रोमि 9:20 - आठपहरिया

²⁰ टरो हाउ याप्‌मि, खान् साइना माङ्‌हाङ्‌ङा चोगुना रिङ् बिरोध काचोक्? खाम्‍ङाना भाँडाङा हिट्‌ना चोगुना याप्‌मि “पोङ् खान्‍ङा आङा नाड्‌डे पाराना याङ्आचोगेना” नुङ् लोडुटुनि टे?

रोमि 9:20 ပူးပေါင်းရင်းမြစ်များ

मात्‌ति 20:15

पाक् आङा आप्‍पे आपैसा आनिङ्‌ग्‍वा लोसागा पिमाचिगा आधिकार वाइना इ? पाक् आङा आरु लुक्‍मा टुक्‍टुङ्‌चिङ्‌नाँ कामिक् टुगेनि?’”

लुका 12:14

हिट्‌नुङ् येसुङा हिट्‌ना लोडुए, “हाउ साइबा, साङा खान्‌चि माक्‍फेन्‍सुबेन् काहाम्‍बा याप्‌मि नुङ् याङ्ओचोगेना आथाबा न्‍याए काचोक्‍बा याप्‌मि लिसाङेना?”

रोमि 14:4

आरुङाना चाकारलाउङ्‌सा फाट्‌टुर कालाब् खान् साइना? हिट्‌नाङा नुना टोॽवा चोगुएट्‌टुनि, ओचाफेन्‍ना टोॽवा चोगुएट्‌टुनि ओडाङ्‌बाङा डोक् फैसाला चोगुटु॥ हिट्‌नुङ् हिट्‌नाङा ओडाङ्‌बा ओचेट्‌नुलोक् सेवा चोगुटु, पोङ्‌भोने टाङ्‌बाङा डोक् हिट्‌डे चोक्‍मा हिट्‌ना घुवार फाडुटु॥

रोमि 2:1

हाउ आसाइबाचि, खानिङा आरु फाट्‌टुर लाब्‍मा हिडुम्‌चिम्‌चिम्‍मा नुङ् आमिट्‌टिटि होला, टरो खानि जोसुकै आलिसि चा, खानि लाउङ्‌सा पाक्‍चा माप्‍माना रिङ् वाइना॥ जब खान्‍ङा आरु न्‍याए आचोगुचिचि, खान्‍ङा आप्‍पेलाउङ्‌सा चा न्‍याए आचोगुटु, पोङ्‌भोने खान्‍ङा चा हिट्‌नागाँ ओचोगुना रिङ् डोक् आचोगुटु॥

रोमि 2:3

हिट्‌डेउङ् खानिङा हिट्‌ड्‌डेना टोॽवा ओचोग्‍गा याप्‌मिचि न्‍याए आचोगुम्‌चिम्‍गा, हिट्‌नुङ् खानि आप्‍पेङा चा हिट्‌ना टोॽवा डोक् आचोगुम्‍टुम् भोने, पाक् माङ्‌हाङ्‌ङा साजाए आपिनिना नुङ् खानि आमिट्‌टिटिगि?

रोमि 9:21

कुमालेङा फोडुना खाम्‌लाम्‍मा उन्‍ङा निङ्‌ग्‍वा चोगु गाड्‌डेना भाँडा चोक्‍मा हिडुटु॥ हिट्‌ना फोडुना खाम्‌लाम्‍मा ठिक् ओचेट्‌नुना भाँडा चाडाबाडाङि चालाँ चोक्‍माउङ्‌सा चोक्‍मा हिडुटु भोने, हिट्‌ना खाम्‌लाम्‍मा डोक् आरको माङ्‌जोसिङ्‌जोना चा आरु थोक् युङ्‌मा लाउङ्‌सा चोक्‍मा हिडुटु॥

रोमि 9:22

हिट्‌डे पारा डोक् माङ्‌हाङ्‌ङा उन् लाउङ्‌सा ओयाग् लेप्‍मा कामेट् याप्‌मिचि लोक् जाखाम् लिमालाउङ्‌सा टेयार उलिसागा याप्‌मिचिलाउङ्‌सा उन्‍ङाना ओयाग् लोक् ओबोल् निमेट्‌मा निङ्‌ग्‍वा चोगुए, टरो हिट्‌ना साट्‌टोङि उन् आड्‌डिक् धैइरे चोगाउङ् हिट्‌नागा आङ्‌डुएसुचे॥

१ कोरिन्‌थि 1:20

खोलो, ठोना उलिसागा याप्‌मि खोनि ओवाहेट्‌गा? खोलो धारमाबिधि काहिसिक्‍बाचि? ना जुगङि ओचाप्‍पाङ्‌लोक् ओचेक्‍गा याप्‌मिचि खोलो टे? माङ्‌हाङ्‌ङा नाराङिगा ठोना खेडोक् लिसा गाड्‌डे डोक् चोगुए॥

१ कोरिन्‌थि 7:16

पोङ्‌भोने खान् बिस्‍वासि टालिमाङ्‌ङा बिस्‍वास चोगुन्‍गेट्‌टुन्‍ना कायेम्‍बेछा लोक् एक्‍केउ आयुङे भोने, माङ्‌हाङ्‌ङा बाचाँ चोगुना रिङ् खान्‍ङा ठाहा आटोगुन्‍ना॥ हिट्‌नाड्‌डे डोक् खान् बिस्‍वासि येम्‍बेछाङा बिस्‍वास चोगुन्‍गेट्‌टुन्‍ना काटालिमाङ् टाङ्‌बाङि बिस्‍वास चोक्‍मा घुवार फामा आहिडुटु॥

१ तिमोथि 6:5

हिट्‌नुङ् याप्‌मिचिगा माझाङि खेमाबुङ्‌मा एडोक् होट्‌टुटु॥ हिट्‌नागाँगा उन्‌चि ठोना मासाइसे हिट्‌नुङ् छेम्‍बाना रिङ् ओनाडुएसुए, हिट्‌नुङ् माङ्‌हाङ्‌ङाना बारेङि हिसिक्‍माम्‍बाक् ओफाबा कामाँ चोक्‍माना ओचेट्‌नुना लाम्‍बो नुङ् हिट्‌नागाँ उमिट्‌टुगा॥

२ तिमोथि 2:20

वागाठागा लिसागा पाङ्‌ठाङ्‌ङि भाँडा बारतान साम्‍याङ् हिट्‌नुङ् रुपाकङागा एरोक् उलिनिगा, हिट्‌नि सिङ्‌ङागा हिट्‌नुङ् खाम्‍मागा चा उलियुक्॥ खोना खोना भाँडा बारतानम्‍बाक् मान् पिमा लोङ्‌सा चालाँ चोगुम्‍टुम् भोने, खोना खोनाम्‍बाक् लेप्‍टुम्‍गा थोक्‌चि युङ्‌मा लोङ्‌सा चालाँ चोगुम्‍टुम्॥

तितास 2:9

कामाराचिङा चा उन्‌चि डाङ्‌बाङा ओलोडुचिगा रिङ् ओखेम्‍सुङ् उन्‌चि डाङ्‌बालोङ्‌सा सोब्‍बे थोक्‌ङि हारका लिसिना टोॽवा ओचोगुवाक्, हिट्‌नुङ् हिट्‌नागा जोबाजोबा ओकाड्‌नि चा॥

याकुब 2:20

ठोनाबा याप्‌मिचि, पाक् टोॽवा मालेना बिस्‍वास खेडोक्‍ना लियुक् नुङ् खानिङा पुमा आकोलुम्‍टुम्‌नि?