bi nambi masan. Aji man ba van nga ben Tadat tigoah man bapma bawo tenga bek.

DALEK TERABA NON JISAS KRAES JON TEULU 3:32

Bep seresere apma ah te kita bi te rongo ba aji tebulong ah nema lep gogo non toptopan.

DALEK TERABA NON JISAS KRAES JON TEULU 7:17

Aji ah mamko nuhu nema leli tonian non God, ba aji nanong man neililngi nuhu nok sesesrakan te sipma ben God, io nam doptopma li rowok.

DALEK TERABA NON JISAS KRAES JON TEULU 8:14

Jisas balu ini bep nuhu, “Tebu masen a nam bat roptop bamul ma nokok ba apma ah nam bep ba metaknga u gonani nam maililngi ut ah nat tepma iginan bi nam maililngi ut ah nan ban iginan. Ba gimi ba kat baililngi ut nga ah nat tepma iginan bi kat bililngi ut nga ah nam ban iginan.

DALEK TERABA NON JISAS KRAES JON TEULU 8:45

Nam bep mwetaknga mini gimi bi nai kat ba vihni mwetaknga nak nga ini.

DALEK TERABA NON JISAS KRAES JON TEULU 8:46

Itan rei gimi niah man sesra nuhu nam bi aji nan kapmwaa? Tigoah nan bep mwetaknga mini gimi ba mwe gai u apma nagoah kat ba vihni mwetaknga nak nga?

DALEK TERABA NON JISAS KRAES JON TEULU 8:47

Aji ah mwi sipma ben God ba morongtani dalen God. Ba gimi ba katba sipma tenga ben God, bi bujun nanong na goah kat ba rorongtak nga.”