रोमि 9:32 - आठपहरिया

³² पोङ् हिट्‌नागा धारमोति लिमा उहिनेट्‌निगा टे? पोङ्‌भोने हिट्‌नागाँ आप्‍पे उन्‌चि टोॽवालाम्‍मा धारमोति लिमा उइट्‌टुए, टरो बिस्‍वासलाम्‍मा धारमोति लिमा हिट्‌नागाँ ओकोलुवाट्‌टुन्॥ हिट्‌नुङ् हिट्‌नागा लाउङ्‌सा खिरिस्‍टउम्‍बाक् लाम्‍बोङि टोक्‌टिना लिङ्‌गेॽवा गाड्‌डे डोक् लिसे॥

रोमि 9:32 ပူးပေါင်းရင်းမြစ်များ

मात्‌ति 13:57

हिट्‌नुङ् हिट्‌नागाँ उरिङ् खेम्‍मा निङ्‌ग्‍वा ओटास्‍वाट्‌टुन्॥ टरो येसुङा हिट्‌नागा लोडुचे, “माङ्‌काटा सोब्‍बेलेङ् याप्‌मिचिङा मान् ओचोगुना, टरो आप्‍पे उयुक्‍ताम्‌ङि हिट्‌नुङ् ओपाङ्‌ठाङ्‌ङिगा याप्‌मिचिङा मान् ओचोगुन्‍ना॥”

लुका 2:34

हिट्‌नुङ् सिमियोनङा उन्‌चि आसिक् पिडुचिउङ् ओओ उमा मारियाम लोडुए, “हाट्‌ले ना ओओलाम्‍मा जोम् इस्‍राएलि छोङ्‌चि ओमेग्‌याक् नुङ् हिट्‌नुङ् नुलोक् लिमाना लोङ्‌सा माङ्‌हाङ्‌ङा ना ओओ सेगुएसे॥ उन् डोक् माङ्‌हाङ्‌ङाना निमेट्‌मेमाना चिन्‍ना लियुक् हिट्‌नुङ् जोम् याप्‌मिचि ओओ बिरोधङि ओचेक्‌युक्॥

लुका 7:23

हिट्‌नुङ् आङाना कारानङा उन्‌चि निङ्‌ग्‍वा खोनालेङ् चा उरिसुन्‍गा लोङ्‌सा माङ्‌हाङ्‌ङा आसिक् पिडुचिचि॥”

रोमि 10:3

पोङ्‌भोने माङ्‌हाङ्‌ङा ओनाभाक्‌ङि याप्‌मिचि खोड्‌डेउङ् धारमोति चोगुचिगा हिट्‌ना रिङ् हिट्‌नागाँ ठाहा ओटोगुन्‍गा, हिट्‌नुङ् हिट्‌नागाँ धारमाबिधि पालान् ओचोगुङ् आप्‍पे धारमोति लिमा कोसिस ओचोगुएट्‌टु॥ हिट्‌डेउङ् माङ्‌हाङ्‌ङा याप्‌मिचि धारमोति चोगुचिगा लाम्‍बो हिट्‌नागाँ इन्‍कार ओचोगुटु॥

रोमि 11:11

हिट्‌नाडेउङ् आङा खानि सिलाप्‍नाँनि, पाक् याहुदिचि ओटोक्‍टानाँ फेरि कोप्‍मा उहिनिलोक् ओटोक्‍टाउङ् ओकोसेगि टे? हिट्‌डे माखाक्, हिट्‌नागा याहुदिचिङा बिस्‍वास ओचोग्‍वाट्‌टुन् नुङ् माङ्‌हाङ्‌ङा पानिछोङ्‌बाचि हिङुचे, हिट्‌नुङ् हिट्‌ना रिङ् डोक् हिट्‌नागा लाउङ्‌सा रेक् काप्‍माना रिङ् लियुक्॥

रोमि 4:16

नाड्‌डेउङ् ना चामारसिङा बिस्‍वासलाम्‍मा टायुक्॥ ना चामारसिङा माङ्‌हाङ्‌ङा आनि खेरोक् डोक् आपिडेसे॥ हिट्‌नुङ् ना चामारसिङा आब्‍राहामङागा ख्‍वाप्‍पा पुङ्‌लाचिगा लोङ्‌सा पाक्‍का चोगुएसुए॥ ना चामारसिङाम्‍बाक् धारमाबिधि पालान् काचोक्‌चि लोङ्‌सा एडोक् माखाक्, टरो आब्‍राहाम गाड्‌डे बिस्‍वास काचोक्‌चि ख्‍वाप्‍पा लोङ्‌सा चा ए, पोङ्‌भोने आब्‍राहामबाक् आनि सोब्‍बेङाना टुबाठेबा ए॥

१ कोरिन्‌थि 1:23

टरो आन्‍याँम्‍बाक् खाप्‍चेङि छुडाना खिरिस्‍टङाना खाबोर पारचार चोगुम्‍टुम्‍मा॥ याहुदिचिङा ना खाबोर लाड्‌मा चिम्‍मा उफुट्‌टुए, हिट्‌नुङ् पानिछोङ्‌बाचिङा ना खाबोर काम लाहाब् लिनिना नुङ् उमिट्‌टुए॥

१ पाटरुस 2:6

धारमाछाप्‍लाङि नाड्‌डे छेप्‍टेसे– “पुयानुम्, आङा सेगुङ्‌ना याप्‍मा माहाङ्‌गो लुङ्‌गेॽवा यरुसलेमङि युङ्‌सुएसुङे॥ हिट्‌नुङ् उन्‌ङि बिस्‍वास काचोक्‍बा खोना बेला चा मोम्‍मासिमा कोन्‌निना॥”

१ पाटरुस 2:8

हिट्‌नुङ्, “ना डोक् याप्‌मिचि टोक्‌टिना लिङ्‌गेॽवा ए, हिट्‌नुङ् ना लिङ्‌गेॽवाङि डोक् याप्‍मा याप्‌मिचि ओठायुक्॥” हिट्‌नागा ओटोक्‌युक् पोङ्‌भोने हिट्‌नागाँ माङ्‌हाङ्‌ङाना रिङ् पालान् ओचोगुन्‍गा, नाउम्‍बाक् माङ्‌हाङ्‌ङा हिट्‌नागा लोङ्‌सा नाड्‌डे डोक् चोक्‍माना योजाना डाना॥