रोमि 8:4 - आठपहरिया

⁴ हाट्‌ले धारमाबिधिङा माट्‌टुगा रिङ् सोब्‍बे चोक्‍मा उहिडुम् नुङ् माङ्‌हाङ्‌ङा हिट्‌डे चोगुए, पोङ्‌भोने हाट्‌ले आनि आनिना पापि निङ्‌ग्‍वा गाड्‌डे वासिन्‍गा, टरो सेङ्‌सेङ्‌ना हाङ्‌साङा निङ्‌ग्‍वा चोगु गाड्‌डे वासिटि॥

रोमि 8:4 ပူးပေါင်းရင်းမြစ်များ

लुका 1:6

जाकारिया हिट्‌नुङ् एलिसिबा इप्‍पाङ् डोक् माङ्‌हाङ् ओटोकानाङि आड्‌डिक् धारमोति डाचिगा, हिट्‌नुङ् माङ्‌हाङ्‌ङाना ख्‍वाप्‍पा आग्‍याँचि हिट्‌नुङ् धारमाबिधिङिगा रिङ् मिमुन्‍ने खेम्‍सा उन्‍ङा लोडुचि गाड्‌डे डोक् नुलोक् वासाचे॥

रोमि 2:26

खाताना ओचोगुन्‍गा पानिछोङ्‌बाचिङा धारमाबिधि पालान् ओचोगुटु भोने, माङ्‌हाङ्‌ङा हिट्‌नागा खाताना उलिसागा गाड्‌डे डोक् मिट्‌टुचिचि॥

रोमि 3:31

पाक् बिस्‍वासङा ना धारमाबिधि बेकामे चोगुटु नुङ् खानि आमिट्‌टिटिगि? हिट्‌डे माखाक्, आन्‍याँ येसु खिरिस्‍टङि बिस्‍वास चोगुम्‍टुम्‍मा भोने, धारमाबिधि आझै काम लाहाब् लिना नुङ् आन्‍याँ बिस्‍वास चोगुम्‍टुम्‍मा॥

२ कोरिन्‌थि 10:2

आङा खानि सोरि आप्‍ङानाँ आबिस्‍वासि गाड्‌डे टोॽवा चोग्‍याँगा नुङ् आन्‍याँ याप्‌मिओलोगा माङ्‌जोगा रिङ् ओचेक्‍गालाउङ्‌सा हिडेट्‌निङ्‌ना रिङ् लोडुङ्‌चिङ् गाड्‌डे चोक्‍मा आङा कार याङ्‌मेट्‌नेनिन्॥

२ कोरिन्‌थि 10:3

पोङ्‌भोने आनि नाराङि युङि चा नाराङिगा याप्‌मिचि खेमाबुङ्‌मा ओचोग्‍गा गाड्‌डेम्‍बाक् चोगिन्‍गा॥

गालाति 5:16

हिड्‌नाडेउङ् आङा खानि लोनाँनि, सेङ्‌सेङ्‌ना हाङ्‌साङा मालोडि गाड्‌डे लाम्‌टियानि, हिट्‌नुङ्‌ना खानिना पापलोक्‍ना निङ्‌ग्‍वाङा चोक्‍मा कोलु गाड्‌डे ओचाफेम्‍मा टोॽवा आचोक्‌निम्‍ना॥

कालास्‌सि 1:22

टरो हाट्‌ले माङ्‌हाङ्‌ङा आप्‍पे उइछा याप्‌मि चोगुए, हिट्‌नुङ् उन् सियाउङ् खानि फेरि उन्‍ङाना माचोगिए, हिट्‌नाड्‌डेउङ् जब खानि माङ्‌हाङ्‌ङाना ओटोकानाङि आयेबिटि, उन्‍ङा खानि सेङ्‌सेङ्, चोखो हिट्‌नुङ् फाट्‌टुर मालेना माचोगिटि॥

हिब्‍रु 12:23

खानि टोनालोग्‌ङि निङ् छेप्‍बालाक् टुम्‍सामि छाचिगा छुम्‍माङि आटाइसे॥ खानि सोब्‍बे याप्‌मिचि न्‍याए काचोक्‍बा माङ्‌हाङ्‌ङि, हिट्‌नुङ् चोखो चोक्‍बालाक् धारमोति याप्‌मिचिगा छुम्‍माङि आटाइसे॥

१ युहान्‍ना 3:2

मायालु आसाइबाचि, हाट्‌लेम्‍बाक् आनि माङ्‌हाङ्‌ङाना खालाक् डोक् ए॥ हिट्‌नुङ् हान्‍डेङ् आनि पाक् गाड्‌डेना लिसिटिगा हिट्‌ना रिङ् आनि ठाहा टोग्‌निम्‍ना॥ टरो खिरिस्‍ट उङ्‌नाँ आनि चा उन् गाड्‌डे डोक् लिसिटि नुङ् ठाहा टोगुम्‍टुम्, पोङ्‌भोने उन् खोड्‌डेना वाहेट्‌ना हिड्‌नाडेना डोक् उन् निसुम्‍टुम्॥

याहुदा 1:24

माङ्‌हाङ्‌ङा पापङि ठामालाम्‍मा खानि जोगाँ चोक्‍मा माहिडिटि हिट्‌नुङ् उन्‍ङा खानि फाट्‌टुर माले हिट्‌नुङ् हारकालोक् उन्‍ङाना डोक् माहिमा सोरि खाप्‍मा माहिडिटिटि॥

पारकास 14:5

हिट्‌नागा याप्‌मिचि खोना बेला चा माङ्‌जो ओचेक्‍नेट्‌नि, हिट्‌नुङ् हिट्‌नागा फाट्‌टुर मालेगा ए॥