तितास 2:8 - आठपहरिया

⁸ खान्‍ङा छेम्‍बाना रिङ् हिसिक्‍टुचि, हिट्‌डेउङ् खान् याप्‌मिचिङा पाक्‍चा लोमा माहिनिना॥ हिट्‌डेउङ् आनि एङ्‌फुट्‌ङि ओकोब्‍गा याप्‌मिचि आनि लोङ्‌सा ओचाफेन्‍ना रिङ् लोमाना पाक्‍चा लिनिउङ् हिट्‌नागा आप्‍पे घान्‌ङि ओठायुक्॥

तितास 2:8 ပူးပေါင်းရင်းမြစ်များ

मारकुस 12:17

हिट्‌नुङ् येसुङा हिट्‌नागा लोडुचे, “हिट्‌डे भोने कैसारङाना टेप्‍मा कैसार डोक् पिडानुम्, हिट्‌नुङ् माङ्‌हाङ्‌ङाना थोक्‌चि माङ्‌हाङ् पिडानुम्॥” येसुङा माट्‌टुना रिङ् ओखेम्‍सुङ् हिट्‌नागा आड्‌डिक् डोङ् ओठोङ्‌डे॥

मारकुस 12:28

हिट्‌नि धारमाबिधि काहिसिक्‍बाचि माड्‌डे ठिबाङ् याप्‌मिङा येसु लोक् सादुकि याप्‌मिचि बादबिबाद ओचोगेट्‌टागा रिङ् खेम्‍सुए॥ येसुङा याप्‌मिचि निङ्‌ग्‍वा टाना रिङ् लोडुचिगा निसुङ् हिट्‌नाँ उन् सिलाप्‍टुए, “आडाङ्‌बा, मोसाङा छेप्‍टुना धारमाबिधिङि सोब्‍बे नुङ्‌ना ठेना आग्‍याँम्‍बाक् खोना टे?”

मारकुस 12:32

हिट्‌ना धारमाबिधि काहिसिक्‍बाङा येसु लोडुए, “आडाङ्‌बा, खान्‍ङा छेम्‍बाना रिङ् डोक् आमाट्‌टुए, माङ्‌हाङ् ठिक् एना, उन् माले आरको माङ्‌हाङ् वाइना॥

मारकुस 12:34

हिट्‌नुङ् हिट्‌नाङा नुना ओठोनालाम्‍मा माट्‌टुना खेम्‍सुङ् येसुङा हिट्‌ना लोडुए, “खान् माङ्‌हाङ् उमुलुक्‌लाम्‍मा लाप्‍माङ् आवाइना॥” हिट्‌ना बेलालाम्‍मा साङा चा आरु रिङ् येसु सिलाप्‍माना निङ्‌ग्‍वा चोक्‍मा उहिडुवाट्‌टुन्॥

लुका 13:17

येसुङा ना रिङ् माट्‌टुनाँ सोब्‍बे ओसाट्‌टुरचि ओमोन्‍डासिए, टरो उन्‍ङा डोङ् ठोङ्‌डिना टोॽवा चोगुनाँ सोब्‍बे याप्‌मिचिगा उन्‌चि चाप् टाए॥

२ थेसालोनिकि 3:14

खानिङि कोइङा ना चिट्‌ठिङि छेप्‍टुम्‍माना रिङ् पालान् चोक्‍मा टेन्‌निना भोने, हिट्‌ना साइना नुङ् मिसेन् निसानुम्, हिट्‌नुङ् हिट्‌ना खेम्‍गेन्‍डोक् लाप्‍नेनुम्, हिट्‌नाड्‌डेउङ् हिट्‌ना आप्‍पे मोन्‌युसियुक्॥

१ तिमोथि 5:14

नाड्‌डेउङ् कायेप्‍मा लाङ्‌लेप्‍माचि भ्‍या उलियाक्, उन्‌चि छालेट्‌चि उलियाक्, आप्‍पे उन्‌चि पाङ्‌ठाङ् ओचोगुजो नुङ् साल्‍लाह पिडुचि॥ हिट्‌नुङ् साट्‌टुरचि आनि बिरोधङि पाक्‍चा चेक्‍मा उहिनिगा॥

१ तिमोथि 6:3

कोइङा माङ्‌जोना रिङ् हिसिक्‍टुचिचि भोने, हिट्‌नुङ् हिट्‌ना आनि टाङ्‌बा येसु खिरिस्‍टङाना छेम्‍बाना हिसिक्‍माङि हिट्‌नुङ् माङ्‌हाङ् भाक्‌ति चोक्‍माना चोलाङाना हिसिक्‍माङि टेन्‌निना,

तितास 3:14

आनि याप्‌मिचिङा खेरोक् डोक् उन्‌चि चोला खेरो उटिसुन्॥ आनि याप्‌मिचि ओचेट्‌नुना टोॽवा चोक्‍मा लोङ्‌सा सिकाँ उलि हिट्‌नुङ् टुल्‍फुल केङ्‌मा उहिडुन्‍गा उलिनि चा॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 2:15

मुरखा याप्‌मिचिङा बुजा डोक् मिचोक्‍ङे ओमाट्‌टुगा रिङ् खानिगा नुना टोॽवाङा स्‍वाक् चोगुम् नुङ् माङ्‌हाङ्‌ङाना उनिङ्‌ग्‍वा युङ्‌ग्‍वा॥

१ पाटरुस 3:16

हिट्‌ना आसा बारेङि मेयोक् लिसानिउङ् याप्‌मिचि मान् चोक्‍सा लोडानुम्‌चिम्॥ खानि मिप्‍माना बोल् सेङ्‌सेङ् युङ्‌सानुम्॥ हिड्‌नाड्‌डेउङ् खिरिस्‍टङि खोड्‌डे पारिक् नुना चोलाङि आयुङिएसेगा हिट्‌ना रिङ् उनिसुङ् खानि बिरुद्‌दाङि ओचेक्‍गा आप्‍पे ओमोन्‌युसियुक्॥