रोमि 9:30 - आठपहरिया30 हिट्डे भोने आन्याँ पाक् माट्टुम्माना टे? नाड्डे माप्मा हिडुम्टुम्, पानिछोङ्बाचिङा माङ्हाङ् सोरि धारमोति लिमा ओकोलुवाट्टुन्, टरो हिट्नागाँ बिस्वास ओचोगुनाँ माङ्हाङ्ङा हिट्नागा धारमोति चोगुचे॥ အခန်းကိုကြည့်ပါ။ |
रोमि 9:30
28 ပူးပေါင်းရင်းမြစ်များ
टरो आनि चोगुम्ना बिस्वासङा माङ्हाङ्ङि धारमोति लिसाना बारेङि धारमाछाप्लाङि नाड्डे छेप्टेसे, “माङ्हाङ् रिङ् खानि सोरि डोक् युङ्ग्वा, ना रिङ् डोक् खानि निङ्ग्वाङि युङ्ग्वा, हिट्नुङ् ना रिङ् खानि यासिलाम्मा डोक् आमाट्टुएटुम्॥” ना रिङ्म्बाक् मुक्तिङाना नुना खाबोर ए॥ हिड्नाडेउङ् खानि निङ्ग्वाङि नाड्डे माट्नेनुम्, “साक्उम्बाक् टोनालोग्ङि खिरिस्ट छेम्सिङा खाट्युङ् नाराङि उक्टुटुना?” पोङ्भोने खिरिस्ट पाइले डोक् यो उङ्सेसे॥ हिट्डेडोक् नाड्डे चा पिक्नेनिन्, “साक्उम्बाक् यो पातालङि खाट्युङ् उसियागा याप्मिचिलाम्मा खिरिस्ट काप्मा हिडुटुना?” पोङ्भोने खिरिस्ट पाइले डोक् उहिङ्ग्वाट् लिमा हिडेसे॥ हिट्नुङ् हाट्ले आन्याँ पारचार चोगुएट्टुम्माना बिस्वासङाना खाबोरम्बाक् खिरिस्ट ए॥
टरो आनिना ओचाफेन्ना चाट्लाङा माङ्हाङ्म्बाक् धारमि नुङ् आझै याप्मिचि पारचिन्दा ठेट्लोक् चोगुटु भोने, हाट्ले आन्याँ पाक् माट्टुम्माना टे? आनि याप्मि लिसिनाँ याप्मिङा निङ्ग्वा चोगु गाड्डे माङ्हाङ्ङा आनि साजाए पिमाम्बाक् उन्ङा नुना चोग्वाट्टुन् नुङ् माप्मा हिडुम्टुम्॥ टरो पाक् आनि हिड्डे माप्मा हिडुम्टुम्नि टे?
हिड्डेउङ् ना खातानाम्बाक् माङ्हाङ्ङा आब्राहाम धारमोति याप्मि नुङ् लाडुना रिङ्ङाना चिन्ना उन्ङा टोगुना ए, पोङ्भोने आब्राहामङा खाताना चोक्मा पाइले डोक् माङ्हाङ्ङि बिस्वास चोगुना डाना॥ नाड्डेउङ् आब्राहामम्बाक् माङ्हाङ्ङि बिस्वास ओचोगुगा सोब्बे याप्मिचिगा टुबाठेबा लिसे, हिट्नुङ् हिट्नागाँ खाताना ओचोगुन्चा माङ्हाङ्ङा धारमोति याप्मिचि नुङ् लाडुचे॥
आच्छो बेला माङ्हाङ्ङा आब्राहाम हिट्नुङ् उपुङ्लाचि ख्वाप्पा नाराङिना हाकवाला चोक्मा हिट्नागा चामारसिङा चोगुचे॥ आब्राहामङा धारमाबिधि पालान् चोगुनाँ माङ्हाङ्ङा चामारसिङा चोगुना माखाक्, टरो आब्राहामङा माङ्हाङ्ङि बिस्वास चोगुनाँ माङ्हाङ्ङा उन् चामारसिङा चोगुए हिट्नुङ् माङ्हाङ्ङा उन् धारमोति याप्मि नुङ् लाडुए॥
आन्याँ याप्मिलोडा: ना आसिक्उम्बाक् पाक् खाताना काचोक् याहुदिचि लोङ्सा एडोक् इ? आथाबा खाताना ओचोक्निगा पानिछोङ्बाचि लाउङ्सा चा इ? पोङ्भोने आब्राहामङा माङ्हाङ् बिस्वास चोगुए हिट्नुङ् उन्ङा चोगुना बिस्वासङा माङ्हाङ्ङा उन् धारमोति याप्मि नुङ् लाडुना रिङ् आन्याँ पाइले डोक् माट्टुएसुम्मे॥
टरो खोना चा याप्मि धारमाबिधि पालान् चोगुङ् धारमोति लिनिना नुङ् आन्याँलाउङ्सा ठाहा युङ्ग्वा, टरो खिरिस्ट येसुङि बिस्वास काचोक्बा एरोक् माङ्हाङ्ङा धारमोति चोगुटु॥ नाड्डेउङ् खिरिस्टङि युङ्सुम्ना बिस्वासलाम्मा आनि धारमोति उलिसियाक् नुङ् डोक् खिरिस्ट येसुङि बिस्वास चोगुएसुम्मे, टरो धारमाबिधि पालान् चोगुमुङ् माखाक्, पोङ्भोने धारमाबिधि पालान् चोगुङ् खोना याप्मि चा धारमोति लिनिना॥
हिट्ना बेला खानिङा खिरिस्ट मिसेन् आनिनिम्गेट्निम्ना डाना, हिट्डेउङ् खानि माङ्हाङ्लाम्मा लाप्माङ् आवासिए॥ खानि माङ्हाङ्ङा सेगुचिगा इस्राइलि याप्मिचि गाड्डे आलिसिन्गेट्टिन्गा डागा॥ हिट्नुङ् माङ्हाङ्ङा हिट्नागा पिडुचिगा माङ्हुप्ङिना खोना चा चामारसिङाङि साहाभागि आलिसिन्गेट्टिन्गा डागा॥ ना नाराङि खानि माङ्हाङ् माले हिट्नुङ् आसा माले आयुङिए॥
बिस्वास चोगुङ् डोक् नोआङा ओजाहानचि चुवाङाना ओभोललाम्मा बाचाँ चोक्मा लाउङ्सा ठेना चुवाखोङ्डाङ् चोगुए॥ हिट्नुङ् नोआङा पाइले काइले चा लिनिगेट्निना रिङ् हाट्ले हान्डेङ् लियुक् नुङ् ओछेक्छेक् काचोक्बा माङ्हाङ्ङा लोडु गाड्डे उन् वासे॥ उन्ङा चोगुना बिस्वासङा डोक् हिट्ना बेला नाराङिगा ख्वाप्पा याप्मिचिङा गाल्ति ओचोगुए नुङ् पारमान् पिडुचे, हिट्नुङ् हिट्ना बिस्वासलाम्मा नोआ धारमोति याप्मि लिसे॥
ကြော်ငြာတွေ