तितास 2:4 - आठपहरिया

⁴ हिट्‌नुङ् एरोक् नागा मासिङ् मेन्‍झेमाचिङा कायेप्‍मा मेच्‍छेमाचिलोङ्‌सा खानि टालिबाङ् हिट्‌नुङ् छाचि माया चोगानुम्‌चिम्,

तितास 2:4 ပူးပေါင်းရင်းမြစ်များ

१ तिमोथि 5:11

टरो कायेप्‍मा लाङ्‌मेप्‍माचि ओवाहेट् भोने लाङ्‌मेप्‍मा नुङ् निङ् छेप्‍टुन्‌बिडुन्‌चिन्, पोङ्‌भोने हिट्‌नागा खिरिस्‍टङि भाक्‌टि चोक्‍मा ओसाट्‌टोङि जोम् उन्‌चि निङ्‌ग्‍वा छोम्‍बोक् लियुकाट्‌युङ् फेरि भ्‍या लिमालोङ्‌सा निङ्‌ग्‍वा ओचोगुटु॥

१ तिमोथि 5:14

नाड्‌डेउङ् कायेप्‍मा लाङ्‌लेप्‍माचि भ्‍या उलियाक्, उन्‌चि छालेट्‌चि उलियाक्, आप्‍पे उन्‌चि पाङ्‌ठाङ् ओचोगुजो नुङ् साल्‍लाह पिडुचि॥ हिट्‌नुङ् साट्‌टुरचि आनि बिरोधङि पाक्‍चा चेक्‍मा उहिनिगा॥

१ तिमोथि 5:2

मासिङ् उलिसागा मेन्‍झेमाचि आप्‍पे मामा गाड्‌डे डोक् हिट्‌नुङ् कायेप्‍माचि आड्‌डिक् चोखो निङ्‌ग्‍वाङि आप्‍पे झान्‍झाचि गाड्‌डे डोक् चाट्‌ला मेट्‌टुचि॥

तितास 2:3

नाड्‌डेडोक् मासिङ्‌चि धारमोति चोलाङिना लाम्‍बोङि ओलाम्‌टियाक्, आरु खेडोक्‌बाक् ओचाफेन्‍गा ओलोडुन्‌चिन् हिट्‌नुङ् याप्‍मा युमालिङ् ठुङ्‌मा लिनिना पिक्‍सा हिसिक्‍टुचि॥ टरो हिट्‌नागाँ नुना खाबोर एडोक् याप्‌मिचि उहिसिक्‍टुचियाक्॥

तितास 2:5

हिट्‌नुङ् जोम् निङ्‌ग्‍वा कारिबा, चोखो, नुलोक् पाङ्‌ठाङ् कापुबा, लुक्‍मा काटुक्‍बा हिट्‌नुङ् खानि टालिबाङ्‌ङाना काबुङि युङानि पिक्‍सा हिसिक्‍मा उहिडुचिचि॥ हिट्‌डेउङ् साङा चा माङ्‌हाङ् उरिङ् बारेङि माङ्‌जोना रिङ् ओचेक्‌निगा॥