DALEK TERABA NON JISAS KRAES JON TEULU 1:14 - Gospels of Mark and John in Apma

¹⁴ Vehuran nanong tegamu dok i aji mwetak bi tedok sosok masede. Tat kita non meresan, gonani tewewe lip i kabisan bi mwetaknga. Non meresan niah teskak mini, gonani tei ni nante niah tei Teman ah God.

DALEK TERABA NON JISAS KRAES JON TEULU 1:14 ပူးပေါင်းရင်းမြစ်များ

DALEK TERABA NON JISAS KRAES JON TEULU 1:1

Envawonan luhluhmwi, entorah uruu tei tebulong ngama, ba Vehuran non God tedok. Vehuran nanong tedok ben God, bi tei tedapmak God.

DALEK TERABA NON JISAS KRAES JON TEULU 11:40

Jisasbep mini nuhu, “Ko bat kita meresan non God. Komaluni goah nat vep nuhu tigoah ko bat vihni mwetaknga.”

DALEK TERABA NON JISAS KRAES JON TEULU 14:6

Jisas balu ini bep nuhu, “Nana nante ah nambi hal, bi nambi mwetaknga, bi nambi masan. Aji man ba van nga ben Tadat tigoah man bapma bawo tenga bek.

DALEK TERABA NON JISAS KRAES JON TEULU 14:9

Jisas balu ini bep nuhu, “Nat tok bemi i viuk lengleng, Pilip, ba nannga ba kom galeklegini nana. Aji ah tekita nana ba tekita Tadat tedapmak. U apma ba kobep nuhu, ‘Kosesra Temam mini gema’?

DALEK TERABA NON JISAS KRAES JON TEULU 17:22

Nat teskani meresan nge mini ni niah kot teskani mini nana, metan goah ra bat tei bwaleh tedapmak goah tarui bwaleh.

DALEK TERABA NON JISAS KRAES JON TEULU 17:24

“Tadat! Kot teskani ni te mini nana, bi namu doni nuhu rabat tok ut ah nambat tok iginan, metan goah ran gita nok meresan niah kot teskani mini nana, gonani kot kaji bamte nana bawo ba uruu mwega lelan.

DALEK TERABA NON JISAS KRAES JON TEULU 18:37

Paelet mu uhleli ini nuhu, “Bi nanong ba ko bep nuhu kik subu?” Jisas balu ini bep nuhu, “Kik ah ko bep nuhu nana subu. Nana nat sipma nedok li uruu nuhu nan doptop u apma bwaleh, nante ah mwetaknga, bi aji ah bibi non mwetaknga ba mo rongtani nana.”

DALEK TERABA NON JISAS KRAES JON TEULU 2:11

Jisas teleli vawonan non ililnan rowok tetkol ni nong li vini ah Kena niah Galili. Tei iginan ba tesesra non meresan bi non tarutni rat vihni mwetaknga nan.

DALEK TERABA NON JISAS KRAES JON TEULU 3:16

God temwegololo basla i tarut at li uruu, bi maskani Nujun niah tekaji bamte nuhu aji seranae niah ran bihni mwetaknga nan ba ran ba mat nga ba ran butdihi masradaan.

DALEK TERABA NON JISAS KRAES JON TEULU 3:18

Aji nan ah bihni mwetaknganan Nujun God ba man badi nga le sasaran. Ba u aji ah teba vihni mwetaknga nan Nujun God nga ba man di le sasaran u gonani teba vihni mwetaknga nan Nujun God nga niah bwaleh.

DALEK TERABA NON JISAS KRAES JON TEULU 6:51

Nana nambi bered ah te sipma mere bi aji ah man gani bered nanong ba man mas i masradaan. Bered niah nan neskani mini aji nanong ba naah niah mamjik, niah nam maskani nuhu man neskani masan mini.”

DALEK TERABA NON JISAS KRAES JON TEULU 8:32

Kan nelilngi apma ah mwetaknga bi apma ah mwetaknga man leli ba kan nemsalsal.”