रोमि 8:13 - आठपहरिया

¹³ पोङ्‌भोने खानिङा पापलोक्‍ना निङ्‌ग्‍वाङा चोगु गाड्‌डे आचोगुम्‍टुम् भोने खानि आसिइटि॥ टरो सेङ्‌सेङ्‌ना हाङ्‌साङाना ओसाक्‌तिङा पापलोक्‍ना निङ्‌ग्‍वा आसेडुम्‍टुम् भोने, खानि उहिङ्‌ग्‍वाट् आलिसिटि॥

रोमि 8:13 ပူးပေါင်းရင်းမြစ်များ

रोमि 6:21

खानिङा पाइले आचोगुम्‍ना टोॽवालाम्‍मा खानिलाउङ्‌सा पाक् ओचेट्‌नुना लिसेना टे, हाट्‌ले हिट्‌नागालाम्‍मा डोक् खानि आमोन्‌डिसिएट्‌टि? हिट्‌नागा रिङ्‌ङा सिमाना रिङ् एडोक् टाडुटु हिट्‌नुङ् माङ्‌हाङ्‌लोक् खानि मासाम्‌डिटि॥

रोमि 6:23

पोङ्‌भोने पापङाना उनिमेयाक्म्‍बाक् सिमाना साजाए टोग्‍मा ए, टरो माङ्‌हाङ्‌ङा आपिडाना बाहुमुल्‍ये बारदानम्‍बाक् आनि डाङ्‌बा खिरिस्‍ट येसुङि लाट्‌निना चोला टोक्‍मा ए॥

रोमि 7:5

पाइले आन्‍याँ येम्‌ङिना निङ्‌ग्‍वा गाड्‌डे चोगुमुङ् वासिङे, हिट्‌नुङ् धारमाबिधिङा ओचाफेन्‍गा रिङ् चोक्‍मा निङ्‌ग्‍वा पोसुए॥ हिट्‌डेउङ् आनिना नाड्‌डेना ओचाफेन्‍ना टोॽवाङा आनि सिमा कोन्‍ना लिसे हिट्‌नुङ् माङ्‌हाङ्‌लाम्‍मा लाप्‍माङ् लिसिए॥

रोमि 8:12

हिट्‌नाडेउङ् आम्‍बु-आन्‍झाचि हिट्‌नुङ् आनो-आन्‍झाचि, पापलोक्‍ना निङ्‌ग्‍वाङा निङ्‌ग्‍वा चोगु गाड्‌डे चोक्‍मा डोक् कोन्‌युक् भोन्‍नेम्‍बाक् वाइना॥

१ कोरिन्‌थि 9:27

हिट्‌नुङ् आङा पाक् चोक्‍मा मिट्‌नाङाना हिट्‌ना चोक्‍मालाउङ्‌सा आयेम् साधाँ चोगुङ्‌टुङ्, आङा नाड्‌डे चोक्‍नेट्‌निङ् भोनेम्‍टे आरुलाउङ्‌सा नुना खाबोर पारचार चोगुङ्‌ना टोॽवाङाना पुरेस्‍कार टोक्‌निङ्‌ना॥

गालाति 5:24

खिरिस्‍ट येसुङि उलिगा याप्‌मिचि टेप्‍माङा उन्‌चि पापलोक्‍ना चोलालोक् ओभेन्‍गा निङ्‌ग्‍वा चा खाप्‍चेङि ओसेडुटु॥

गालाति 6:8

जुन् याप्‌मिङा उनिङ्‌ग्‍वाङिना ओचाफेम्‍माना रिङ् चोक्‍मा एडोक् निङ्‌ग्‍वा पिडुटु, हिट्‌नाङा जाखाम् लिमाना रिङ् टाडुटु॥ टरो जुन्‍ङा सेङ्‌सेङ्‌ना हाङ्‌साङाना निङ्‌ग्‍वाङाना रिङ् चोगुटु, हिट्‌नाङा सेङ्‌सेङ्‌ना हाङ्‌सालाम्‍मा लाट्‌निना चोला टोगुटु॥

एफिसि 4:22

हिट्‌डेउङ् पाइलेना खानिगा उचाफेम्‍मा चाट्‌लाङा खानि जाखाम् माचोगिट्‌टि हिट्‌नुङ् ना पाइलेना चोलालोक् नाहिगा ख्‍वाप्‍पा ओचाफेन्‍गा रिङ्‌चि नामा कोन्‌युक् नुङ् खानिङा सिकाँ आलिसेसिए॥

एफिसि 4:30

माङ्‌हाङ्‌ङाना सेङ्‌सेङ्‌ना हाङ्‌सा दुखे चाट्‌नेनुम्, पोङ्‌भोने सेङ्‌सेङ्‌ना ओहाङ्‌साङा डोक् खानि ठिक् लेम्‍बा माङ्‌हाङ्‌ङा छुट्‌कारा माचोगिटि नुङ् मापिडिना चिन्‍ना ए॥

एफिसि 5:18

युमालिङ्‌ङा माटेडिन् चा, पोङ्‌भोने हिट्‌नाङा जाखाम् आचोक्‌युक्, टरो सेङ्‌सेङ्‌ना हाङ्‌साङा माइप्‌टियाक्॥

तितास 2:12

ना माङ्‌हाङ् ओदायाङा आनि आधारमोति चोला लिमालाम्‍मा हिट्‌नुङ् नाराङिगा थोक्‌चिङि एरोक् मेलेक् लिमालाम्‍मा आनामेट्‌युक्, हिट्‌नुङ् ना नाराङि नुलोक् जोम् निङ्‌ग्‍वा कारिबा, नुना याप्‌मि लिमा हिट्‌नुङ् धारमोति याप्‌मि लिमा आहिसिक्‌युक्॥

१ पाटरुस 1:22

हाट्‌ले खानिङा छेम्‍बाना रिङ् मानाँ आचोगुमुङ् खानि निङ्‌ग्‍वा सेङ्‌सेङ् आचोगुम्‍नाँ खानि भुम्‍भु-झान्‍झाचि हिट्‌नुङ् नाना-झान्‍झाचि छेम्‍बाना माया चोगानुम्‌चिम्, हिट्‌नुङ् निङ्‌ग्‍वालाम्‍मा डोक् ठिबाङ्‌ङा आरको माया चोग्‍गा चोग् चोगानि॥

१ पाटरुस 2:11

आसाइबाचि, ना नाराङि खानि होप्‍मो बेला सोम्‍मा आयुङिगा हिट्‌नुङ् भारा देसङि आयुङिगा गाड्‌डेगा डोक् ए॥ हिट्‌नुङ् खानि येम्‌ङा कोलुगा ओचाफेन्‍गा रिङ् चोक्‍मालाम्‍मा लाप्‍माङ् युङानि नुङ् खानि बिन्‌टि चोक्‍नाँनि॥ नाड्‌डेगा रिङ् हाङ्‌साङाना बिरुद्‌दाङि सोरोक् कोब्‌युयाक्‌युक्॥