तितास 3:7 - आठपहरिया7 नाड्डेउङ् उन्ङाना ओदायाङा आनि माङ्हाङ्ङा धारमोति याप्मि आलोडैसे हिट्नुङ् आसा युङ्सुम्ना लाट्निना चोलाङाना हाकदार लिसेइसिए॥ အခန်းကိုကြည့်ပါ။ |
तितास 3:7
25 ပူးပေါင်းရင်းမြစ်များ
नाड्डेउङ् ना चामारसिङा बिस्वासलाम्मा टायुक्॥ ना चामारसिङा माङ्हाङ्ङा आनि खेरोक् डोक् आपिडेसे॥ हिट्नुङ् ना चामारसिङा आब्राहामङागा ख्वाप्पा पुङ्लाचिगा लोङ्सा पाक्का चोगुएसुए॥ ना चामारसिङाम्बाक् धारमाबिधि पालान् काचोक्चि लोङ्सा एडोक् माखाक्, टरो आब्राहाम गाड्डे बिस्वास काचोक्चि ख्वाप्पा लोङ्सा चा ए, पोङ्भोने आब्राहामबाक् आनि सोब्बेङाना टुबाठेबा ए॥
पोङ्भोने आनि माङ्हाङ् ओछालेट्चि ए, हिट्नुङ् ओछालेट्चि लाउङ्सा उन्ङा पिमा युङ्सुना आसिक् चा आनि टोगुम्टुम्, हिट्नुङ् हिट्ना आसिक् खिरिस्टलोक् एक्केउ आनि चा टोगुम्टुम्॥ टरो खिरिस्टङा मान् टोगु गाड्डे डोक् आनि चा मान् टोगुम्टुम् भोने, खिरिस्टङा याङ्छामा आङ्डु गाड्डे डोक् आनि चा याङ्छामा आङ्मा कोन्युक्॥
टरो खोना चा याप्मि धारमाबिधि पालान् चोगुङ् धारमोति लिनिना नुङ् आन्याँलाउङ्सा ठाहा युङ्ग्वा, टरो खिरिस्ट येसुङि बिस्वास काचोक्बा एरोक् माङ्हाङ्ङा धारमोति चोगुटु॥ नाड्डेउङ् खिरिस्टङि युङ्सुम्ना बिस्वासलाम्मा आनि धारमोति उलिसियाक् नुङ् डोक् खिरिस्ट येसुङि बिस्वास चोगुएसुम्मे, टरो धारमाबिधि पालान् चोगुमुङ् माखाक्, पोङ्भोने धारमाबिधि पालान् चोगुङ् खोना याप्मि चा धारमोति लिनिना॥
बिस्वास चोगुङ् डोक् नोआङा ओजाहानचि चुवाङाना ओभोललाम्मा बाचाँ चोक्मा लाउङ्सा ठेना चुवाखोङ्डाङ् चोगुए॥ हिट्नुङ् नोआङा पाइले काइले चा लिनिगेट्निना रिङ् हाट्ले हान्डेङ् लियुक् नुङ् ओछेक्छेक् काचोक्बा माङ्हाङ्ङा लोडु गाड्डे उन् वासे॥ उन्ङा चोगुना बिस्वासङा डोक् हिट्ना बेला नाराङिगा ख्वाप्पा याप्मिचिङा गाल्ति ओचोगुए नुङ् पारमान् पिडुचे, हिट्नुङ् हिट्ना बिस्वासलाम्मा नोआ धारमोति याप्मि लिसे॥
नाड्डेडोक्, टालिबाङ्चि खानि टालिमाङ्चि खानि नुङ्ना फेटुलो उलिगा नुङ् बुजा चोगानुमुङ् उन्चिलोक् आयुङिनाँ मान् चोगानुम्चिम्॥ पोङ्भोने हिट्नागाँ चा खानिलोक् डोक् माङ्हाङ्ङा आपिना चोला ओटोगुटु॥ नाड्डेउङ् खानिङा आचोगुम्ना बिन्टिङि खोना खाले चा बाधा उलिनि चा नुङ् खानिङा हिट्नागा नुलोक् चाट्ला मेट्टानुम्चिम्॥
ကြော်ငြာတွေ