DALEK TERABA NON JISAS KRAES JON TEULU 14:24 - Gospels of Mark and John in Apma

²⁴ Aji ah teba mwegololo nga i nana ba tebamko nga li nok dalek, gonani vehuran ah kam rongo dini nana ba tebaite nok vehuran nga ba vehuran non Tadat niah tesro nana.

DALEK TERABA NON JISAS KRAES JON TEULU 14:24 ပူးပေါင်းရင်းမြစ်များ

DALEK TERABA NON JISAS KRAES JON TEULU 14:10

Ko vihni mwetaknganan, Pilip, nagoah namdok le Tadat bi Tadat modok le nana. Dalekte ah nambep mini gimi ba tebaite dalekt nga ba dalen Tadat niah modok le nana, niah mweleli non uman.

DALEK TERABA NON JISAS KRAES JON TEULU 14:15

“Tigoah kan mwegololo i nana, ba karumko mini nok dalek telingling.

DALEK TERABA NON JISAS KRAES JON TEULU 14:25

“Nat vep vehuranni nong mini gimi entorngama ah namdok bemi.

DALEK TERABA NON JISAS KRAES JON TEULU 3:11

Mwetaknga letlet nambep mini kik, gema kabep apma ah kamaililngi bi ka bep seresere apma ah gam gita. Ba nan nga ba aji rei gimi tebulong ah nemamko u lepnan noma toptowan.

DALEK TERABA NON JISAS KRAES JON TEULU 3:34

Aji ah God tesro ba bep dalen God, bi aji nanong ba te wewe lip i Tabite Kokon.

DALEK TERABA NON JISAS KRAES JON TEULU 5:19

Jisas balu ini bep nuhu, “Mwetaknga letlet nam bep mini gimi nana niah nambi Nujun God ba nan ba lel bwiri apma nga li nok vihnian goma. Uman ah Tadat mweleli ba nam leli apma nananong. Apmanan ah Tadat mweleli ba nana niah nambi Nujun ba nam leli apma nge nanong.

DALEK TERABA NON JISAS KRAES JON TEULU 5:38

Gimi, ba dalen teba vaim nga le gimi, u gonani katba vihni mwetaknga nak nga nana niah tesro nana.

DALEK TERABA NON JISAS KRAES JON TEULU 7:16

Jisas balu ini bep nuhu, “Apma ah nam sesra ba tebaite nok nga ba non God niah tesro nana.

DALEK TERABA NON JISAS KRAES JON TEULU 7:28

Entorah Jisas tedi neseserak le koron valin God, ba mwenga rini bep nuhu, “Kam mililngi dihi ut ah nat tepma iginan? Nat bapma tenga li nok, ba aji ah tesro nana ba ni mwetaknga, ba gimi kat baililngi nga.

DALEK TERABA NON JISAS KRAES JON TEULU 8:26

Apma hal kawu lengleng ngama niah nam batmu bep mini gimi niah batei kavep bamte nami. Aji ah tesro nana ba ni mwetaknga, ni nam bep apma nge mini tarut nan ut li uruu niah te vep mini nana.”

DALEK TERABA NON JISAS KRAES JON TEULU 8:28

Jisas bep mini nuhu, “Entorah kan dakrani nana niah nambi Nujun Aji ba kan gaililngi nanong nuhu ‘Nana ah Nana’. Kan neililngi nuhu nat ba lelte apma nga li rowok, ba apma sera ah nam bep ba nam bep goah Tadat tesesra nana ini.

DALEK TERABA NON JISAS KRAES JON TEULU 8:38

Nam bep apma ah Tadat te sesra mini nana, ba gimi kam leli apma ah temami rat vep mini gimi.”

DALEK TERABA NON JISAS KRAES JON TEULU 8:42

Jisas bep mini ni nuhu, “Tigoah God batei temami na ngate ba kabat mwegololo i nana. Gonani goi namdi ahe ba nat sipma ben God, nat ba sipma tenga li nok tonian, ba tesro nana.