रोमि 9:11 - आठपहरिया

^11-13 टरो नागाचि केप्‍छेरेक् ओओचि पोङ्‌मा पाइले हिट्‌नुङ् हिट्‌नागाचिङा ओचेट्‌नुना टोॽवा आथाबा ओचाफेन्‍ना टोॽवा चोक्‍मा पाइले डोक् माङ्‌हाङ्‌ङा रिबेका लोडुए, “तुम्‍सामिङा योङ्‌बिछाङाना सेवा चोगुटु॥” धारमाछाप्‍लाङि नाड्‌डे छेप्‌टि गाड्‌डे, “आङा याकुब माया चोगुङ्‌ङे, टरो एसाबम्‍बाक् चिम्‍माफुट्‌टुङ्‌ङे॥” हिट्‌नाडेउङ् माङ्‌हाङ्‌ङा खोना चा याप्‌मि उन्‌चि टोॽवा पुयुङ् सेगुन्‌चिन्‍गा, टरो माङ्‌हाङ्‌ङा आप्‍पे उनिङ्‌ग्‍वा गाड्‌डे सेगुचिचि नुङ् उन्‍ङा पाक्‍का चोगुए॥

रोमि 9:11 ပူးပေါင်းရင်းမြစ်များ

रोमि 4:17

पोङ्‌भोने नाड्‌डे चा माङ्‌हाङ्‌ङा उन् लोडुए, “आङा खान् जोम् याप्‌मिचिगा टुबाठेबा चोक्‍नाइने॥” आब्‍राहामङा माङ्‌हाङ्‌ङि बिस्‍वास चोगुए, हिट्‌नुङ् माङ्‌हाङ्‌ङाना ओनाभाक्‌ङि उन् आनि सोब्‍बेङाना पाबा लिसे॥ माङ्‌हाङ्‌ङा डोक् उसियागा चा उहिङ्‌ग्‍वाट् चोगुचिचि, हिट्‌नुङ् सिरिस्‌टि डोक् उलिनिगेट्‌निगा थोक्‌चि चा माट्‌टुङ् डोक् सिरिस्‌टि चोगुटु॥

एफिसि 2:3

ठिक् बेला आनि सोब्‍बे चा हिट्‌नागा गाड्‌डे डोक् आनि येम्‌ङा कोलुगा ओभेन्‍गा थोक्‌चि हिट्‌नुङ् आनि निङ्‌ग्‍वाङा चोक्‍मा आमेट्‌टाना रिङ्‌चि चोक्‍सा वासिगा डागा॥ आनिलोक् माङ्‌हाङ्‌ङाना ओयाक् लेडे हिट्‌नुङ् आरु याप्‌मिचि साजाए पिडुचि गाड्‌डे आनि चा साजाए आपिडालाबाना डाना॥

एफिसि 2:9

माङ्‌हाङ्‌ङा खानिङा आचोगुम्‍ना टोॽवाङा माहिङिगा माखाक्, नाड्‌डेउङ् खोनाङा चा ठेलोक् चोक्‍माना रिङ् वाइना॥

एफिसि 3:11

नाम्‍टे माङ्‌हाङ्‌ङाना खोना बेला चा लाट्‌निना योजाना डाना, हिट्‌नुङ् ना रिङ् डोक् खिरिस्‍ट येसु आनि टाङ्‌बाङि उन्‍ङा युडुए॥

१ थेसालोनिकि 1:4

माङ्‌हाङ्‌ङा माया माचोगिगा भुम्‍बु-झान्‍झाचि हिट्‌नुङ् आनो-आन्‍झाचि, उन्‍ङा खानि मासेगिगा रिङ् आन्‍याँ ठाहा टोगुएसुम्‍मे,

१ थेसालोनिकि 2:12

हिट्‌नुङ् आन्‍याँ खानि आरति-उपादेस पिनाने, आँट् पिनाने, हिट्‌नुङ् आनुरोध चोक्‍नाने, हिट्‌डेउङ् खानि चाल चालान् माङ्‌हाङ्‌ङा निङ्‌ग्‍वा टासुना उलियाक्॥ हिट्‌नुङ् उन्‍ङा खानिलाउङ्‌सा उमुलुक्‌ङि हिट्‌नुङ् माहिमाङि माछेम्‌डिटि॥

२ तिमोथि 1:9

उन्‍ङा डोक् आनि आहिङ्‌ग्‍मेट्‌टाउङ् आप्‍पे उन्‍ङाना सेङ्‌सेङ्‌ना याप्‌मि लिमा आछेम्‍डे॥ आन्‍याँ चोगुम्‍माना टोॽवाङा माखाक्, टरो आप्‍पे उनिङ्‌ग्‍वा हिट्‌नुङ् ओमायादायाङा माङ्‌हाङ्‌ङा आनि आछेम्‍डे॥ ना मायादायाउम् टे नारा सिरिस्‌टि लिमा पाइले डोक् आनिलोङ्‌सा खिरिस्‍ट येसुलाम्‍मा आपिडाइसाना॥

तितास 3:5

हिट्‌नुङ् माङ्‌हाङ् ओदायाङा आनि आहिङ्‌मेट्‌टे टरो आनि आप्‍पेङा धारमिक् टोॽवा चोगुम्‍नाँ माखाक्॥ उन्‍ङा आनि ओछोङ्‌ग्‍वाट् चोला आपिडे हिट्‌नुङ् उन्‍ङा सेङ्‌सेङ्‌ना हाङ्‌सा आनि आपिडाउङ् आनिगा सोब्‍बे पापचि टुगुए हिट्‌नुङ् ओछोङ्‌ग्‍वाट् लाम्‍बोङि लाम्‌टिमाना बोल् आपिडे॥

१ पाटरुस 5:10

हिट्‌नुङ् जोम् मायादाया लिसाना माङ्‌हाङ्‌ङा खिरिस्‍टङि उन्‍ङाना लाट्‌निना माहिमा लाउङ्‌सा खानि माछेम्‌डिइसे॥ हिट्‌डेउङ् खानिङा होप्‍मो बेला सोम्‍मा याङ्‌छामा आआङ्‌डुमुङ् उन्‍ङा डोक् खानि फेरि ओछोङ्‌ग्‍वाट् माचोगिटि हिट्‌नुङ् घुवार माफाडिउङ् बोल्‍लेउ माचोगिटि॥

२ पाटरुस 1:10

हिड्‌नाड्‌डेउङ् भुम्‍बु-झान्‍झाचि हिट्‌नुङ् आनो-आन्‍झाचि, माङ्‌हाङ्‌ङा खानि माछेम्‌डिगा हिट्‌नुङ् मासेगिगा रिङ् छेम्‍बाना ए नुङ् निमेट्‌मा लाउङ्‌सा टुक्‍लोक् टोॽवा चोगानि, पोङ्‌भोने नाड्‌डेगा रिङ् खानिङा आचोगुम्‍टुम् भोने, खानि खोना बेला चा माङ्‌हाङ्‌लाम्‍मा लाप्‍माङ् आलिसिन्‍गा॥

पारकास 17:14

हिट्‌ना जिवाट् हिट्‌नुङ् ठिमेक् हाङ्‌बाचि माङ्‌हाङ्‌ङाना थुमा बिरुद्‌दाङि उचुङ्‌युक्, टरो थुमा लोक् उन् बिस्‍वास काचोक्‌चिङा हिट्‌नागा ओमेट्‌टुचिचि, पोङ्‌भोने उन् डाङ्‌बाचिगा टाङ्‌बा हिट्‌नुङ् हाङ्‌बाचिगा हाङ्‌बा ए॥ थुमालोक् उलिसागा बिस्‍वासिचिम्‍बाक् माङ्‌हाङ्‌ङा छेम्‍डुचिगा, सेगुचिगा हिट्‌नुङ् बिस्‍वासिलो उलिसाउङ् उन्‍ङाना सेवा काचोक् याप्‌मिचि ए॥”