रोमि 9:22 - आठपहरिया

²² हिट्‌डे पारा डोक् माङ्‌हाङ्‌ङा उन् लाउङ्‌सा ओयाग् लेप्‍मा कामेट् याप्‌मिचि लोक् जाखाम् लिमालाउङ्‌सा टेयार उलिसागा याप्‌मिचिलाउङ्‌सा उन्‍ङाना ओयाग् लोक् ओबोल् निमेट्‌मा निङ्‌ग्‍वा चोगुए, टरो हिट्‌ना साट्‌टोङि उन् आड्‌डिक् धैइरे चोगाउङ् हिट्‌नागा आङ्‌डुएसुचे॥

रोमि 9:22 ပူးပေါင်းရင်းမြစ်များ

रोमि 1:18

टोनालोग्‌ङिना माङ्‌हाङ्‌ङा उनिङ्‌ग्‍वा गाड्‌डे ओचोक्‌निगा हिट्‌नुङ् ओभेन्‍गा टोॽवा काचोक् सोब्‍बे याप्‌मिचि बिरुद्‌दाङि उकुन्‌जिरिॽवा पारकाट् चोगुएसुए॥ हिट्‌नागाँ ओचोगुना ओचाफेन्‍ना टोॽवाङा आरु याप्‌मिचिङा माङ्‌हाङ्‌ङाना बारेङि छेम्‍बाना रिङ् लाड्‌मा हिट्‌नागाँ ओछाक्‍टुएसुचे॥

रोमि 9:17

धारमाछाप्‍लाङि ठिबाङ् फारो हाङ्‌बा बारेङि नाड्‌डे छेप्‍टेसे, “खान् आङाना बोल् निमेट्‌मा हिट्‌नुङ् ख्‍वाप्‍पा नारा टेप् याप्‌मिचिङा आनिङ् पारचार चोक्‍माना उदेसेङा खान् आङा हाङ्‌बा चोक्‍नाना ए॥”

रोमि 9:20

टरो हाउ याप्‌मि, खान् साइना माङ्‌हाङ्‌ङा चोगुना रिङ् बिरोध काचोक्? खाम्‍ङाना भाँडाङा हिट्‌ना चोगुना याप्‌मि “पोङ् खान्‍ङा आङा नाड्‌डे पाराना याङ्आचोगेना” नुङ् लोडुटुनि टे?

रोमि 9:21

कुमालेङा फोडुना खाम्‌लाम्‍मा उन्‍ङा निङ्‌ग्‍वा चोगु गाड्‌डेना भाँडा चोक्‍मा हिडुटु॥ हिट्‌ना फोडुना खाम्‌लाम्‍मा ठिक् ओचेट्‌नुना भाँडा चाडाबाडाङि चालाँ चोक्‍माउङ्‌सा चोक्‍मा हिडुटु भोने, हिट्‌ना खाम्‌लाम्‍मा डोक् आरको माङ्‌जोसिङ्‌जोना चा आरु थोक् युङ्‌मा लाउङ्‌सा चोक्‍मा हिडुटु॥

१ थेसालोनिकि 2:16

हिट्‌नागाँ आन्‍याँलाउङ्‌सा पानिछोङ्‌बाचि लाउङ्‌सा मुक्‌टि टोक्‍माना रिङ् पारचार चोक्‍मा याप्‌मि छाक्‍मा ओकोले॥ नाड्‌डे ओचोगुङ् हिट्‌नागाँ सोरोक् पाप चोक्‍सा ओखाडे॥ टरो आखेरिङि माङ्‌हाङ्‌ङाना ओरेक् हिट्‌नागा उठुङ्‌ङि ठाइसे॥

१ थेसालोनिकि 5:9

पोङ्‌भोने माङ्‌हाङ्‌ङा ओयाक् आनि उठुङ्‌ङि ठेम्‍मा लोङ्‌सा आनि आसेगाना माखाक्, टरो आनि टाङ्‌बा येसु खिरिस्‍टलाम्‍मा मुक्‌टि टोक्‍माउङ्‌सा आसेगाना॥

२ तिमोथि 2:20

वागाठागा लिसागा पाङ्‌ठाङ्‌ङि भाँडा बारतान साम्‍याङ् हिट्‌नुङ् रुपाकङागा एरोक् उलिनिगा, हिट्‌नि सिङ्‌ङागा हिट्‌नुङ् खाम्‍मागा चा उलियुक्॥ खोना खोना भाँडा बारतानम्‍बाक् मान् पिमा लोङ्‌सा चालाँ चोगुम्‍टुम् भोने, खोना खोनाम्‍बाक् लेप्‍टुम्‍गा थोक्‌चि युङ्‌मा लोङ्‌सा चालाँ चोगुम्‍टुम्॥

१ पाटरुस 2:8

हिट्‌नुङ्, “ना डोक् याप्‌मिचि टोक्‌टिना लिङ्‌गेॽवा ए, हिट्‌नुङ् ना लिङ्‌गेॽवाङि डोक् याप्‍मा याप्‌मिचि ओठायुक्॥” हिट्‌नागा ओटोक्‌युक् पोङ्‌भोने हिट्‌नागाँ माङ्‌हाङ्‌ङाना रिङ् पालान् ओचोगुन्‍गा, नाउम्‍बाक् माङ्‌हाङ्‌ङा हिट्‌नागा लोङ्‌सा नाड्‌डे डोक् चोक्‍माना योजाना डाना॥

१ पाटरुस 3:20

हिट्‌नागा हाङ्‌साचिम्‍बाक् नोआङा चुवाखोङ्‌डाङ् चोगुना बेला हिट्‌नागा काएल्-काबु उलियुक्‌गि नुङ् माङ्‌हाङ्‌ङा पाङ्‌सुचिगा हाङ्‌साचि ओडागा॥ टरो हिट्‌नागाँ माङ्‌हाङ् उरिङ् ओखेम्‍स्‍वाट्‌टुन्॥ चुवाखोङ्‌डाङ् भिट्‌रा उलिसागा याङ् जाना एरोक् चुवालाम्‍मा उहिङे॥

२ पाटरुस 2:3

नागा काहिसिक्‍बाचि आड्‌डिक् लोभिचि उलियुक्, हिट्‌नुङ् नागाँ माङ्‌जोगा छिॽवाक् मुन्‍डुम्‌चि मालोडिउङ् खानि मासुबिटि॥ माङ्‌हाङ्‌ङा पाइले डोक् हिट्‌नागा साजाए पिमा निङ्‌ग्‍वा चोक्‍मा हिडुएसुए, हिट्‌नुङ् हिट्‌नागा जाखाम् चोक्‍मा उन् ढिलो चोक्‌निना॥

२ पाटरुस 2:9

नाड्‌डेउङ् भाक्‌ति काचोक् याप्‌मि याङ्‌छामालाम्‍मा जोगाँ चोक्‍मा हिट्‌नुङ् ओभेन्‍गा याप्‌मिचि साजाए पिमा न्‍याए चोक्‍माना लेम्‍बा सोम्‍मा युङ्‌मा टाङ्‌बाङा निसुटु॥

२ पाटरुस 3:15

आनि टाङ्‌बाङा खानि पापलाम्‍मा हिङ्‌माना मौका मापिडिनाँ उन्‍ङा आम्‍टेप्‍मा धैइरे चोगेना हिट्‌ना रिङ् मुन्‍नेनुम्॥ आनि मायालु झान्‍झा पावालङा चा माङ्‌हाङ्‌लाम्‍मा टोगुना ठोनालाम्‍मा ना रिङ् डोक् खानिलोङ्‌सा छेप्‍टुए॥

याहुदा 1:4

आङा ना रिङ् माट्‌टुङ्‌टुङ् पोङ्‌भोने कोइ-कोइ याप्‌मिचि खानि माझाङि सोगोप् उलिगाइसे, हिट्‌नागाँ माङ्‌हाङ् डोक् मान् ओचोगुन्‍ना॥ हाट्‌ले माङ्‌हाङ्‌ङा आनि लुक्‍मा आटुक्‍टानाँ सोब्‍बे ओभेन्‍गा टोॽवा चोक्‍मा आनि आपिडाइसे नुङ् हिट्‌नागा उपिग्‍गा, हिट्‌नुङ् आनिना ठिबाङ् एना डाङ्‌बा हिट्‌नुङ् टाङ्‌बा येसु खिरिस्‍ट इन्‍कार ओचोगुना॥ याप्‍मा बारखा पाइले नागा याप्‌मिचि फाट्‌टुर ओलाबुचिगा रिङ् धारमाछाप्‍लाङि छेप्‍टेसे॥