रोमि 8:6 - आठपहरिया

⁶ जुन् याप्‌मिङा पाप चोक्‍माना रिङ्‌ङि निङ्‌ग्‍वा पिडुटु हिट्‌ना सिइना लाम्‍बोलेङ् खाट्‌टुटु, टरो जुन्‍ङा सेङ्‌सेङ्‌ना हाङ्‌साङि निङ्‌ग्‍वा पिडुटु हिट्‌नाँ लाट्‌निना चोला हिट्‌नुङ् हाङ्‌हाङ् टोगुटु॥

रोमि 8:6 ပူးပေါင်းရင်းမြစ်များ

युहान्‍ना 14:27

“आङा खानिलोङ्‌सा हाङ्‌हाङ् पिनाढानाँनि॥ आप्‍पे आङाना हाङ्‌हाङ् खानि पिनाँनि हिट्‌नुङ् नाराङा आपिना गाड्‌डेना हाङ्‌हाङ् माखाक्॥ खानि निङ्‌ग्‍वा टुक्‍नेनुम् हिट्‌नुङ् किट्‌नेनिन्॥

युहान्‍ना 14:6

येसुङा हिट्‌ना लोडुए, “लाम्‍बो, छेम्‍बा हिट्‌नुङ् चोला आङा डोक्॥ आङा माले आरु खोनालोक् चा पाबाङि खाप्‍मा हिनिना॥

युहान्‍ना 17:5

हाउ आप्‍पो, हाट्‌ले आङा खान्‍ङाना टोकाना सोरि हिट्‌ना माहिमा याङ्‌पिडा, जुन् माहिमा नारा उटुम् लिमा नुङ्‌ना पाइले खान्‌लोक् लिसाङ्‌नाँ आङालोक् डाना॥

रोमि 13:14

टरो टाङ्‌बा येसु खिरिस्‍टङाना ओचाट्‌ला आनि चोलाङि लाडुम्, हिट्‌नुङ् आनि पापि निङ्‌ग्‍वालाम्‍मा होन्‍ना ओचाफेन्‍ना रिङ् युमालेङ् निङ्‌ग्‍वा टिनिम्‍चा॥

रोमि 14:17

पोङ्‌भोने माङ्‌हाङ् उमुलुक् आनि चोलाङि चामाना हिट्‌नुङ् ठुङ्‌माना बारेङि माखाक्, टरो माङ्‌हाङ्‌ङाना धारमिक्‍ता, हाङ्‌हाङ् हिट्‌नुङ् आनान्‍दाङाना बारेङि ए, नाम्‍बाक् सेङ्‌सेङ्‌ना हाङ्‌साङा आनि आपियुक्॥

रोमि 5:1

नाड्‌डेउङ् आनि चोगुम्‍ना बिस्‍वासङा माङ्‌हाङ् सोरि आनि धारमोति लिसेसे॥ हिट्‌नुङ् आनि डाङ्‌बा येसु खिरिस्‍टङा चोगुनाँ माङ्‌हाङ्‌लोक् आनिना साम्‍बान्‍धा ओचेट्‌नुना लिसेसे॥

रोमि 5:10

पोङ्‌भोने आनि माङ्‌हाङ्‌ङाना ओसाट्‌टुर लिसिना बेला डोक् उन्‍ङा उइछा आनि लाउङ्‌सा सिमा पाङ्‌सुङ् आनि ओसाइबाचि आचोगेसे॥ छेम्‍बा डोक्, हाट्‌ले आनि ओसाइबाचि लिसिनाँ आनि उन्‍ङा उइछाङाना ओचोलालाम्‍मा आहिङ्‌युक्॥

रोमि 6:21

खानिङा पाइले आचोगुम्‍ना टोॽवालाम्‍मा खानिलाउङ्‌सा पाक् ओचेट्‌नुना लिसेना टे, हाट्‌ले हिट्‌नागालाम्‍मा डोक् खानि आमोन्‌डिसिएट्‌टि? हिट्‌नागा रिङ्‌ङा सिमाना रिङ् एडोक् टाडुटु हिट्‌नुङ् माङ्‌हाङ्‌लोक् खानि मासाम्‌डिटि॥

रोमि 6:23

पोङ्‌भोने पापङाना उनिमेयाक्म्‍बाक् सिमाना साजाए टोग्‍मा ए, टरो माङ्‌हाङ्‌ङा आपिडाना बाहुमुल्‍ये बारदानम्‍बाक् आनि डाङ्‌बा खिरिस्‍ट येसुङि लाट्‌निना चोला टोक्‍मा ए॥

रोमि 7:11

पोङ्‌भोने पापङा धारमाबिधिङाना फाइदा फोगुङ् आङा छालाँ याङ्‌चोगे, हिट्‌नुङ् हिट्‌ना धारमाबिधि पालान् चोगुङ् आहाङ्‌सा सेडुए॥

रोमि 7:5

पाइले आन्‍याँ येम्‌ङिना निङ्‌ग्‍वा गाड्‌डे चोगुमुङ् वासिङे, हिट्‌नुङ् धारमाबिधिङा ओचाफेन्‍गा रिङ् चोक्‍मा निङ्‌ग्‍वा पोसुए॥ हिट्‌डेउङ् आनिना नाड्‌डेना ओचाफेन्‍ना टोॽवाङा आनि सिमा कोन्‍ना लिसे हिट्‌नुङ् माङ्‌हाङ्‌लाम्‍मा लाप्‍माङ् लिसिए॥

रोमि 8:13

पोङ्‌भोने खानिङा पापलोक्‍ना निङ्‌ग्‍वाङा चोगु गाड्‌डे आचोगुम्‍टुम् भोने खानि आसिइटि॥ टरो सेङ्‌सेङ्‌ना हाङ्‌साङाना ओसाक्‌तिङा पापलोक्‍ना निङ्‌ग्‍वा आसेडुम्‍टुम् भोने, खानि उहिङ्‌ग्‍वाट् आलिसिटि॥

रोमि 8:27

हिट्‌नुङ् माङ्‌हाङ्‌ङा सोब्‍बे याप्‌मिचिगा निङ्‌ग्‍वा ठाहा टोगुटु, उन्‍ङा सेङ्‌सेङ्‌ना हाङ्‌साङा माट्‌टुना रिङ् पाइना हिट्‌ना उटुप् चा ठाहा टोगुटु॥ पोङ्‌भोने माङ्‌हाङ्‌ङाना उनिङ्‌ग्‍वा गाड्‌डे सेङ्‌सेङ्‌ना हाङ्‌साङा माङ्‌हाङ् ओयाप्‌मिचि लोङ्‌सा बिन्‌टि चोगुबिडुचिचि॥

रोमि 8:7

जुन् याप्‌मि पाप चोक्‍माना निङ्‌ग्‍वाङि वायुक् हिट्‌ना माङ्‌हाङ्‌ङाना बिरोधि लियुक्, पोङ्‌भोने हिट्‌नाँ माङ्‌हाङ्‌ङाना धारमाबिधि पालान् चोगुन्‍ना हिट्‌नुङ् चोक्‍मा चा हिडुन्‍ना॥

गालाति 5:22

टरो सेङ्‌सेङ्‌ना हाङ्‌साङा माट्‌टु गाड्‌डे काचोक्‍बा याप्‌मिङा नाड्‌डेगा टोॽवा चोगुटु, उन्‍ङा याप्‌मिचि माया चोगुचिचि, खुसि लियुक्, हाङ्‌हाङ् लियुक्, आङ्‌मा काहिबा लियुक्, याप्‌मिचि दाया चोगुचिचि, आरु नुलोक् मेट्‌टुचिचि, बिस्‍वासिलो लियुक्,

गालाति 6:8

जुन् याप्‌मिङा उनिङ्‌ग्‍वाङिना ओचाफेम्‍माना रिङ् चोक्‍मा एडोक् निङ्‌ग्‍वा पिडुटु, हिट्‌नाङा जाखाम् लिमाना रिङ् टाडुटु॥ टरो जुन्‍ङा सेङ्‌सेङ्‌ना हाङ्‌साङाना निङ्‌ग्‍वाङाना रिङ् चोगुटु, हिट्‌नाङा सेङ्‌सेङ्‌ना हाङ्‌सालाम्‍मा लाट्‌निना चोला टोगुटु॥