तितास 3:1 - आठपहरिया

¹ तितास, बिस्‍वासिचिङा सासाक्‌चि हिट्‌नुङ् ओठेडोङ्‌चिगा उछिक्‌ङि वामा हिट्‌नुङ् हिट्‌नागा आग्‍याँकारि हिट्‌नुङ् सोरोक् नुगा टोॽवाचि चोक्‍मा टेयार लिमा कोन्‌युक् पिक्‍सा मिप्‍मा मेट्‌टुचि॥

तितास 3:1 ပူးပေါင်းရင်းမြစ်များ

मात्‌ति 22:21

हिट्‌नागाँ “कैसारङाना” ओलोडुए॥ हिट्‌नुङ् येसुङा हिट्‌नागा लोडुचे, “हिट्‌डे भोने रोमि सारकार कैसारङाना टेप्‍मा कैसार डोक् पिडानुम्, हिट्‌नुङ् माङ्‌हाङ्‌ङाना थोक्‌चि माङ्‌हाङ् पिडानुम्॥”

१ कोरिन्‌थि 15:58

हिड्‌नाड्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आचोगुम्‍ना बिस्‍वासङि निङ्‌ग्‍वा मिरिङे बोलियो लिसानिउङ् युङायाक्‍टानि॥ टाङ्‌बाङाना ओटोॽवा सोरोक् निङ्‌ग्‍वा पिडानुमुङ् चोगानुम्, पोङ्‌भोने खानिङा आचोगुम्‍ना सोब्‍बे थोक् उन्‌ङि खेरो खाट्‌निना नुङ् खानिलाउङ्‌सा ठाहा युङ्‌ग्‍वा॥

एफिसि 2:10

माङ्‌हाङ्‌ङा आनि आचोगाना ए॥ खिरिस्‍ट येसुलोक् आनिना साम्‍बान्‍धा लिसानाँ, आनि चोलाङि नुना टोॽवा चोक्‍मा लाउङ्‌सा ओछोङ्‌ग्‍वाट् चोला आनि टोगुएसुम्‍मे॥ आनि हिट्‌नागा नुगा टोॽवा चोगुम् नुङ् माङ्‌हाङ्‌ङा पाइले डोक् टेयार चोगुएसुना॥

फिलिप्‌पि 1:11

हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

कालास्‌सि 1:10

खानिङा टाङ्‌बाङाना उनिङ्‌ग्‍वा टाना चोला गाड्‌डे चोगानिउङ् सोरोक् उन् हारका चोगानुम् नुङ् आन्‍याँ बिन्‌टि ठाङ्‌सुम्‍टुम्‍मा॥ हिट्‌नुङ् खानि चोलाङा सोब्‍बे नुगा टोॽवा हिट्‌नुङ् माङ्‌हाङ् आझै नुलोक् मिसेन् आनिसुम्‍टुम्॥

१ तिमोथि 2:2

हिट्‌नुङ् हाङ्‌बाचि लोक् आरु सोब्‍बे सासाक्‌चि लोङ्‌सा बिन्‌टि ठाङ्‌सानुम्, हिट्‌डेउङ् आनि ढुक्‍का हिट्‌नुङ् हाङ्‌हाङ् लिसिउङ् सोब्‍बे बेला माङ्‌हाङ्‌ङि भाक्‌टि ठाक्‍सा लोक् सेङ्‌सेङ् लिसिउङ् हिङ्‌मा हिडिटि॥

१ तिमोथि 4:6

खान्‍ङा नागा रिङ्‌चि बिस्‍वासिचि आहिसिक्‍टुचे भोने खान् खिरिस्‍ट येसुङाना नुना सेवा काचोक्‍बा आलियुक्॥ खान्‍ङा पालान् आचोगुना बिस्‍वास लोक् नुना हिसिक्‍माङि डोक् खान् आपोए नुङ् ना रिङ्‌ङा डोक् मानिमेट्‌युक्॥

१ तिमोथि 5:10

हिट्‌नुङ् हिट्‌नाम्‍बाक् ओचेट्‌नु टोॽवा चोगुङ् उनिङ् मुक्‍टाना, नाड्‌डेडोक् आप्‍पे उइछाचि ओचेट्‌नुलोक् पुयुचिगा, ओटागा याप्‌मिचि ओचेट्‌नुलोक् काचोक्‍बा, माङ्‌हाङ् ओयाप्‌मिचिगा लाङ् वासिडुबिडुचिउङ् सेवा काचोक्‍बा, हिट्‌नुङ् याङ्‌छामाङि ओठायागा लोङ्‌सा घुवार काफाबा, हिट्‌नुङ् सोब्‍बे पारागा नुना टोॽवाङि एडोक् निङ्‌गुवा कापिबा मेन्‍झेमा लिमा कोन्‌युक्॥

२ तिमोथि 1:6

हिट्‌डेउङ् आङा हिट्‌ना रिङ् मिट्‌टु नुङ् लोनाँ, आङा खान् उठुङ्‌ङि आमुक् युङ्‌सुङुङ् खान्‍ङा आटोगुना माङ्‌हाङ्‌ङा मापिडाना बारदान आहिदुलोक् चालाँ चोगु॥

२ तिमोथि 2:14

नागा रिङ् बिस्‍वासिचिङा उमिट्‌टुवाक् नुङ् लोडुचि॥ रिङ्-रिङ्‌ङि खेमागोम्‍मा टोॽवा चोक्‍नेनिन् पिक्‍सा टाङ्‌बा उनिङ्‌ङि ओछेक्‍छेक् चोगुचि॥ नाड्‌डेगा रिङ्‌ङि खेमाबुङ्‌मा होप्‍मा बिथाँङि एरोक् लियुक्, टरो नाड्‌डेगा रिङ्‌ङा काखेम्‍बा याप्‌मिचिगा निङ्‌ग्‍वा एरोक् रोक्‍टुटु॥

२ तिमोथि 2:21

हिट्‌नुङ् याप्‌मिङा आप्‍पेलोङ्‌सा ओचाफेन्‍ना टोॽवालाम्‍मा सुद्‌दो चोगुटु भोने हिट्‌नाम्‍बाक् नुगा थोक्‌चि युङ्‌मा लोङ्‌सा चालाँ चोक्‍बालाक् भाँडा बारतान गाड्‌डेना डोक् लियुक्॥ हिट्‌नुङ् हिट्‌नाँ आप्‍पेलोङ्‌सा चोखो युङ्‌सुङ् पाङ्‌डाङ्‌बा लोङ्‌सा सोब्‍बे पारिक्‍ङाना नुना टोॽवाङि टेयार लियुक्॥

तितास 1:16

हिट्‌नागाँ माङ्‌हाङ् मिसेन् निसुएसुम्‍मे पिक्‍साम्‍बाक् ओमाट्‌टुगा, टरो उन्‌चि टोॽवा लाम्‍माम्‍बाक् माङ्‌हाङ् बिरोध ओचोगुना॥ हिट्‌नागा चिम्‍मा फुट्‌टुम्‌चिम्‍गा, रिङ् ओखेम्‌निगा हिट्‌नुङ् हिट्‌नागा खोना चा नुना टोॽवा चोक्‍मा काहिबा ओवाइगा॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

तितास 3:14

आनि याप्‌मिचिङा खेरोक् डोक् उन्‌चि चोला खेरो उटिसुन्॥ आनि याप्‌मिचि ओचेट्‌नुना टोॽवा चोक्‍मा लोङ्‌सा सिकाँ उलि हिट्‌नुङ् टुल्‍फुल केङ्‌मा उहिडुन्‍गा उलिनि चा॥

तितास 3:8

ना छेम्‍बाना रिङ् ए॥ माङ्‌हाङ्‌ङि बिस्‍वास काचोक्‌चि टेप्‍माङा नुना टोॽवा चोक्‍मा लोङ्‌सा निङ्‌ग्‍वा उपिडु नुङ् खान्‍ङा नागा रिङ्‌ङि जोड पिडु नुङ् आङा खान् लोनाँ॥ नाड्‌डेगा रिङ्‌चि चोक्‍मा याप्‌मिचि लोङ्‌सा आड्‌डिक् ओचेट्‌नुना हिट्‌नुङ् घुवार आफाना रिङ् ए॥

२ पाटरुस 1:12

खानिङा नागा रिङ् पाइले डोक् ठाहा आटोगुएसुम्‍मे हिट्‌नुङ् खानि माहिसिक्‌टिना छेम्‍बाना रिङ्‌ङि बोल्‍लेउ आलिसिएसिए, टरो चा खानिङा नागा रिङ् सोरोक् मिट्‌टानुम् नुङ् आङा लोनाँनि॥

याहुदा 1:5

खानिङा नागा सोब्‍बे रिङ् पाइले डोक् ठाहा आटोगुम्‍चा, हाट्‌ले टाङ्‌बाङा ओयाप्‌मिचि मिस्‍रा देसलाम्‍मा होट्‌टुचिउङ् आप्‍टुचिगा रिङ् मिट्‌टानुम् नुङ् खानि लोनाँनि, टरो बिस्‍वास ओचोग्‍वाट्‌टुन्‍गा लाउङ्‌सा हान्‍डेङ् उन्‍ङा जाखाम् चोगुचे॥