रोमि 7:7 - आठपहरिया

⁷ हिट्‌डे भोने आनि पाक् रिङ् माट्‌टुम्‍माना टे? पाक् धारमाबिधि दुस्‍टा रिङ् इ टे? हिट्‌डे माखाक्, टरो धारमाबिधिङा पाप पाइना नुङ् याङ्‌हिसिक्‍टे॥ धारमाबिधिङा “खान्‍ङा लोभ चोक्‍नेन्” नुङ् माट्‌टुवाटुन्‍नाम्‍बे आङा लोभ चोक्‍माम्‍बाक् ओचाफेन्‍ना रिङ् नुङ् ठाहा डोक् टोग्‍नेट्‌निङ्‌बे॥

रोमि 7:7 ပူးပေါင်းရင်းမြစ်များ

मात्‌ति 5:28

टरो आङा खानि लोनाँनि, खोनाङा चा मेन्‍झेमा ओचाफेन्‍ना निङ्‌ग्‍वाङा पुयुटु भोने हिट्‌नाङा हाले डोक् उनिङ्‌ग्‍वाङि इम्‍मेप्‍माजामा टोॽवा चोगुएट्‌टुटु॥

लुका 12:15

टब येसुङा हिट्‌नागा लोडुचे, “ओछेक्‍छेक् चोगानि, सोब्‍बे थोक्‌चिगा लोभ चोक्‍नेनिन्, पोङ्‌भोने जोम् माक्‍फेन्‍सुबेन्‌ङि छेम्‍बाना चोला लिनिना॥”

लुका 20:16

स्‍वाँरा डाङ्‌बा आप्‍पे आप्‌युङ् हिट्‌नागा दुस्‍टा आधिया कामाँ काचोक्‍बाचि सेडुचिचि हिट्‌नुङ् ओस्‍वाँरा आरुलोङ्‌सा पिडुचिचि॥” ना रिङ् याप्‌मिचिङा ओखेम्‍सुङ् ओमाट्‌टुए, “हिट्‌डेम् खोना बेला चा उलिनि चा॥”

मुलिचेला टोॽवा 20:33

आङा खोना याप्‌मिचिगा साम्‍मेङ्, रुपा हिट्‌नुङ् लोट्‌लिङ्‌ङाना लोभा चोक्‍नेट्‌निङ्॥

रोमि 13:9

धारमाबिधिङि नाड्‌डेना आग्‍याँ छेप्‍टाइसे, “खान्‍ङा इम्‍मेप्‍माजामा टोॽवा चोक्‍मा लिनिना, खान्‍ङा याप्‌मि सेप्‍मा लिनिना, याङ्‌खुट्‌मा लिनिना हिट्‌नुङ् लोभि लिमा लिनिना॥” नागा आग्‍याँचि लोक् आरु आग्‍याँचि “खान्‍ङा काटाक्‍लुङ्‌चि आप्‍पे गाड्‌डे डोक् माया चोगुचि” नुङ् ना ठिक् आग्‍याँङि डोक् युयुक्॥

रोमि 3:20

पोङ्‌भोने धारमाबिधिङिना रिङ् पालान् काचोक् साक्‍चा माङ्‌हाङ्‌ङा धारमोति ठाहाराँ चोगुन्‌चिन्‍गा॥ बोरु धारमाबिधिङाम्‍टे पाप चोगुएसुम्‍मे नुङ् आनि आनिमेट्‌युक्॥

रोमि 3:5

टरो आनिना ओचाफेन्‍ना चाट्‌लाङा माङ्‌हाङ्‌म्‍बाक् धारमि नुङ् आझै याप्‌मिचि पारचिन्‍दा ठेट्‌लोक् चोगुटु भोने, हाट्‌ले आन्‍याँ पाक् माट्‌टुम्‍माना टे? आनि याप्‌मि लिसिनाँ याप्‌मिङा निङ्‌ग्‍वा चोगु गाड्‌डे माङ्‌हाङ्‌ङा आनि साजाए पिमाम्‍बाक् उन्‍ङा नुना चोग्‍वाट्‌टुन् नुङ् माप्‍मा हिडुम्‍टुम्॥ टरो पाक् आनि हिड्‌डे माप्‍मा हिडुम्‍टुम्‌नि टे?

रोमि 4:1

हाट्‌ले आनि छोङ्‌बाङाना टुबाठेबा आब्‍राहामङाना बारेङि माट्‌टुम्॥ उन्‍ङा माङ्‌हाङ् ओनाभाक्‌ङि धारमोति याप्‌मि लिना बारेङि पाक् सिकाँ लिसेना टे?

रोमि 4:15

पोङ्‌भोने धारमाबिधि पालान् ओचोगुन्‍गा याप्‌मिचिङि माङ्‌हाङ्‌ङाना ओरेक् ठायुक्॥ टरो हिट्‌नि धारमाबिधि वाइना भोने, हिट्‌नि पाप चा लिनिना॥

रोमि 5:20

याप्‌मिचि आप्‍पेङा इम्‍टेप्‍मा औधि पाप ओचोगुएना हिट्‌ना रिङ् ठाहा ओटोगुवाक् नुङ् माङ्‌हाङ्‌ङा हिट्‌नागा धारमाबिधि पिडुचे॥ टरो याप्‌मिचिगा पाप पोया चा माङ्‌हाङ्‌ङा कायाङ्‌छाबाचि उन्‍ङाना मायादाया औधि याप्‍मा निमेट्‌टुचे॥

रोमि 6:15

हिट्‌डे भोने हाट्‌ले पाक् चोगिगा टे? माङ्‌हाङ्‌ङा ओमायादायाङा धारमाबिधिलाम्‍मा आनि छुट्‌कारा आपिडेसे भोने, पाक् आनि पाप चोगुम्‍याक्‍टुम्‌नि टे? हिट्‌डे माखाक्॥

रोमि 7:11

पोङ्‌भोने पापङा धारमाबिधिङाना फाइदा फोगुङ् आङा छालाँ याङ्‌चोगे, हिट्‌नुङ् हिट्‌ना धारमाबिधि पालान् चोगुङ् आहाङ्‌सा सेडुए॥

रोमि 7:13

हिट्‌डे भोने पाक् नाड्‌डेना ओचेट्‌नुना धारमाबिधिङा याङ्‌सेडेनि टे? हिट्‌डे माखाक्, माङ्‌हाङ्‌ङाना ओचेट्‌नुना धारमाबिधिङा हिड्‌डे चोगुन्‍ना, टरो पापङाउम्‍बाक् आङि सिमाना रिङ् टाडुए॥ हिट्‌नुङ् पापङा आङा सिमाना रिङ्‌ङाना फाट्‌टुरलोक्‍ना नुङ् निमेट्‌मा माङ्‌हाङ्‌ङाना ओचेट्‌नुना धारमाबिधि चालाँ चोगुए॥ हिट्‌नाडेउङ् धारमाबिधिलाम्‍मा हाट्‌ले चा पाप औधि दुस्‍टा नुङ् पारचिन्‍दा लिसे॥

रोमि 7:5

पाइले आन्‍याँ येम्‌ङिना निङ्‌ग्‍वा गाड्‌डे चोगुमुङ् वासिङे, हिट्‌नुङ् धारमाबिधिङा ओचाफेन्‍गा रिङ् चोक्‍मा निङ्‌ग्‍वा पोसुए॥ हिट्‌डेउङ् आनिना नाड्‌डेना ओचाफेन्‍ना टोॽवाङा आनि सिमा कोन्‍ना लिसे हिट्‌नुङ् माङ्‌हाङ्‌लाम्‍मा लाप्‍माङ् लिसिए॥

रोमि 7:8

टरो जब धारमाबिधिलाम्‍मा लोभ चोक्‍मा ओचाफेन्‍मा नुङ् आङा ठाहा टोगुङे, हिट्‌नुङ् आङाना पाइलेना चोलाङा सोब्‍बे पाराना लोभ चोक्‍मा निङ्‌ग्‍वा चोगुए॥ पोङ्‌भोने धारमाबिधि वानेट्‌निना बे पापङा आनि चोलाङि पाक्‍चा आधिकार चोग्‍वाट्‌टुन् बे॥

१ कोरिन्‌थि 15:56

पापङा चोगुनाँ आनि सिइटि, हिट्‌नुङ् धारमाबिधिङा चोगुनाँ पापङा आनि उठुङ्‌ङि सासान् चोगुटु॥

एफिसि 5:3

खानिङा खोना खाले चा इम्‍मेप्‍माजामा टोॽवा चोक्‍नेनिन्, सोब्‍बे आसुद्‌दो रिङ् हिट्‌नुङ् खानि चाहाब् आलिसागा नुङ्‌ना याप्‍मा टोक्‍मा निङ्‌ग्‍वा चोक्‍नेनिन्, पोङ्‌भोने माङ्‌हाङ्‌ङाना ओयाप्‌मिचि लाउङ्‌सा नाड्‌डेगा रिङ् चोक्‍मा ओचेट्‌नु लिनिना॥

कालास्‌सि 3:5

हिड्‌नाड्‌डेउङ् खानिगा पापलोक्‍ना निङ्‌ग्‍वालाम्‍मा ओहोन्‍गा ओभेन्‍गा रिङ्‌चि चोक्‍मा नाडानुम्॥ हिट्‌नागाम्‍बाक् इम्‍मेप्‍माजामा टोॽवा, आसुद्‌दो टोॽवा चोक्‍मा, निङ्‌ग्‍वाङि छोम्‍बोक् छोम्‍बोक् लिमा, भेन्‍ना निङ्‌ग्‍वा चोक्‍मा, हिट्‌नुङ् लोभि लिमा ए॥ याप्‍मा लोभि लिमाम्‍बाक् मुरति साम्‍माङ् चोक्‍मा गाड्‌डे डोक् ए॥

१ थेसालोनिकि 4:5

टरो माङ्‌हाङ् मिसेन् उनिसुन्‍गेट्‌टुन्‍गा पानिछोङ्‌बा याप्‌मिचि गाड्‌डे इम्‍मेप्‍माजामा टोॽवाङि निङ्‌ग्‍वा छोम्‍बोक् चोक्‍सा युङ्‌नेनिन्॥